ప్రేమ‌ను వ్య‌క్తం చేయ‌డం చాలా ముఖ్యం.. ఎందుకంటే?

By: sujeeth kumar
Subscribe to Boldsky

మిమ్మ‌ల్ని గ‌మ‌నించ‌కుండానే.. క‌నీసం మీ వైపు కూడా చూడ‌కుండానే ఎవ‌రైనా మిమ్మ‌ల్ని ప్రేమిస్తున్నాన‌ని చెప్పారా? అలాంటి సంద‌ర్భ‌మేదైనా మీకెదురైందా? ఐల‌వ్‌యూ నిజంగా నిన్ను ప్రేమిస్తున్నాను అని ఎటో చూస్తూ చెప్ప‌డం వ‌ల్ల ఎదుటివారికి ఆ మాట మొక్కుబ‌డిగా అంటున్న‌ట్టుగా అనిపిస్తుంది.

ప్రేమిస్తున్నాను అనే మూడు ప‌దాల మాట చాలా చిన్న‌దే కావొచ్చు. కానీ దానికున్న విలువ అంతా ఇంతా కాదు. తెగిపోయే బంధాన్ని కూడా అక్కున క‌లిపేసుకునే శ‌క్తి ఆ మాట‌ల‌కు ఉంటుంది. ఈ మూడు మాట‌లు చాలు బంధాలు దృఢంగా కొన‌సాగేందుకు. అందుకే ప్రేమ‌కు అంత ప‌వ‌ర్ ఉంది.

ప్రేమ‌ను వ్య‌క్త‌ప‌రిచేందుకు స‌రైన స‌మ‌యం ఏది?

ఈ మూడు మాట‌ల‌కు అంత శ‌క్తి ఎలా ఉంది? అంత ర‌స‌ర‌మ్యంగా, అంత ప్ర‌శాంతంగా అది చెప్పిన‌వారికి మీరే లోకంగా ఎలా చేయ‌గ‌లిగే మ‌హిమ ఎలా ఉంటుంది. ప్రేమిస్తున్నాను ప్రియ అనే మాట‌ల ప్ర‌భావం చాలా కాలం మ‌దిలో నిలిచిపోతుంది. ఎక్కువ కాలంపాటు రిలేషన్‌షిప్‌లోఉన్నవారు ప్రేమ వ్య‌క్తీక‌రించడాన్ని ఓ మొక్కుబ‌డి వ్య‌వ‌హారంగా చూస్తారు. ఈ ప్ర‌భావంతో వారి మ‌ధ్య సులువుగా భేదాభిప్రాయాలు వ‌చ్చేస్తుంటాయి. ఆ మూడు మాట‌లు చెప్పేందుకు కార‌ణాలు వెతుక్కుంటారు. అయితే ఐల‌వ్‌యూ చెప్ప‌డం అంటే యాదృచ్చికంగా ప్రేమ కురిపించేందుకే అనే విష‌యాన్ని మ‌ర్చిపోతారు. ఆ భావ‌న‌లో ఉండి ఏం చెపుతాం లే అని ధోర‌ణితో ఉంటారు. కార‌ణం లేక‌పోయినా స‌రే ప్రేమిస్తున్నాన‌ని చెబితే ఎదుటివారు ఎంత భ‌ద్ర‌గా ఫీల‌వుతారో చెప్ప‌లేం. కాబ‌ట్టి మీ ప్రేమ‌ను దాచుకోకండి. దాన్ని వ్య‌క్త‌ప‌రిచేందుకు స‌మ‌యం కోస‌మో కార‌ణం కోస‌మో ఎదురుచూడ‌కండి.

ఆ మూడు ప‌విత్ర‌మైన ప‌దాలు వ్య‌క్త‌ప‌ర్చ‌డం ఎంత ముఖ్య‌మో తెలుసుకుందాం. త‌ర‌చూ చెప్ప‌డం వ‌ల్ల మీ మ‌ధ్య బంధం ఎలా గ‌ట్టిప‌డుతుందో ప్రేమ‌కున్న నిజ‌మైన విలువ ఏమిటో ఈ క‌థ‌నం ద్వారా తెలుసుకుందాం.

నిజమైన ప్రేమ కథ! హార్ట్ టచ్చింగ్ లవ్ స్టోరీ..!

న‌మ్మ‌కం కుదురుతుంది

న‌మ్మ‌కం కుదురుతుంది

ప్రేమ అనేది చాలా గొప్ప‌ది. దాన్ని వ్య‌క్త‌ప‌ర్చ‌డంతో త‌ర‌చూ విఫ‌ల‌మ‌వుతుంటాం. మీరు ప్రేమించే వ్య‌క్తి మీ క‌ళ్ల‌లోకి చూస్తూ త‌న్మ‌య‌త్వంతో చేతుల‌ను ప‌ట్టుకొని న‌డుస్తుంటే ఆ ఆలోచ‌నే గిలిగింత‌లు పెట్టేస్తుంది క‌దూ! కొంద‌రు దంప‌తులు ప్రేమ‌ను వ్య‌క్త‌ప‌ర్చ‌డం అంత ముఖ్యంగా భావించ‌రు. అయితే ఈ సారి మీ భాగ‌స్వామితో క‌లిసి ఉన్న‌ప్పుడు రెండు చేతులు ప‌ట్టుకొని క‌ళ్ల‌లోకి చూస్తూ ఆ మూడు ప‌దాల‌ను చెప్పేసేయండి. అవ‌త‌లి వాళ్లు ఎంత ఆనందంగా ఉంటారో మీరే చూడండి.

