అబ్బాయి నుంచి అమ్మాయి ఎక్స్ పెక్ట్ చేసేదేంటి ?

జాకెట్ ఇవ్వడం

మీ పార్టనర్ చలిగా ఫీలవుతున్నప్పుడు మీ జాకెట్ ఇచ్చి చూడండి. ఎంత సంబరపడిపోతుందో. మీకు ఆమె ఎంత ప్రత్యేకమో వివరిస్తూనే.. ప్రేమను చూపించారని హ్యాపీగా ఫీలవుతుంది.

రెస్టారెంట్ మ్యానర్స్

మీ పార్టనర్ ని ప్రేమపంచడానికి రెస్టారెంట్ కూడా ఒక వేదికే అని మర్చిపోకండి. ఆమె రెస్టారెంట్ లోకి ఎంటర్ అయినప్పుడు తన కోసం ఛెయిర్ లాగడం, కంఫర్టబుల్ గా ఉందో లేదో తెలుసుకోవడం మీ పార్టనర్ కి అంతులేని సంతోషాన్నిస్తుంది.

బ్యాగ్స్ పట్టుకోవడం

జెంటిల్ మ్యాన్ గా ఉంటూనే ఆమె బిల్స్ మీరు కట్టాలి. అయితే ప్రస్తుతం చాలా మంది అమ్మాయిలు తమ బిల్లులు తామే పే చేయడానికి ఇష్టపడతారు. కాబట్టి ఆ విషయంలో తన అంగీకారం తీసుకోవాలి. అలాగే తన బ్యాగ్స్ మీరు పట్టుకోవడం వల్ల మీ హెల్పింగ్ నేచర్ తో మీ భాగస్వామిని ఇంప్రెస్ చేయవచ్చు.

డోర్స్ ఓపెన్ చేయడం

ఎక్కడైనా సరే ఇద్దరూ వెళ్లాల్సి వచ్చినప్పుడు తలుపులు తీసి, ముందు తను వెళ్లడానికి అవకాశం ఇవ్వడం వల్ల చాలా ఆనందంగా పీలవుతుంది. ఇది చాలా చిన్న విషయమే అయినా.. ఆమెకు చాలా సంతోషాన్నిస్తుంది.

గిఫ్ట్స్

మీ డ్రీమ్ గర్ల్స్ ని మొదటిసారి కలుస్తున్నప్పుడు ఏదైనా కానుక తీసుకెళ్లడం మర్చిపోకండి. ఒట్టి చేతులతో కాకుండా.. చిన్న గిఫ్ట్ అయినా తీసుకెళ్తే చాలా హ్యాపీగా, స్పెషల్ గా ఫీలవుతుంది.

వర్షంలో రొమాన్స్

వర్షంలో రొమాన్స్.. మీ ఇద్దరి మధ్య బంధాన్ని మరింత బలపరుస్తుంది. మీ పార్టనర్ ని వర్షంలో డ్యాన్స్ చేయమని అడగండి. ఒకవేళ డ్యాన్స్ చేయడానికి తను ఇష్టపడకపోతే.. వేరే పద్ధతిలో చిలిపి చేష్టలు చేసి.. మీ గర్ల్ ఫ్రెండ్ ని ఆనందంలో నింపండి.