ప్రేమ కోరకు భర్తలు అబధ్ధాలు చెపుతారా?

Relationship

oi-Nageswara

By B N Sharma

Published: Monday, June 25, 2012, 11:56 [IST]

మహిళ ఆనందపడుతుందంటే, భర్తలు అబద్ధాలు చెప్పేందుకు ఎంతో ఇష్టపడతారు. తన మహిళను సంతోష పెట్టాలంటే అబద్ధం చెప్పటానికి ఏ పురుషుడూ వెనుకాడడు సరికదా... ఎంతో ఆనందపడతాడు. అంటే మహిళలు అబద్ధం చెప్పరని కాదు. మహిళలు అవసరానికి అబద్ధం చెపితే, పురుషులు అబద్ధాలు ఏ సమయంలో అయినా సరే చెప్పేస్తారు. తమ భార్యలతో ప్రేమ ప్రమాదంలో పడుతోందనుకుంటే పురుషులు అబద్ధాలు చెప్పేసి అయినా సరే తమ సంబంధం నిలబెట్టుకోవడానికి ప్రయత్నిస్తారు. వాస్తవానికి నమ్మకం పెంచుకోవాలంటే ఏళ్ళు పడుతుంది. కాని దానిని పోగొట్టుకోవాలంటే కొద్ది క్షణాలు చాలు. కాని చెప్పే అబద్ధాలు మోసగించటానికి కాదు, సంబంధం ప్రమాదంలో పడకుండా వుండటానికి.

మరి తమ ప్రేమను రుజువు పరచుకోటానికి భర్తలు ఎందుకు అబద్ధాలు చెపుతారు?
అబద్ధం చెప్పటం అలవాటు - అబద్ధం చెపటం చెడు కాదనేది పురుషుల అభిప్రాయం అందుకని చెప్పేస్తారు. కొంతమంది పురుషులు పుటుకతోనే అబద్ధాలకోరు అని పేరు తెచ్చుకుంటారు. ఏవో కొద్ది మాయమాటలు చెప్పేసి మరీ మిమ్మల్ని నమ్మించి ఆనందిస్తారు. అబద్ధం చెప్పేందుకు పురుషులు ఏ మాత్రం వెనుకాడరు. వారి ఉద్యోగం లేదా వివాహ జీవితం ఏదైనప్పటికి పురుషులు షార్ట్ కట్ రూట్ లో వెళ్ళటానికి చూస్తారు.

మహిళలు అర్ధం చేసుకోలేరు - ఈ అంశాన్ని చాలామంది పురుషులు భావిస్తూంటారు. లేట్ ఎందుకైంది అని అడిగితే, పని ఒత్తిడి లేదా ట్రాఫిక్ లో వుండిపోయాను వంటిఅబద్ధాలు చెప్పి అసలు విషయంగా ఎక్కడో తిరిగేస్తూంటారు. పురుషులకు క్రీడల పట్ల ఆసక్తి. మరి అటువంటి వాటికి వెళ్ళి, కూడా అసలు విషయం చెప్పరు. ఏదో మాయ మాటలు చెప్పి దాటవేస్తారు.అబద్ధం చెప్పి పబ్బం గడుపుకుంటారు.

మహిళలు వాస్తవం గ్రహించలేరు - మహిళలు వాస్తవాలను అర్ధం చేసుకోలేరని అనుకుంటే అది సరికాదు. చాలామంది పురుషులు తమ పార్టనర్ వద్ద అబద్ధం చెప్పేసి క్షమించమంటారు. నిజాన్ని ఒప్పుకోవటంలో విఫలమవుతారు. తమను ప్రేమిస్తున్న కారణంగా తమ పార్టనర్లకు నిజాలు చెప్పి తిట్లు తినలేమని వీరంటారు. కాని మీరు మీ భార్యను మోసగిస్తూంటే, ఇక అందులో ప్రేమ ఏముంటుంది? కనుక, అబద్ధాలు చెప్పే భర్తలతో భార్యలు మోసపోరాదు. భర్త చెప్పే దానిలో అబద్ధాలను పసిగట్టాలి. వాస్తవాలను గ్రహించాలి.

ఆశలను నిరూపించుకునేందుకు పురుషులు అబద్ధాలు చెపుతారు - మహిళలు భర్తలనుండి ఎన్నో ఆశిస్తారు. వారు షాపింగ్ కు తమతో రావాలని, వారి అందాలను మెచ్చుకోవాలిఅని, వారు చేసే పనులు బాగున్నాయని అనాలని ఆశిస్తారు. కాని, ఏ పురుషుడూ కూడా ఇవన్నీచేయలేడు. కనుక, పురుషులు మోసం చేస్తూనే అన్ని మహిళలకు చేశామంటారు. తాము ఆ విధంగా తమ ప్రేమను చాటుకోవాలని చూస్తారు.

తాము కరెక్ట్ అని రుజువు చేసుకునేందుకు - అబద్ధాలు చెప్పే పురుషులంటే... మహిళలు జాగ్రత్తగానే వుంటారు.కాని పురుషులు అన్ని విషయాలలోను అంటే తమ ఉద్యోగం కాని, లేదా జీవితంకాని, మరొకటి కాని, తాము చెప్పిందే సరైనది, తాము చేసిందే సరైనది అంటూ రుజువు చేసుకోవటానికి కూడా అబద్ధాలు చెప్పేస్తారు. వారికి అనుకూలమైనట్లు పరిస్ధితిని మార్చుకుంటారు. ఏది ఏమైనప్పటికి పురుషులు వారి ప్రేమను మీ పట్ల రుజువు చేసుకోటానికి, మీ ముఖాలలో ఆనందం చూడటానికి అబద్ధాలు చెప్పేస్తారని మహిళలు గ్రహించాలి.