భ‌ద్ర‌త పెంపొందుతుంది

భ‌ద్ర‌త పెంపొందుతుంది

మీరు వ్య‌క్తీక‌రించే ప్రేమ వ‌ల్ల మీ భాగ‌స్వామికి ఒక ర‌క‌మైన భ‌ద్ర‌త క‌లుగుతుంది. అంత‌వ‌ర‌కు మీరు త‌న జీవితంలో ఎలాంటి స్థానాన్ని ఇస్తున్నారో అనేది సందిగ్ధంగానే అనిపిస్తుంది. మీరు మీ భాగ‌స్వామి ప‌ట్ల‌ ప్రేమ‌ను వ్య‌క్త‌ప‌రుస్తున్న కొద్దీ వారికి మీ ప‌ట్ల ప్ర‌త్యేక స్థానం మ‌దిలో క‌లుగుతూ ఉంటుంది. మీరు త‌న‌ను విడిచి వెళ్ల‌ర‌నే భ‌ద్ర‌త పెరిగేలా చేస్తుంది.

మంచి భ‌విష్య‌త్తు ఉంటుంది

మంచి భ‌విష్య‌త్తు ఉంటుంది

మీరు త‌న‌ను ప్రేమిస్తున్నాన‌నే విష‌యం చెప్ప‌డం వ‌ల్ల మీరు త‌న‌తోనే జీవితాన్ని పంచుకుంటార‌ని న‌మ్మ‌కం ఏర్ప‌డుతుంది. భ‌విష్య‌త్ ను కూడా ఇద్ద‌రు క‌లిసి ప్లాన్ చేసుకునే అవ‌కాశం ఇచ్చిన‌వార‌మ‌వుతాం. భ‌విష్య‌త్‌లో ఇద్ద‌రు క‌లిసి ఉండేదానికి ప్రేమ వ్య‌క్తీక‌ర‌ణ కీల‌క‌మైన పాత్ర‌ను పోషిస్తుంది. మీ తోనే జీవితం అనే భావ‌న బ‌ల‌ప‌డిపోతుంది. కాబ‌ట్టి ప్రేమ‌ను వ్య‌క్తం చేయ‌డంలో త‌ట‌ప‌టాయించ‌కండి.

ఆరోగ్య‌మైన సంబంధాల దిశ‌గా..

ఆరోగ్య‌మైన సంబంధాల దిశ‌గా..

మీరు ఆమెకు ప్ర‌పోజ్ చేసిన ప్ర‌తిసారీ ఆమెలో చిరున‌వ్వు గ‌మ‌నించే ఉంటారు. దీని వ‌ల్ల మీ ప్రేమ జీవితంలో బంధం బ‌ల‌ప‌డుతుంది. కాబ‌ట్టి ప్రేమ‌ను వ్య‌క్త‌ప‌ర్చ‌డం వ‌ల్ల జ‌రిగే న‌ష్ట‌మేమీ లేదు. ఇది మ‌ధ్య క‌మ్యూనికేష‌న్ గ్యాప్ త‌గ్గిపోతుంది కూడా!

స‌హ‌జంగా వ‌చ్చేస్తుంది

స‌హ‌జంగా వ‌చ్చేస్తుంది

మ‌నం ఎవ‌రినైనా మ‌న‌స్పూర్తిగా ప్రేమిస్తే ప్రేమ వ్య‌క్తీక‌రించ‌డం అనేది స‌హ‌జంగా జ‌రిగిపోతుంది. ఊపిరి పీల్చుకున్న‌ట్టుగా, దాహం వేసిన‌ప్పుడు నీరు తాగినంత సుల‌భంగా ప్రేమించిన‌వారికి మ‌న ప్రేమ గురించి చెప్ప‌గ‌లుగుతాం. అలా చెప్పేట‌ప్పుడు మ‌న‌ల్ని మ‌న‌లో మ‌న‌కు నియంత్ర‌ణ ఉండ‌దు. కాబ‌ట్టి ఇలా వ్య‌క్త‌ప‌ర్చ‌డం కూడా ఒక‌రకంగా మీ ప్రియ‌మైన‌వారికి చాలా సంతోషాన్ని క‌ల‌గ‌జేస్తుంది.

English summary

Why you should say ‘I love you’ more often

Why is it so important to say I love you? Read on to know the value and purpose to say I love you more often.
Story first published: Saturday, November 4, 2017, 16:30 [IST]
Please Wait while comments are loading...
Subscribe Newsletter