బ్రేకప్ తర్వాత చెప్పే మాటలివే !

జరిగిందంతా నీ మంచికే

బ్రేకప్ అయిన వెంటనే మీ సన్నిహితులు చెప్పే మొదటి మాట.. జరిగిందేదో జరిగిపోయింది... అదంతా నీ మంచికే జరిగింది.. అంటూ సానుభూతి తెలుపుతారు. అయితే ప్రేమలో విఫలమైన వ్యక్తి మాత్రం చాలా బాధపడిపోతుంటారు.

ఎంతో కాలంగా ఒక వ్యక్తిని నమ్మి ప్రాణానికి ప్రాణంగా ప్రేమిస్తే చివరికి ఇలా హ్యాండ్ ఇచ్చిపోవడాన్ని ఎవరూ కూడా సహించరు కదా. బ్రేకప్ తో వారి గుండె బద్ధలయ్యిటుంది. మనసు అచెంచలంగా మారిపోయి ఉంటుంది.

ఏం బాధపడకు

ఈ సంఘటన వల్ల నీకు వాస్తవం ఏమిటో తెలిసొచ్చింది. నీవు ఏం బాధపడకు అని మీ చుట్టుపక్కల ఉండేవారు చెబుతారు. అసలు నీవు ఏం పొందగలిగావు.. ఏం పొగొట్టుకున్నావనే విషయాలు వారికి తెలిసి ఉంటే మీకు కాస్త భరోసానిచ్చే మాటలే వారు చెబుతారు. మీ మాజీ ప్రియురాలు లేదా ప్రియుడి కంటే మంచి వారే మీకు మళ్లీ జీవితంలో తారసపడతారని సూచిస్తారు.

కాలమే నిర్ణయించింది

ఏది జరిగినా ప్రజలు ఈ మాట అంటూ ఉంటారు. కానీ కాలం ఏమి నిర్ణయించదు. అంతా మన చేతుల్లోనే ఉంటుంది. జరిగిన తప్పు గురించి తెలుసుకుని మళ్లీ అలాంటిది జరగకుండా ఉండేలా జాగ్రత్త తీసుకోవాలి. అంతేకానీ కాలం మీద తోసివేయడం మంచిది కాదు.

ఒంటిరిగా ఉంటే చాలా బాగుంటుంది

అయ్యిందేదో అయ్యింది ఇక నుంచి ఒంటరిగా ఉంటావు కదా హ్యాపీగా ఉండొచ్చని కొందరు సలహాలిస్తుంటారు. అవును బ్రేక్ ప్ తర్వాత ఇక ఒంటిరిగా హ్యాపీగా ఉండొచ్చు, ఎలాంటి బాధ్యతలుండవు, ఎంతో సరదాగా గడపొచ్చేమో. కానీ కోల్పొయిన బంధాన్ని మాత్రం తిరిగి పొందలేము కదా.

చాలా మంది దొరుకుతారు.. బాధపడకు

ఈ మాట కూడా చాలామంది చెబుతుంటారు. అయితే సముద్రంలో చాలా చేపలుంటాయి. మనకు మొదట ఒక చేప దొరికి ఉంటుంది. తర్వాత సేమ్ టు సేమ్ అలాంటి చేపే దొరకాలంటే కుదరదు కదా. ఏ ఎండ్రకాయనో.. లేదా ఏ రొయ్యనో దొరుకుతుంది. ఇదీ అంతే. బ్రేకప్ తర్వాత చాలామంది పై మాట చెబుతుంటారు. కానీ వాస్తవం మీరే ఆలోచించుకోండి.

అందరూ ఒకేలా ఉంటారు

బ్రేకప్ తర్వాత అమ్మాయి అయినా అబ్బాయి అయినా ఒకే లక్షణాలతో బాధపడుతుంటారు. మొదట వారిలో వారు బాధపడతారు. తర్వాత వారి ఫ్యెయిలూర్ స్టోరీ గురించి సన్నిహితులకు వివరిస్తారు.

కొన్నాళ్ల తర్వాత గుర్తు చేసుకుంటే నవ్వొస్తుంది

జీవితం ఎవ్వరి కోసం ఆగదు. కాలం వెంట అది పరిగెడుతూనే ఉంటుంది. ప్రేమలో విఫలమైన వారు మళ్లీ ప్రేమలో పడొచ్చు. అయితే బ్రేకప్ అయినప్పుడు మీ సన్నిహితులు చెప్పిన మాటలన్నీ మీకు గుర్తొస్తే మాత్రం మీకు నవ్వొస్తుంది.

ఎప్పుడోసారి చింతించొచ్చు

బ్రేక్ అప్ గురించి విడిపోయిన వారు జీవితంలో ఎప్పుడో ఒకసారి బాధపడే అవకాశం ఉంటుంది. కాకపోతే దానివల్ల ఎలాంటి ఫలితం ఉండదు. బ్రేకప్ సమయంలో కొందరు ఇచ్చే చెత్త చెత్త సలహాల వల్ల ఎలాంటి ప్రయోజనం ఉండదు. అందువల్ల ఒకరినొకరు అర్థం చేసుకుని ముందుకెళ్తేనే జీవితం ఆనందమయంగా ఉంటుంది.