నోరూరించే వంటకం...జీర్ణమవటం తేలిక!

By B N Sharma

Published: Tuesday, May 29, 2012, 12:25 [IST]

జీడిపప్పు...పేరు చెపితేనే తినేయాలనిపిస్తుంది. వీటినిఏ వంటకంలో వేసినా రుచి అమోఘం. మీరు వెళ్ళే ఏ రెస్టరెంట్ లో అయినా సరే, అక్కడి వంటకాలకు రుచి వారు జీడిపప్పు పేస్ట్ తోనే కలిగిస్తారని గుర్తించండి. జీడిపప్పు ఆరోగ్యాన్నే కాదు, ప్రతి వంటకానికి కలపితేచాలు ఎంతో రుచినిస్తుంది. అయితే, శాకాహారులు తమ డిన్నర్ గా మటర్ పన్నీర్ మాత్రమే తినగలరు. మరిఈపాత వంటకాన్ని కొత్తది చేయాలంటే, ఆ రెస్టారెంటు రుచులు మీ ఇంట్లోనే పొందాలంటే, తేలికైన ఈ వంటకాన్ని తయారు చేసేందుకు ప్రయత్నించండి. మనదేశ సంప్రదాయంకల ఈ రకం కూర పచ్చి బఠాణీలు, జీడిపప్పులు వేసి ఎలా తయారు చేయవచ్చో పరిశీలిద్దాం.

పచ్చి బఠాణీ మరియు జీడిపప్పు కూర్మా (భారతీయ వంటకంగా)

అవసరమైన పదార్ధాలు
జీడిపప్పులు - 1 కప్
నూనె...కొద్దిగా
దాల్చిన చెక్క - 1 అంగుళం
యాలకులు పొడి కొద్దిగా
లవంగాలు - 2 లేదా 3
జీలకర్ర - 1 టీ స్పూన్
ఉల్లిపాయలు, తరిగినవి - రెండు లేదా 3 నెం.లు
పచ్చి బఠాణీ లేదా గ్రీన్ పీస్, ఉడికించినవి - - అర కె.జి.
పచ్చి మిరపకాయలు తరిగినవి - 2 లేదా 3 ముక్కలు
టమాటా ముక్కలు, లేదా గుజ్జు - 3 టీ స్పూన్లు
పసుపు పొడి - అర స్పూను
ఎండు మిర్చి పొడి - 1 టీ స్పూన్
ధనియా పొడి - 1 టీ స్పూన్
జీలకర్ర - 1 టీ స్పూన్
ఆమ్ చూర్ - 1 టీ స్పూన్
గరం మసాలా - 1 టీ స్పూన్
ఉప్పు ....కొద్దిగా రుచికి

కూర వండే విధానం ఎలా?
ఒక నాన్ స్టిక్ పాన్ లో రెండు లేదా మూడు చుక్కల నూనె వేడి చేయండి. దానిలో జీడిపప్పు తక్కువ మంటపై బాగా వేయించండి. వేయించిన జీడిపప్పును ఒక టిష్యూ పేపర్ పై వుంచి పక్కన పెట్టండి.

అదే పాన్ కు 1 టీ స్పూన్ నూనె వేయండి. ఇపుడు లవంగాలు, యాలకులు, చెక్క వంటివి వేసి బాగా వేయించండి. దానికి జీలకర్ర కలపండి. అవి రంగు మారే వరకు వేయించండి.

ఇపుడు తరిగిన ఉల్లిపాయలు వీటికి కలపండి. తక్కువ మంటలోనే మెత్తపడేంతవరకు వుంచండి. దీనికి పచ్చి మిరపకాయలు, టమాట కూడా కలపండి. నూనె తగ్గేంతవరకు వుంచండి.

దీనికి బఠాణీలు, పసుపు, ఎర్ర మిర్చి, ధనియాలు, మెంతులు, గరం మసాలాలు కలపండి. తక్కువ మంటపైనే కొద్దినిమిషాలుంచండి, ఆమసాలాల వాసన అంతా బయటకు వస్తుంది.
ఇక ఈ మిశ్రమానికి ఆమ్ చ్చూర్, వేయించినజీడి పప్పులు కలిపి మెల్లగా తిప్పండి. ఇక పొయ్యి మంట తీసేయండి. మీరు మెచ్చే పచ్చిబఠాణీలు, జీడిపప్పు కూర్మా తయార్...! దీనిపై కొద్దిగా కొత్తిమీర చల్లండి. వేడిగా మీ కిష్టమైన వారికి అన్నం లేదాపరోటాలు, లేదా చపాతీలు వంటి వాటిలో పక్కన పెట్టి తినిపించేయండి. మీరు పొడి కరూర చేయాలనుకుంటే, టమాటా పూరీ తగ్గించండి. గ్రేవీగా చేయాలననుకుంటే టమాటా పూరీ అధికం చేస్తూ తగిననీటిని కలపండి. టమాటా రుచి మాత్రం బాగానే వుండేలా చూడండి.