తందూరీ ఆలూ-పన్నీర్ వంటకం

Published: Friday, February 10, 2012, 13:07 [IST]

కావలసిన పదార్థాలు:
బంగాళా దుంపలు(బేబీపొటాటో): 6-8
పన్నీర్: 100grms
ధనియా పౌడర్: 1tsp
కారం: 1tsp
చాట్ మసాలా: 1tsp
జీలకర్ర పొడి: 1tsp
యాలకల పొడి: 1/2tsp
అల్లం, వెల్లుల్లి పేస్ట్: 2tsp
గట్టి పెరుగు: 1cup
జీడిపప్పు: 8-10
కిస్‌మిస్ : 6-8
ఉప్పు: రుచికి సరిపడా
నూనె: కావలసినంత

తయారు చేయు విధానం:
1. బంగాళదుల్ని(బేబీ పొటాటోస్)మధ్యలో చిన్న రంధ్రం చేసి వాటిని కొద్దిగా నూనె వేసి వేయించుకోవాలి. రంధ్రం కోసం మధ్యలో తీసేసిన ఆలుగడ్డ ముక్కలను కూడా వేయించుకొని పక్కన పెట్టుకోవాలి.
2. తర్వాత ఇలా వేయించిన ముక్కలను ఒక గిన్నెలోకి తీసుకొని పన్నీర్‌ ని తురిమి అందులో వేసుకోవాలి.
3. ఇప్పుడు జీడిపప్పు, కిస్‌మిస్, చాట్‌మసాలా, జీలకర్ర పొడి, ఉప్పు, యాలకల పొడులను కూడా వేసి బాగా కలిపి పెట్టాలి. దీన్ని మధ్యలో రంధ్రం చేసుకొని వేయించుకున్న ఆలుగడ్డల్లో స్టఫ్(కూరు)చేసుకోవాలి.
4. మరో గిన్నెలో పెరుగు తీసుకొని అందులో అల్లం, వెల్లుల్లి పేస్ట్, జీలకర్ర పొడి, కారం, చాట్‌మసాలా, నూనె వేసి కలుపుకోవాలి. ఈ మిశ్రమాన్ని కూరుకొని పెట్టుకున్న ఆలుగడ్డలపై పూయాలి. వీటిని తందూరీలో కుక్ చేసుకొని పై నుంచి చాట్‌ మసాలా వేసుకొని తింటే బాగుంటాయి.