ప్రేయసి దూరం వుంటే ప్రేమ పెరుగుతుందా?

Relationship

oi-Nageswara

By B N Sharma

Published: Monday, May 28, 2012, 14:04 [IST]

ప్రేమలో కూడా కొంత దూరం వుండటం ఆరోగ్యం మాత్రమే కాదు అవసరం కూడా అంటున్నారు నేటి సామాజిక సంబంధాల నిపుణులు. అయితే, ఎంతో దూరం వున్న సంబంధాలలో కూడా విఫలతలు లేకపోలేదు. కాని సాధారణంగా దూరం ఎక్కువయ్యే కొలది సంబంధాలు గట్టిపడే అవకాశాలుంటాయి. ప్రేమలు వ్యక్తుల మధ్య పెరుగుతాయి. ప్రత్యేకించి ప్రేయసీ, ప్రియుల మధ్య ఎన్ని రోజులు ఎడబాటు వుంటే అంత ప్రేమానురాగాలు అధికం అవుతాయని చెపుతారు. అనుకోకుండా దూరం అవటం మరల కలుసుకోవటమే గాఢ సంబంధాలలోని విజయంగా పరిగణించాలి.

జంటలుగా చూడలేని సమస్యలను ఎన్నింటినో, మీరు ఒంటరిగా వున్నపుడు గుర్తించటం ఖచ్చితంగా వుంటుంది. సంబంధాలపై ఏ మాత్రం అపోహలు, అపార్ధాలు వున్నా, వెంటనే దూరం జరిగితే అవన్ని సరైపోతాయి. జంటలు ఎల్లపుడూ ఒకరితో కలసి మరొకరు వుంటే, వారిలో భావావేశాలు కూడా సరిగా వుండవు. అతి సాధారణంగా వుంటాయి. అందుకుగాను కొన్ని ప్రాధమికతలు కింద ఇస్తున్నాం అవి దీర్ఘ కాల బంధాలలో ప్రేమను ఎలా పెంచి సుస్ధిర పరుస్తాయనేది పరిశీలిద్దాం. సంబంధాలలో గాఢతను పెంచే కొన్ని చిట్కాలు

1. సంబంధం తెగిపోయిందని భావించకండి. ఏదో మీ అంతట మీరు పని కల్పించుకొని కొంతకాలం మీ ప్రియురాలికి దూరంగా వుండండి. మరి అది మీ పార్టనర్ నుండి దూరం జరిగినట్లు కాదు. ఆ సమయం మీ వ్యక్తిగత బాగుకోసం వినియోగిస్తారు.

2. మీరు వేసుకునే ట్రిప్ మీ ఉద్యోగపరంగా కావచ్చు. లేదా ఒక విశ్రాంతి సెలవు కావచ్చు. అది మీ కొరకు మాత్రమే. మీ ప్రేయసిపై కోపంతో అంతా సర్దుకొని వేరే ప్రదేశాలకు వెళుతున్నట్లు వుండరాదు. అలా వెళితే, అది మీ సంబంధానికి హాని కలిగిస్తుంది. ఆమె లేదా అతను భాగస్వామిచే వదలివేయబడినట్లు భావిస్తారు. మీ భాగస్వామికి సందేహం రాకుండా అతి సాధారణంగా మీరు ఆమెకు దూరం కావాలి.

3. ఒక వ్యక్తి వెంటబడటం ఆపితే, ఆ వ్యక్తి మీ వద్దకు వచ్చేస్తాడనేది ఒక గోల్డెన్ నిబంధన. కనుక కొంత ఎడబాటు చూపటం అనేది జంటలకు ఎంతో మంచిది. అది మీ విలువ ఏమిటనేది మీ పార్టనర్ కు తెలియజేస్తుంది.

4. ప్రేమలో సమస్యలు దూరం వుండటంతో కొన్ని వాటంతటవే మాయమవుతాయి. ఉదాహరణకు తరచుగా ఒకరినొకరు నిందించుకోవడం తగ్గుతుంది. మీరు ఆమె మీ వద్ద లేనపుడు మీ పార్టనర్ విలువ గ్రహిస్తారు. కనుక ప్రేమ తక్కువకాకుండా వుండాలంటే, అపుడపుడు మీ పార్టనర్ కు దూరం వుండండి.

5. తాత్కాలికంగా మీ సంబంధంలో దూరం వుండటం మీలోని అంతర్గతలను సమతుల్యం చేస్తుంది. మీరు మీ కోపతాపాలను ఒంటరిగా వున్నపుడు తప్పక బేలన్స్ చేసుకుంటారు.

6. ఈ రకమైన దూరంలో మీరు స్వంతంగా చేసుకోవాలనుకున్నవి తప్పక చేసుకోవచ్చు. అది మీ ఊటీ విశ్రాంతి కావచ్చు. లేదా మీరు చేయాలనుకున్న ఎంబిఎ కోర్సు కావచ్చు.