పాలకూర కూటు

Published: Saturday, October 2, 2010, 13:39 [IST]

కావలసిన పదార్ధాలు:
పాలకూర: 2కట్టలు
కందిపప్పు: 100grm
పెసర పప్పు: 100grm
పల్లీలు: 50grm
ఎండుమిర్చి: 6
శనగపప్పు: 2tsp
మినపప్పు: 2tsp
ధనియాలు: 1tsp
పసుపు: చిటికెడు
ఎండు కొబ్బరిపొడి: 2tsp
తెల్లనువ్వులు: 2tsp
పాలు: 1/2glass
పంచదార: 1tsp
మిరియాలు: 10
జీలకర్ర: 1tsp
పోపుకోసం: నూనె, ఎండుమిర్చి, ఆవాలు, ఇంగువ, కరివేపాకు, కొత్తిమిర తగినన్ని

తయారు చేయు విధానము:
1. పాన్ లో నూనె లేకుండా శనగపప్పు, ధనియాలు, మినపప్పు, ఎండుకొబ్బరి తురుము, ఎండుమిర్చి, నువ్వులను దోరగా వేయించి పక్కనుంచుకోవాలి. చల్లారిన తర్వాత అందులో మిరియాలు, జీలకర్ర, ఇంగువ వేసి మిక్సీ లో వేసి మెత్తగా చేసి పక్కన పెట్టుకోవాలి.
2. ఇప్పుడ కుక్కర్ లో కందిపప్పు, పెసర పప్పు, పాలకూర తరుగు, పల్లీలు, పసుపు, తగినింత నీరు పోసి నాలుగు విజిల్స్ వచ్చే వరకు ఉంచి దింపేయాలి.
3. కొద్దిగా చల్లారిన తర్వాత మూత తీసి అందులో పొడి చేసి పెట్టుకొన్న మిశ్రమాన్ని వేసి కొద్ది సేపు ఉడకనివ్వాలి.
4. తర్వాత పాలు, పంచదార, ఉప్పు వేసి బాగా కలిపి దింపేయాలి.
5. స్టౌ మీద పాన్ పెట్టి అందులో కావలసినంత నూనె వేసి వేడయ్యాక పోపు దినుసులు వేసి దోరగ వేయింది దానిని కూటులో వేసి బాగా కలిపి కొత్తిమీరతో గార్నిష్ చేసుకోవాలి. అంతే పాలకూర కూటు రెడీ. ఇది ఇడ్లీ, దోసె, చపాతీ అన్నంలోకి భలే రుచిగా ఉంటుంది.

Comments

Story first published: Saturday, October 2, 2010, 13:39 [IST]

Latest Updates