ఆమ్లెట్ రోల్స్ కర్రీ..ఇంతటి టేస్టీది ఎప్పుడూ తినుండరు..ఎలా చేసుకోవాలంటే

ఆమ్లెట్ రోల్స్ కర్రీ అనేది ఒక విభిన్నమైన, రుచికరమైన వంటకం. ఇది సాధారణంగా చేసే గుడ్డు కర్రీ కంటే భిన్నంగా ఉంటుంది. దీనిని అన్నం, చపాతీ లేదా రోటీతో కలిపి తింటే చాలా బాగుంటుంది. ఆమ్లెట్ రోల్స్‌ ను మసాలా గ్రేవీలో ఉడికించడం వల్ల వాటి రుచి మరింత పెరుగుతుంది. దీనిని మీరెప్పుడూ ట్రై చేసి ఉండకపోవచ్చు. ఒక్కసారి టేస్ట్ చేప్తే జన్మలో వదలరు. ఇది కుటుంబ సభ్యులందరికీ చాలా నచ్చుతుంది. కొత్త రకమైన వంటకాలను ప్రయత్నించాలనుకునే వారికి ఇది ఒక మంచి ఎంపిక. దీనిని తయారుచేయడం కూడా చాలా సింపుల్. మన వంటింట్లో ఉండే పదార్థాలతోనే దీనిని తయారుచేసుకోవచ్చు. ఆమ్లెట్ రోల్స్ కర్రీ తయారీకి కావాల్సిన పదార్థాలు,తయారీ విధానం ఇక్కడ చూడండి.

ఆమ్లెట్ రోల్స్ కర్రీ తయారీకి కావాల్సిన పదార్థాలు

-ఆమ్లెట్
-పచ్చి కొబ్బరి
-నీళ్లు
-సోంపు
-అల్లం తరుగు
-యాలకలు
-దాల్చిన చెక్క
-వెల్లుల్లి
-కరివేపాకు
-కొత్తిమీర
-మిరియాలు
-ఉల్లిపాయలు
-టమాటోలు
-జీలకర్ర పొడి
-కారం
-ధనియాల పొడి
-పసుపు
-సోంపు పొడి

ఆమ్లెట్ రోల్స్ కర్రీ తయారీ విధానం

-ముందుగా గ్రేవీ తయారుచేసుకోవాలి. ఇందుకోసం స్టవ్ మీద పాన్ పెట్టి అందులో 4-5 టేబుల్ స్పూన్ల ఆయిల్ ఆయిల్ వేడి చెయ్యాలి.

-వేడెక్కిన ఆయిల్ లో 2 యాలకలు, 2 ఇంచుల దాల్చిన చెక్క, 6 మిరియాలు, 3 లవంగ మొగ్గలు వేసి పొంగించండి.

-తర్వాత అందులో పావు టీస్పూన్ సోంపు వేసి పొంగిన తర్వాత 1 టేబుల్ స్పూన్ అల్లం తరుగు, 6 దంచిన వెల్లుల్లి రెబ్బలు వేసి కాస్త ఎర్రబడేదాకా వేపుకోవాలి.

-తర్వాత అందులో అరకప్పు సన్నని ఉల్లిపాయ తరుగు, 1రెబ్బ కరివేపాకు వేసి ఉల్లి లేత గులాబీ రంగులోకి మారేదాకా వేగించాక 2 పెద్ద టమాటోల చీలికలు, 2 పచ్చిమిర్చి చీలికలు,రుచికి సరిపడా ఉప్పు వేసి టమాటో ముక్కలు మెత్తబడేదాకా మగ్గించాలి.

-టమాటోలు మొత్తబడి పూర్తిగా గుజ్జు అయిన తర్వాత అర టీస్పూన్ వేయించిన జీలకర్ర పొడి, 1 టీస్పూన్ ధనియాల పొడి, అర టేబుల్ స్పూన్ కారం, పావు టీస్పూన్ పసుపు వేసి వేయించాలి.

-తర్వాత అందులో రెండున్నర కప్పుల సెకండ్ ఎక్స్ ట్రాక్ట్ కొబ్బరి పాలు(ముందుగా పచ్చికొబ్బరి,కొన్ని నీళ్లు మిక్సీలో వేసి గ్రైండ్ చేశాక వచ్చే పిప్పిలో కాసిని నీళ్లు పోసి తీస్తే వచ్చే వాటిని సెకండ్ ఎక్స్ ట్రాక్ట్ కొబ్బరి పాలు అంటారు) పోసి బాగా కలిపి 7-8 నిమిషాలు ఉడకనివ్వాలి.

-గ్రేవీ ఉడికి దగ్గరపడుతున్నప్పుడు అందులో పావు టీస్పూన్ సోంపు పొడి, కొత్తిమీర తరుగు చల్లుకొని మరో 3 నిమిషాలు ఉడికించుకొని స్టవ్ ఆఫ్ చేసి ఒక కప్పు చిక్కని కొబ్బరి పాలు అందులో పోసి కలిపి పక్కన పెట్టుకోండి.

-ఇప్పుడు రెండు ఆమ్లెట్స్ తయారుచేసుకోండి.

-రెడీ అయిన ఆమ్లెట్స్ ను రోల్ లా పెట్టి పెద్ద ముక్కలుగా కట్ చేసి ఆ ముక్కలను పక్కన ఉంచుకున్న వేడి వేడి గ్రేవీలో వేసి 10 నిమిషాలు వదిలేయండి. అంతే ఆమ్లెట్ రోల్స్ కర్రీ రెడీ.