మీటింగుల్లో చేయకూడాని 10 ముఖ్యమైన పనులు?

అందరిలోకి భిన్నంగా కనపడాలన్నా, అభిమానాన్ని పొందాలన్నా, పైఅధికారి నుంచి మంచి మార్కులు సంపాదించాలన్నా మీ నడక, దుస్తులు మీరు చేస్తున్న వృత్తి దృక్పథాన్ని వ్యక్త పరిచేలా ఉండాలి. అప్పుడే మంచి ప్రొఫెషనల్‌గా గుర్తింపు పొందుతారు. తగిన గౌరవం లభిస్తుంది.

ఆఫీస్ మీటింగులు ఎంతో ఆవశ్యకమైనవి. అంతే కాకుండా అని మీ కెరీర్లను బాగుచేయనూవచ్చు లేకా పాడుచేయనూవచ్చు. మీరు నిజంగా మీ ఉద్యోగాన్ని ప్రేమించేవారే అయితే, ఆఫీస్ మీటింగులో ఈ పది పనులూ చేయకుండా వుండండి.

1. ఆలస్యంగా వెళ్ళకండి. కొంచెం ముందే వెడితే మంచి సీటు కూడా దొరుకుతుంది కదా!

2. సమావేశానికి సంబంధించిన సమాచారాన్ని సిద్ధపరచు కోకుండా వెళ్ళకండి. దానివల్ల అభాసుపాలవుతారు.

3. ముందుగా మీ సీనియర్లను మాట్లాడనివ్వండి. వారు మాట్లాడుతుంటే మధ్యలో మీరు జోక్యం చేసుకోకండి. మిమ్మల్ని ఏదైన అడిగినప్పుడే నోరు మెదపండి.

4. ప్రశ్నిస్తున్నట్లుగా మాట్లాడకండి. దానివల్ల అనవసరపు వాగ్వాదాలు చెలరేగుతాయి.

5. వక్రభాష్యాలు వద్దు. అవతలివారి మాటలను శ్రద్ధగా వినండి. అప్పుడు మీరు వారిని అపార్థంచేసుకునే ప్రమాదం వుండదు. అలాగే మీరు మాట్లాడేటప్పుడు సందర్భోచితంగా, స్పష్టంగా, క్లుప్తంగా మాట్లాడండి.

6. భయకంపితులు కాకండి. దురదుష్టవశాత్తు కొందరు ఉద్యోగులకు సమావేశాలంటే రణక్షేత్రాలే. మీరు బాధితులైనట్లైతే మిమల్ని మీరు కాపాడుకునే ప్రయత్నం చేయండి... అంతేగాని భయపడిపోకండి.

7. సమావేశంలో చూయింగ్ గమ్ నములుతూ కూర్చోకండి. ఇది అవతలవారికి మీపట్ల ఏహ్యభావాన్ని కలిగిస్తుంది. అమర్యాదకరమైనది.

8. సెల్‌ఫోనుని స్విచాఫ్ చేయండి. సమావేశ సమయంలో మీ సెల్ మోగుతున్నట్లైతే అది సమావేశానికి భంగం కలిగిస్తుంది. మాట్లాడటం అసలే కూడదు.

9. సమావేశపు ఎజెండాను హైజాక్ చేయకండి. మీరు, మీ సహోద్యోగులు, ఉన్నతాధికారులు ప్రధానంగా ఏ విషయాలపై దృష్టి పెటాల్సి వుందో అవి పక్కదోవ పట్టకుండా చూస్తూండండి.

10. సమావేశానికి గైరుహాజరు కాకండి. ఇది చాల హేయమైన చర్య. మీ పై అధికారులు దానిని సీరియస్‌గా తీసుకోవచ్చు కూడా.