బొమ్మ చూస్తే హుషార్...భార్యనుచూస్తే పరార్!

Relationship

oi-Nageswara

By B N Sharma

Published: Thursday, May 31, 2012, 14:45 [IST]

మీ పార్టనర్ మీతో ఎంత సాధారణంగా వున్నా మీరు ఆమెను కామ దృష్టితో చూడలేకుండా వుండలేకపోతున్నారా? ఆమె స్నేహబంధాన్ని అర్ధం చేసుకోలేకున్నారా? చాలామంది అశ్లీల చిత్రాల ప్రభావం వుండదనుకుంటారు. కాని అశ్లీల చిత్రాలు మీ తీరునే మార్చివేసి వ్యక్తులకు, కుటుంబాలకు హాని కలిగించే ప్రవర్తనను ప్రోత్సహిస్తుందని రీసెర్చి రుజువు చేసింది. ఎందుకంటే ఈ అశ్లీల చిత్రాలు తరచుగా రహస్యంగా చూస్తారు. అది వివాహ జీవితంలో మోసానికి చివరకు విడాకులకు కూడా దోవతీసేలా చేస్తుంది. అశ్లీల చిత్రాలుచూడటం అనేది వ్యభిచారానికి, మోసానికి, అవాస్తవిక ఆశింపులకు కూడా దోవతీసి ప్రమాదకర ప్రవర్తనలను వ్యక్తులలో ఏర్పరుస్తుంది.

కొంతమంది పార్టనర్ మూడ్ ఇవ్వలేకుంటే, అశ్లీల చిత్రాలుచూసి మూడ్ తెచ్చుకొని రతి సాగిస్తారు. బయటకు అది ఉపయోగపడిందని భావిచినప్పటికి అంతర్గతంగా హాని కలిగిస్తుంది. మీరు పడే ఆవేశం లేదా ఉద్రిక్తత మీ పార్టనర్ వలన కాదు. దానిలో సెక్స్ మాత్రమే వుంటుంది కాని, ప్రేమ వుండదు. నేటి రోజులలో సెక్స్ మాత్రమే సంబంధాలమధ్య కొలమానంగా వుంది. ప్రేమకు తావే లేదు. ఆవేశం కొరకు అశ్లీలతలను చూడటం మంచిదనిపించుకోదు. అది ఒక తమాషా అని భావిస్తారు. ఈ రకమైన వ్యక్తికి సెక్స్ అంటే పై పై చర్య మాత్రమే.

చాలామంది ఉద్రేకం కలగాలంటే అశ్లీల చిత్రాలను చూస్తారు. ఇటువంటివారు ఎంతో గట్టిగా ఉద్రేకం కలిగితేగాని సాధారణ సెక్స్ కూడా చేయలేరు. అశ్లీలతా చిత్రాలు చూసేవారు చాలావరకు ప్రతిరోజు సెక్స్ సమస్యలంటూ వైద్య సలహాలకు అధికమైపోతున్నారు. అశ్లీలత ఒక మత్తు కలిగించేది. హస్తమైధునం, తెలియనివారితో సెక్స్, జారిణి తనం, వంటివి ఎన్నో ఈ కోవకే వస్తాయి. ఇవి ఒక వ్యామోహంలో కలిగే సంబంధాలు. చాలామందికి అశ్లీలత అంటే సెక్స్ కోరికలు కలిగి వుండటంగానే తెలుసు.

ఈ అశ్లీల చిత్రాలకు అలవాటు పడినవారు తమ మంచి సంబంధాలను సైతం పాడుచేసుకుంటారు. గంటల తరబడి ఇంటర్నెట్ చూస్తారు. సొమ్ము నష్టపరచుకొంటారు. అశ్లీలత చిత్రాలకు అలవాటు పడిన వారికి అలవాటు, అలవాటనేది నిరంతర అలవాటుగా మారటం, ఎంత చూసినా తనివితీరకపోవటం, దానిని పక్కవారితో అభ్యసించటం అనే దశలకు చేరిపోతారు. అపుడు ఎంత మంచి సంబంధం అయినప్పటికి అది చెడిపోయే అవకాశం వుంటుంది.

అశ్లీల చిత్రాలుచూడటం తమపై తమకు నియంత్రణ లేకపోవటం, అందరూ అంగీకరించే నిబంధనలు అతిక్రమించడం. ఈ రకమైన అలవాటు బాల్యదశలో ఏర్పడితే అది మరింత ప్రమాదకరంగా పెరిగిపోతుంది. బాల్యంలో కుటుంబాలు సరిలేకున్నా ఈ సమస్య వచ్చేస్తుంది. వీటికి అలవాటు పడేవారు బాల్యంలోనే దుర్వినియోగం చేయబడిన వారై కూడా వుంటారు. అశ్లీల చిత్రాలలో సాధారణంగా మహిళలు బలవంతపు సెక్స్ కు ఆనందపడుతున్నట్లు చూపుతారు. అది నేరాలకు దోవతీస్తుంది.

సెక్స్ అనేది ఒక శారీరక చర్య అనుకుంటే బాహ్య స్పందనలు కావాలి. ప్రేమ కొరవడితే మీరు ఎవరిని నిందించలేరు. అటువంటపుడు పార్టనర్లు ఇద్దరూ సంబంధాన్ని పరీక్షించుకోవాలి, తమలో తామువ్యక్తిగతంగా లేదా ఒక మధ్యవవర్తిద్వారా. తరచుగా భార్యలు భర్తను నిందిస్తారు. అయితే, వారికి వారు నా సంబంధం మరింత మెరుగవడానికి నేనేం చేయాలి అని ప్రశ్నించుకుంటూ, సెక్స్ పర సంబంధం కాక హృదయానికి సంబంధించిన స్పందించే సంబంధం కొరకు కృషి చేయాలి.