ఒప్పుకోకుంటే...మీ నిర్ణయం మీదే....!

Relationship

oi-Nageswara

By B N Sharma

Published: Tuesday, May 29, 2012, 10:29 [IST]

మీరు ప్రేమలో పడితే, మీ ప్రేమికుడితో భవిష్యత్తు కొరకు డేటింగ్ చేస్తారు. లేదా టైమ్ పాస్ కొరకు డేటింగ్ చేస్తారు. మీరు కనుక మీ సంబంధంలో సీరియస్ అనుకుంటే, అతడితో తప్పక పెళ్ళి ఖాయం చేసుకుంటారు. యువతులు నేటి రోజుల్లో చాలావరకు ఆనందాలకే ప్రాధాన్యం ఇస్తున్నారు. కాని దీర్ఘకాలంలో ప్రేమలో వాస్తవంగా పడటం, పెళ్ళి కోరటం జరుగుతోంది. పెళ్ళి చేసుకోవాలనే ఆలోచన మైండ్ కు వస్తుంది. అంతే, మీ ప్రేమను ఒక అడుగు ముందుకు వేయించి పెళ్ళి అంటారు. అయితే, పురుషులు పెళ్ళి అనే కట్టడికి ఇష్టపడరు. కాని మహిళ పెళ్ళికి మొగ్గు చూపుతుంది. మీకు పెళ్ళి కావాలి. కాని అతడు సిద్ధంగా లేడు. అటువంటపుడు మీరు అతనిని ఒప్పించగలగాలి. మరి అది ఎలా?
చదవండి ....

అతను భయపడుతున్నాడా? చాలామంది పురుషులు పెళ్ళి అంటే భయపడతారు. ఎందుకని? వారికి పెళ్ళి వలన భాధ్యతలు అవి కూడా జీవితాంతం అదనంగా వస్తాయని భయపడతారు. మొదట పెళ్ళి, తర్వాత పిల్లలు, వారి భవిష్యత్తు, కుటుంబ అవసరాలు, మొదలైనవి అతనిని భయపెడతాయి. ఇది పురుషుడి సహజ లక్షణం. మీరేం చేయలేరు. కాని, మీరు అతని ఈ ఆలోచనకు బలి అవ్వకండి. అతను పెళ్ళి అంటే ఎందుకు వెనుకడుగు వేస్తున్నాడో తెలుసుకోండి. అతనితో మెల్లగా మాట్లాడి అదనపు భాధ్యతలకై అతనికి గల భయాన్ని పోగొట్టండి. మీరు దానిని పాజిటివ్ గా తీసుకోవాలి. అతనికి మీ సపోర్ట్ కావాలి. కనుక, మీరు అతనికి వెన్నంటి వుంటానే అభయం ఇవ్వండి. పెళ్ళి అంటే అదనంగా వచ్చే భాధ్యతలు కాదని అతనికి తెలియజెప్పండి.

నమ్మకం ఏర్పరచండి - పెళ్ళి అంటే అతనికి కల భయాన్ని తొలగించాలి. కాని కొంతమంది పురుషులు చాలా గట్టిగా వుంటారు. వారిని పెళ్ళికి ఒప్పించటం కష్టమే. వీరు తమ పెళ్ళి అయినన స్నేహితుల బాధలు చూసి మనసు అలా చేసుకుంటారు. కనుక కొన్ని మంచి ఉదాహరణలు అతనికి చూపండి. ఇది అతనిని ఆలోచించేలా చేస్తుంది. మీ ప్రయత్నాన్ని అతను మెచ్చుకుంటాడు.

పెళ్ళి ప్రయోజనాలు ఎత్తి చూపండి - అదనపు భాధ్యతలగురించి మాట్లాడే కంటే, పెళ్ళి ప్రయోజనాలను మంచిని చూపండి. ప్రేమ లేదా ఏర్పాటు వివాహం ఏదైనప్పటికి జంటలు ప్రతిరోజూ ఆనందిస్తారని, సంతోషంగా వుంటారని చెప్పండి. మీ తల్లితండ్రులు ఎంత సంతోషంగా వున్నారో ఉదాహరణగా చూపండి. భయపడాల్సిన అవసరం లేదని పెళ్ళి అనేది ఒక ఆనందకర జీవిత దశ అని తెలుపండి.

భయ పెట్టండి - ఎంత నచ్చ చెప్పినా వినటం లేదా? కొంచెం భయ పెట్టండి. అతనికి దూరంగా వెళ్ళిపోతున్నాననండి. ఉదాహరణకు అతను కనుక మిమ్మల్ని పెళ్ళి చేసుకోకుంటే, మీరు వేరే వారిని పెళ్ళి చేసుకుంటాననండి. మీ ప్రేమికుడు నిజంగా మిమ్మల్ని ప్రేమించేవాడైతే, మిమ్మల్ని వదులుకోటానికి ఇష్ట పడడు. అది బ్లాక్ మెయిల్ అయినప్పటికి, మంచి ఫలితాలనిస్తుంది.

అతడిని పెళ్ళికి ఒప్పించటానికి ఈ మార్గాలు ఆచరించండి. అతను కనుక సిద్ధంగా లేకుంటే, కొంత సమయం ఇవ్వండి. అతనిని బలవంత పెట్టకండి. సమయం ఇచ్చినప్పటికి అతను కనుక ఒప్పుకోకపోతే, మీరు మీ నిర్ణయం తీసుకోవాలి. గుడ్ లక్...!