పని పంచుకుంటే...ఆనందం అంతా ఇంతా కాదు!

అభిప్రాయ భేధాలా....అంతం చేయండి. పండుగలలో ఇంటి పని అంటే శుభ్రత, పండుగ ఏర్పాట్లు వంటివి ఎన్నో వుంటాయి. మరో పక్క పిల్లలు వారి రోజువారీ అవసరాలు, ఇల్లాలు ఒక్కరే చేసుకోవడం చాలా కష్టమవుతుంది. అటువంటపుడు, ఆమె పురుషుడుగా మీరు తప్పక ఆమె ఇంటిపనులు కూడా పంచుకోవాలంటారు విషయ నిపుణులు. ఆ సమయంలో వుండే షాపింగ్ అవసరాలు కూడా ఎన్నో వుంటాయి. వాటిని కూడా స్త్రీ పురుషులు ఇద్దరూ కలసి చేసుకుంటే వాదనలుకు స్వస్తి చెప్పచ్చు. నేటి రోజుల్లో మహిళలు వివిధ రకాల పనులు చేసేస్తున్నారు. ఇటువంటపుడు జీవిత భాగస్వామి సహకరిస్తే అది ఎంతో ప్రయోజనంగా వుంటుంది.

రీసెర్చర్ల మేరకు, ఇంటిపని పంచుకునే జంటలు దీర్ఘకాలం తమ వైవాహిక జీవితంలో కొనసాగుతారని కూడా వెల్లడైంది. కనుక మీరు ఇంటిపని అంటే, బూజులు దులపటం, వాషింగ్, బిడ్డ సంరక్షణ వంటివి పంచుకుంటే, సాధారణజంటలకంటే కూడా బాగా ఆనందంగా వుంటారు. ఇంటిపని పంచుకుంటే అది రోజులో ఎంతో ఒత్తిడిని కూడా జీవిత భాగస్వాములకు తగ్గిస్తుంది. పని పూర్తయ్యే సరికి ఇద్దరికి ఎంతో ఎనర్జీ వస్తుంది. అయితే, పురుషులు మాత్రం తమ పాత్రలు మార్చుకోడానికి సుముఖంగా లేరని కూడా రీసెర్చర్లు తెలుపుతున్నారు. అయితే అటువంటపుడు మహిళ తనకు సరైన సహకారం లేదని, భావిస్తుంది. పురుషుడు మాత్రం తాను ఆర్ధికంగా సహకరిస్తున్నానని భావిస్తాడు. కాని ఇంటిపనిలో కూడా ఇద్దరూ 50 - 50 పద్ధతిపై పనులు పంచుకుంటే మంచిదని రీసెర్చర్లు సూచిస్తున్నారు. శుభవార్తగా....ఇంటిపని అంతా ఖచ్చితంగా చేసుకునే జంటలు, ఏ జంకూ, గొంకూ లేకుండా యధేచ్ఛగా, మిగిలినవారికంటే మహా ఆనందంగా కామకేళి కూడా జరిపేస్తున్నట్లు స్టడీ తెలిపింది. రతిక్రీడ మిగిలినవారికంటే సంవత్సరంలో 15 సార్లు అధికంగా ఆచరిస్తున్నట్లుగా కూడా రీసెర్చర్లు తెలుపుతున్నారు. మరింకేం...ఇది మరో లాభం!