ఫ్రెండ్ పెళ్లికి వెళ్తే తనతో పరిచయం, వాడొక పెద్ద కోతి, వాడి తర్వాత నీతోనే శ్రావణి #mystory373

మరదలితో పెళ్లి

విశాంత్ కు ఆల్రెడీ తన మరదలితో పెళ్లి కూడా నిశ్చయమైంది. ఆమె గురించి నాకు ప్రతి రోజూ చెప్పేవాడు. వారిద్దరూ మాట్లాడుకునే ప్రతి మాటను చెప్పేవాడు. ఆమె ఫొటోలు చూపించేవాడు. వారిద్దరి జంట చూడముచ్చటగా ఉండేది.

పెళ్లి కుదిరినప్పటి నుంచి

మా బీఈడీ పూర్తవ్వగానే అతను తను మరదలను పెళ్లి చేసుకోవాలనుకున్నాడు. పెళ్లికి మూహూర్తాలు పెట్టించారు. ఇక నన్ను వారం రోజుల ముందుగానే తాను ఇన్వైట్ చేశాడు. తనకు పెళ్లి కుదిరినప్పటి నుంచి ప్రతి విషయంలో నా సలహా తీసుకునేవాడు.

బలవంతంగా తీసుకెళ్లాడు

ఇక పెళ్లిబట్టలు తీసుకునే సమయంలో కూడా నన్ను పిలిచాడు. నేను రాను అంటే ఇంటికొచ్చి నన్ను బలవంతంగా తీసుకెళ్లాడు. వాళ్ల ఇంట్లో వాళ్లంతా కూడా నన్ను చాలా బాగా చూసుకునేవారు. అలా నెల రోజుల ముందు నుంచే నేను వాలింట్లో మనిషి అయిపోయాను.

తను కూడా విశాంత్ మాదిరే..

పెళ్లికి వారం రోజుల ముందు విశాంత్ బెస్ట్ ఫ్రెండ్, రిలేటివ్ శ్రవణ్ వచ్చాడు. తను విశాంత్ మాదిరిగానే కలుపుగోలు మనిషి. వచ్చీరాగానే అంతా హడావుడి చేసేశాడు. హేయ్ నువ్వు శ్రావణి కదూ అన్నాడు. అవును.. నా పేరు నీకు ఎలా తెలుసు అన్నాను.

లవ్ చేస్తున్నాడేమో అనుకున్నా

నీ గురించి ఎప్పుడూ విశాంత్ చెప్పేవాడు. వాడు నిన్ను ఏమైనా లవ్ చేస్తున్నాడేమో అనుకున్నాను. కానీ కేవలం మీ ఇద్దరిదీ ఫ్రెండ్ షిప్ అని తెలిసింది. కనీసం విశాంత్ ఫొటో కూడా నాకు చూపించలేడు. కానీ నువ్వు ఎలా ఉంటావో అతను చెప్పేవాడు... సేమ్ అలాగే ఉన్నావు.

బాపు కుంచె నుంచి జాలువారిన

నీ నవ్వు.. నీ కురులు.. నీ మోము అన్నీ అదిరిపోయాయి. బాపు కుంచె నుంచి జాలువారిన అందమైన అమ్మాయి చిత్రంలా ఉన్నావన్నాడు. శ్రవణ్ మాటలకు నేను లోలోపల పొంగిపోయేదాన్ని.

వాడొక కోతి

ఏంటీ విశాంత్.. నీకు ఇలాంటి ఫ్రెండ్ ఉన్నాడని నాకు అస్సలు ఒక్క రోజు కూడా చెప్పలేదు అన్నాను. శ్రవణ్ గురించా నువ్వు అడుతుగున్నది.. వాడొక కోతి. సొంతం మా అమ్మ అన్న కొడుకు. మేమిద్దరం ఏ రోజు కూడా రిలేటివ్స్ మాదిరిగా ఉండలేదు.

నీతోనే శ్రావణి

చిన్నప్పటి నుంచి ఇద్దరం ఫ్రెండ్స్ గానే ఉండేవాళ్లం. ఇప్పటి కూడా వాణ్ని నా బావ అని ఎవ్వరూ అనుకోరు. ఫ్రెండే అని అనుకుంటారు. నేను వాడి తర్వాత అంతగా క్లోజ్ గా ఉండేది నీతోనే శ్రావణి అని అన్నాడు విశాంత్.

శ్రవణ్ చాలా మంచి కోతి

విశాంత్ అతన్ని కోతి అన్నాడు కానీ శ్రవణ్ చాలా మంచి కోతి. ఎప్పుడూ అందరినీ నవ్విస్తూనే ఉంటాడు. ఒక్క క్షణం కూడా ఖాళీగా ఉండడు. అతనిపై రోజురోజుకు నాకు తెలియకుండానే ఇష్టం పెరిగిపోయింది. తను ఒక్క క్షణం కనపడకపోయినా వెలితిగా అనిపించేది.

ప్రతి పనికి మేమిద్దరమే