టేస్టీ పొటాటో పాన్‌ కేక్స్‌

తయారు చేయు విధానం:
1. ముందుగా తురిమి పెట్టుకున్న ఆలు, ఉల్లిపాయలను కలిపి విడిగా పెట్టుకోవాలి. ఆలూను తురిమిన వెంటనే నీళ్ళలో వేస్తే రంగు మారదు.
2. తర్వాత మైదా, ఉప్పు, మిరియాల పొడి, బేకింగ్‌ పౌడర్‌, బేకింగ్‌ సోడాలను కలుపుకోవాలి.
3. ఇప్పుడు అందులో కలిపి పెట్టుకున్న ఆలు, ఉల్లి తురుమును కలిపి అందులో జారుగా వచ్చేలా తగినన్ని నీళ్ళు కానీ పాలు కానీ పోసి కలుపుకోవాలి. (గరిట జారుగా కలుపుకున్న పిండిని ఎక్కువగా కలపకుండా ఉంటేనే మంచిది).
4. తర్వాత స్టౌ మీద పాన్ పెట్టి వేడెక్కిన తరువాత దానిపై కాస్త నూనె పోసి పాన్ అంతటికి నూనె అంటేలా గరిటతో తిప్పాలి.
5. తర్వాత ఒక కపెద్ద గరిటెడు పిండిని తీసుకుని దోశలకు పోసినట్టుగా పోయాలి. అయితే ఇది పల్చగా మాత్రం ఉండకూడదు. ఎంత పెద్దది, ఎంత చిన్నది వేయాలనేది మన ఇష్టం. రెండు నిమిషాలపాటు దానిని ఉడకనిచ్చి రెండో వైపుకి తిప్పాలి. ఆ వైపు కూడా అలాగే కాలే దాకా ఉంచాలి. దీనిని టమేటో కెచప్‌తో కానీ జామ్‌ తో కానీ చట్నీతో కానీ దేనితోనైనా తినవచ్చు. కొబ్బరి చట్నీ అయితే మరీ మహాటేస్టీగా ఉంటుంది సుమా...