మీ వదిన లేదా ఆడపడుచులతో సమస్యా...?

Relationship

oi-Nageswara

By B N Sharma

Published: Tuesday, May 15, 2012, 13:40 [IST]

సాధారణంగా యువతి కాపరానికి వచ్చి మొగుడితో కాపరం చేస్తోంది...అంటే భర్త చెల్లెలు లేదా అక్క వంటివారితో కొన్నాళ్ళు సమస్యగానే వుంటుంది. దీనికి కారణం మీరు ఆమె సోదరుడితో కొత్తగా వివాహ సంబంధం పెట్టుకోవడమే. అంతవరకు పొందుతున్న తన అన్న ప్రేమను మీతో పంచుకోవడంతో ఆమెకు కష్టంగా వుంటుంది. ఈ కారణంగా వీరు కొన్ని సార్లు వివాహజీవితాన్ని మరింత దుర్భరం కూడా చేస్తారు. అదే సమయంలో ఎంతో నిర్మొహమాటంగా ఎంతో చెడుగా కూడా వ్యవహరించటానికి సిద్ధ పడతారు. అటువంటి అంశాలలో పాజిటివ్ గా వుంటూ ప్రశాంతంగా పరిస్ధితులను ఎదుర్కొనటం మంచి పద్ధతిగా చెప్పాలి.

వదినా మరదళ్ళలో రకాలెలావుంటారు?
ఈ వదినలు, ఆడపడుచులు రెండు రకాలుగా వుంటారు. ఒక రకంఎంతో సహకరించేవారు మరో రకం ఎంత చిన్న అంశమైనా సరే దానిపై పెద్దగా తగవులాడేవారు. మీరు కనుక అదృష్టవంతులైతే, మొదటి రకం వారు మీకు దొరుకుతారు. కాని అది అరుదుగా జరిగేదే. అసలు ఈ ఆడపడుచులు మీ వివాహజీవితంలో ఎందుకు సమస్యలు కలిగిస్తారు? ఆమె కుటుంబ సభ్యులనుండి మీరు అధికంగా ప్రేమను పొందుతున్నారనే అసూయ వారికుంటుంది. ఆమెకు ఇవ్వకుండా మీ భర్త ఏదైనా విలువైన వస్తువును మీకు ఇస్తే చాలు సహించలేరు. తమ సోదర సంబంధాలమధ్య మీరు అడ్డంకిగా భావిస్తుంది. కనుక మీరు ఎంతో చాక చక్యంగా మీ భర్తకు కూడా సమస్య లేకుండా ఆమెతో నిర్వహించాలి.

సమస్యలను తేలికగా ఎలా పరిష్కరించాలి? ఎల్లపుడూ తగవులాడే ఆడపడుచులు, వదిన గార్లతో తియ్యటి కత్తిలా వుండి పైకి బాగా మాట్లాడుతూనే వ్యతిరేకించాలి. మంచిగా మాట్లాడి ఆమెను వ్యతిరేకిస్తూ వుండండి. మీకు అసలు ఆమెతో సమస్య లేనట్లు వుండండి. మీ పరిస్ధితి మీ భర్త తప్పక సమర్ధిస్తాడు. మొదటగా మీ భర్త ఇతర కుటుంబ సభ్యుల కళ్ళల్లో మీరు మంచివారిగా వుండండి. ఆ రకంగా ప్రవర్తించే మీ తీరు మీకు మీ వదిన లేదా ఆడపడుచులకు మధ్య వచ్చే ఎటువంటి సమస్యకైనా సరే మీకు అనుకూలంగా వుంటుంది.

పావులు కదపండి -వివాహం తర్వాత కుటుంబ జీవితం చెస్ ఆట వంటిది. తెలివిగా వేసే మీ ఎత్తులు మీ గెలుపు, ఓటములను నిర్ణయిస్తాయి. మీరు గెలవటానికిగాను ఎప్పటికపుడు పావులు కదపండి. మీ ఆడపడుచు లేదా వదిన మీ సమర్ధత ఏమిటో గ్రహిస్తుంది. మీ జోలికి రాకుండా వుంటుంది. వాస్తవం ఎంత కఠినమైనప్పటికి అది వెలుగులోకి వస్తుంది. ప్రతిదీ మీకు లాభ సాటిగా చేసుకోవాలంటే మీరే లాఘవంగా వ్యవహరించాలి. మీరు ఎంత చాకచక్యంగా వ్యవహరిస్తే, మీ భర్త, ఇతర కుటుంబ సభ్యుల మధ్య అంత మంచి పేరు తెచ్చుకొని వారి హృదయాలను గెలుచుకుంటారు.

మీకు మీ భర్తకు మధ్య ఏదీ చెడకుండా వుండాలనేది గుర్తుంచుకోండి. ఏ రకంగానైనా సరే ఈ పవిత్ర బంధాన్ని మీరు కాపాడుకోవాలి. లేదా చెడకుండా చూసుకోవాలి. మీరు కనుక మీ వదిన, లేదా ఆడపడుచులతో ఇప్పటికే ఈ సమస్యలు ఎదుర్కొంటూంటే మాకు వ్రాయటం ద్వారా తప్పక పంచుకోండి.