ఆ రాత్రి అతనితో సముద్ర తీరానే వెన్నెల్లో ఇసుక తిన్నెలపైనే.. అయితే అదే పనిగా నన్ను అనుమానించేవాడు

సముద్ర తీరాన వెన్నెల్లో

ఆ రోజు రాంత్రంతా సిటీకి దూరంగా సముద్ర తీరానే వెన్నెల్లో ఇసుకు తిన్నెలపై కూర్చొని కబుర్లు చెప్పుకున్నాం. నేను తన కౌగిళ్లలో ఒదిగిపోయిన క్షణంలో కాలం అలాగే ఆగిపోతే బాగుండనిపించింది. గంటల తరబడి ఇద్దరం మాట్లాడుకున్నా ఇంకా ఏదో తనకు చెప్పాలని వెలితిగా అనిపించింది.

మళ్లీ డిసెంబర్ థర్టి ఫస్ట్ వచ్చింది

అలా తెల్లవారు జామున వరకు అక్కడే ఉన్నాం. తర్వాత తను నన్ను హాస్టల్ దగ్గర డ్రాప్ చేసి వెళ్లాడు. ఆ రోజు నేను జీవితంలో మరిచిపోలేను. కాలం గిర్రున తిరిగింది. మళ్లీ డిసెంబర్ థర్టి ఫస్ట్ వచ్చింది. కానీ ఈసారి కబర్లు చెప్పుకునేందుకు నా పక్కన వసంత్ లేడు.

తను పెద్దవిగా చేశాడు

మా ఇద్దరి మధ్య వచ్చిన చిన్నచిన్న సమస్యల్ని తను పెద్దవిగా చేశాడు. నాకు తనతో కాకుండా మరెవరితోనో ఎఫైర్ ఉన్నట్లు అనుమానపడ్డాడు. నా డిగ్రీ క్లాస్ మేట్స్ అప్పడప్పుడు కాల్ చేసేవారు. నాకు మెసేజ్ లు పంపేవారు.

తప్పుగా అర్థం చేసుకున్నాడు

ఆ అబ్బాయిలందరినీ అతను తప్పుగా అర్థం చేసుకున్నాడు. వాళ్లకు డైరెక్ట్ గా ఫోన్ చేసి వార్నింగ్ ఇచ్చాడు. ఎలా అంటే అలా తిట్టాడు. తను ప్రతి క్షణం నాపై అనుమానపడేవాడు. నేను తనను మోసం చేస్తున్నాని భావించేవాడు.

నా ఫ్రెండ్స్ ని అడిగి తెలుసుకునేవాడు

నా గురించి నా ఫ్రెండ్స్ ని అడిగి తెలుసుకునేవాడు. నా ఫోన్ ను ఎప్పుడూ చెక్ చేసేవాడు. నన్ను చాలా వేధించేవాడు. వాటిని తట్టుకోలేక నేను కొన్నాళ్లు అతనితో మాట్లాడడం మానేశాను.

దూరం పెరిగింది

తర్వాత మా మధ్య దూరం పెరిగింది. తను మరో అమ్మాయితో పరిచయం పెంచుకున్నాడు. నాతో అస్సలు పరిచయం లేనట్లు నటించడం మొదలుపెట్టాడు. ఎంతో నమ్మకంగా ప్రేమిస్తే తను అలా చేశాడు.

ఎంతో గ్రాండ్ గా సెలబ్రేట్ చేసుకుంటుంటే

అందరూ డిసెంబర్ థర్టీ ఫస్ట్ నైట్ ను ఎంతో గ్రాండ్ గా సెలబ్రేట్ చేసుకుంటుంటే నేను మాత్రం తను చేసిన మోసాన్ని తలుచుకుంటూ ఏడుస్తూ గడుపుతున్నాను. ప్రతి క్షణం తనతో నేను గడిపిన క్షణాలే గుర్తొస్తున్నాయి. ఆ బాధ నుంచి కోలుకోలేక నిత్యం నరకం అనుభవిస్తున్నాను.

మోసం చేసే అమ్మాయిలపైనే

నమ్మకంగా ప్రేమించే అమ్మాయిల్ని చాలా మంది అబ్బాయిలు అస్సలు నమ్మరు. మోసం చేసే అమ్మాయిలపైనే ఎక్కువ మోజు పడుతుంటారు.

చాలా మంది బాయ్ ఫ్రెండ్స్

వాస్తవానికి ఇప్పుడు వసంత్ తో పాటు తిరుగుతున్న అమ్మాయి చాలా మంది బాయ్ ఫ్రెండ్స్ ను మెయింటెన్ చేస్తుంది. కానీ ఆ అమ్మాయినే తను ఎక్కువగా నమ్ముతున్నాడు. తననే పెళ్లి చేసుకుంటాడట.

మోసం చేయొద్దని నా విన్నపం

నా బాయ్ ఫ్రెండ్ లా ఏ అబ్బాయి కూడా తనని ప్రాణానికి ప్రాణంగా ప్రేమించిన అమ్మాయిని మోసం చేయొద్దని నా విన్నపం. అసలు నిజం తెలుసుకోకుండా అనవసరంగా అనుమానాలు పెంచుకోకండి.