జంటల పోట్లాటలు... గెలుపుల ఆరాటాలు!

Relationship

oi-Nageswara

By B N Sharma

Published: Friday, April 27, 2012, 12:26 [IST]

జంటలు పోట్లాడుకుంటారు తర్వాత స్నేహితులవలే బయటకు పోతారు. ఒకరికొకరు మరల దగ్గరైపోతారు. సముదాయించుకుంటారు. ఇదంతా సన్నిహితంగా పరిశీలిస్తే తప్ప తెలియదు. ఒక పోట్లాట తర్వాత వారి బాడీ లాంగ్వేజీ నవ్వు తెప్పించేదిగా వుంటుంది. ఎందుకంటే వారికి తెలియకుండానే వారు వారి పోట్లాటలపై కొన్ని సూచనలు ఇచ్చేస్తారు. జంటలు ఇంట్లో పోట్లాటలు చేసుకుని బయట నలుగురిమధ్యా తమ మధ్య ఏదీ జరగనట్లు ఎలా కప్పిపుచ్చుకుంటారో చూడండి....

జంటలు పోట్లాడుకుంటే....
1. దొంగప్రేమ నటిస్తారు - ఇంట్లో ఒకరి కొకరు చీరేసుకున్నా, బయట పార్టీ వంటి ఫంక్షన్స్ కు వచ్చినపుడు దొంగప్రేమాలు ఒలక పోస్తారు. ముఖంపై చిరునవ్వులు కళ్ళలో తిరస్కారాలు కనపడుతూంటయి. వారిలోని కోపాన్ని కవర్ చేసుకోటానికి చూస్తూంటారు.

2. ఒకరంటే మరి ఒకరికి తెలియనట్టు నటిస్తారు - కోపం అధికంగా వుంటే, ఒకరంటే మరి ఒకరు పూర్తిగా తెలియనట్లుంటారు. మాల్స్, ధియేటర్లు వంటి వాటిలో కొన్ని జంటలు దూరంగా నడవటం గమనిస్తూనే వుంటాం. వాస్తవానికి వారు ఒకే కారు ఎక్కే వరకు జంట అనుకోము.

3. స్నేహితుడి ఇంట్లో దిగటం - మీ ఫ్రెండ్ కనుక పక్కన తన భార్య లేకుండా రాత్రి 8 గంటలకు మీ ఇంటికి వచ్చాడనుకోండి. అతను ఇంట్లో పోట్లాడి వచ్చాడని భావించవచ్చు. జంటలు పోట్లాడుకుంటే, ఒకరినొకరు తప్పించుకుంటూ స్నేహితుల ఆశ్రయం తీసుకుంటారు.

4. మంచంపై ఒకే దిండు కనపడితే.... మంచంపై ఒకేదిండు, దూరంగా నేలపై మరో దిండూ కనపడ్డాయంటే ఆ జంట తప్పక ఫైట్ చేశారనే భావించాలి.

5. జంటలు ఫైట్ చేసుకుంటే...ఇక వారు మాట్లాడుకోనంత కాలం పాపం, వారి పిల్లలకు కొరియర్ ఉద్యోగం తప్పదు. పిల్లాడు వారిద్దరి మధ్య మాటలు చేరేస్తూంటాడు. లేదా నిలబడి వారిమాటలు అరుస్తూంటాడు.

జంటలకు పోట్లాడుకోవటం సాధారణమే. అయితే అది వారు నలుగురి ఎదుట కప్పి పుచ్చుకోవాలనుకున్నప్పటికి బయట పడుతూనే వుంటుంది. మీకు ఈ వ్యవహారాలలో మరిన్ని లక్షణాలు కనపడితే తప్పక మాకు వ్రాయండి.