ఇటువంటి లక్షణాలు కనిపిస్తే మీరు ప్రమాదంలో ఉన్నట్లే

మానసిక వేధింపులు :

ఏదైనా గొడవ పడినప్పుడు అతను మీ బలహీనతలను ఉపయోగించుకున్నా, మీ కుటుంబాన్ని గొడవలోకి ఈడ్చినా అతను దారి తప్పాడని గుర్తు. కొన్ని సార్లు దీన్ని క్షమించవచ్చు గానీ, ఇదే అలవాటై పొతే, మీరు మానసిక వేధింపులు భరిస్తున్నట్టే.

శారీరిక వేధింపులు :

కొంతమంది తమ బంధాల కోసం శారీరిక వేధింపులు కూడా భరిస్తున్నారు. మీ భాగస్వామి తాగి గానీ, మత్తు మందుల ప్రభావం వల్ల గానీ మీ మీద చేయి చేసుకుంటే అది శారీరిక వేధింపుల క్రిందికి వస్తుంది. ఇలాంటి వేధింపులు ఎదురౌతే వెంటనే మొదటి సందర్భంలోనే ఇది చెల్లదని చెప్పేయండి, రెండో అవకాశం ఇవ్వకండి.

వ్యసనం :

మీ భాగస్వామి వ్యసనానికి బానిసైతే, అతను లేక ఆమె మీ చుట్టూ వుండడం కూడా ప్రమాదకరం అన్నమాట. వ్యసనపరులు డబ్బులు దొంగిలిస్తారు, మతి భ్రమించినప్పుడు మిమ్మల్ని చంపుతామని కూడా బెదిరిస్తారు.

మీ వృత్తిగత జీవితం మీద ప్రభావం :

మీ బంధం మీ వృత్తిగత జీవితానికి ఇబ్బంది కలిగిస్తుంటే మాత్రం ఇక దానికి ఎలాంటి విలువా లేనట్టే. మీ వృత్తికి అవరోధంగా వుండే భాగస్వామితో కలిసి ఉండకండి.

చాలా పగలు :

మీ భాగస్వామిని తలుచుకున్నపుడల్లా మీకు అతని మీద వున్న పగ గుర్తుకు వస్తోందా? అలా అయితే మీ బంధం చేదుగాను, విషపూరితంగానూ మారిందని అర్ధం. కాబట్టి మీరు మీ భాగస్వామితో మాట్లాడి దాన్ని బాగు చేసుకుని మళ్ళీ కొత్త జీవితం మొదలు పెట్టవచ్చు లేదా ఆ విష పూరిత బంధానికి స్వస్తి పలుకవచ్చు.

పరాజితుల ముఠా :

విద్యాపరంగా లేదా వృత్తిపరంగా మీ భాగస్వామి సరైన పనితీరు కనపరచడం లేదా? విజయం వెంట పరుగులు తీయవద్దని మిమ్మల్ని కూడా వత్తిడి చేస్తున్నాడా? అయితే మీ భాగస్వామి మిమ్మల్ని పరాజితుల ముఠాలో చేరుద్దామని అనుకుంటున్నాడన్నమాట! ఇలాంటి వాడిని వెంటనే వదిలివేయాలి.