విడాకులనుండి కాపాడే హాస్యపు జల్లులు!

Relationship

oi-Nageswara

By B N Sharma

Published: Wednesday, April 4, 2012, 17:59 [IST]

ప్రతి వివాహం పెద్ద వేడుకగా జరుగుతుంది. కాని అది విషాదంగా విడాకులతో అంతం అయిపోతుంది. బహుశ మీరు ఎంతో ధనవంతులు, లేదా అందగాళ్ళు అయిన యువకులకు కాదు యువతులు పడిపోయేది...ఒక మాటకారి యువకుడికే అధికంగా పడిపోతారని గమనించేవుంటారు. చూసిన కేసులు జీవితంలో ఎన్నో పాఠాలు నేర్పిస్తాయి. జీవితంలో కొద్దిపాటి హాస్యం దారుణమైన పరిస్ధితులనుండి తప్పిస్తుంది. జీవితంలో సీరియస్ గా వున్నారా? మీరు జీవిత భాగస్వామిని కోల్పోతారని గుర్తించండి. ఇది ఒక జోక్ లా భావించవద్దు. నవ్వుతూ తిరిగే జంటలు వారి వివాహ జీవితంలో మరింత ఆనందాలను అనుభవిస్తారని రీసెర్చిలో కూడా తేలింది. మీ నవ్వుల జల్లు మీ వివాహ జీవితాన్ని ఎలా సుస్ధిరం లేదా కాపాడటం చేస్తుందనేది పరిశీలించండి.

1. నేటి రోజుల్లో చాలామంది జంటలు వారి సంబంధాలలో విసిగిపోయామని చెపుతూంటారు. వివాదాలకు ఇదే కారణం. అంటే వివాహ జీవితంలో హాస్యం కరువైందని అర్ధం. మరి కొద్దిపాటి నవ్వులతో మీ భాగస్వామిని కట్టిపడేయవచ్చు.

2. మరింత వివాదంగా వుందా? ఒకరి ముఖం మరొకరు చూసుకోని పరిస్ధితి కూడా వచ్చేసిందా? అయినప్పటికి మీ మధ్య టెన్షన్ తగ్గాలంటే నవ్వు తెప్పించే మాటలు, సంఘటనలే కావాలని గుర్తుంచుకోండి. మీ పోట్లాటలు ఎంత మూర్ఖం అయినప్పటికి, మీ మధ్య ఎంత టెన్షన్ కలిగించినప్పటికి వాటిని చూసి ఇద్దరూ నవ్వేయండి. వివాదాలు సమసిపోతాయి.

3. అయితే, అకస్మాత్తుగా మీరు నవ్వుల జల్లులు కురిపించలేరు. అలా చేస్తే అది మీ భాగస్వామికి కృత్రిమంగా వుంటుంది. మెల్లగా మొదలుపెట్టండి. ప్రాక్టికల్ జోక్ వేయండి. అది హస్యం గా, నవ్వు తెప్పించేదిగా వుండాలి. గతంలో ఎన్నడూ లేని చిన్న సంఘటనగా వుండాలి?

4. ఇద్దరు కలసి నవ్వు తెప్పించే కామెడీ షోలు చూడండి. వర్కవుట్ అవుతుంది. ఆ సన్నివేశాలు మిమ్మల్ని ఎంత దగ్గరగా తీసుకు వెళతాయో అంచనా వేయలేము.

5. ఈ రోజుల్లో వివాహ జీవిత తగాదాలు, విడాకులు వంటివన్నీ మన పని జీవితం నుండి కూడా పుట్టుకువస్తున్నాయి. ఎంతో కష్టపడి చికాకుతో ఇంటికి రావటం ఒకరిపై మరిఒకరు విసుక్కోవడం జరుగుతోంది. అవి పెద్దవై పోట్లాటలుగా పరిణమిస్తున్నాయి. అలా ఒకరిపై మరిఒకరు విసుక్కునేకంటే, మంచి కామెడీ సీన్లు చూసి అద్భుతంగా నవ్వేసుకోండి. అంతేకాదు, ఆఫీసుల్లో బాసులగురించి వ్యాఖ్యానించుకుంటూ కూడా నవ్వేసుకోవచ్చు. అయితే ఎవరి బాస్ గొప్ప ...అని సీరియస్ అవకండి.

మరి మీ మంచి సంబంధాల నిర్వహణలో హాస్యపు జల్లులు కురిపించి మీ వివాహ జీవితాన్ని ఆనందించేయండి. విడాకులు, వేర్పాటులు వంటివాటినుండి రక్షించుకోండి.