Anti-Valentine’s Week 2023 List :యాంటీ వాలెంటైన్ వీక్ ఎప్పుడు.. ఎందుకు జరుపుకుంటారో తెలుసా...

చరిత్రను పరిశీలిస్తే..

యాంటీ వాలెంటైన్ డేకి సంబంధించి ఎలాంటి హిస్టరీ లేదు. అయితే ఈ వేడుకలను కూడా ఇటీవలి కాలంలో ఎక్కువగా జరుపుకోవడం మొదలుపెట్టారు. ఈ సందర్భంగా ఈ యాంటీ వాలెంటైన్ వీక్ లో ఉన్న ఏడురోజులకు ఎలాంటి ప్రాధాన్యత ఉందనే విషయాలను ఇప్పుడు తెలుసుకుందాం.

స్లాప్ డే(Slap Day)

యాంటీ వాలెంటైన్ వీక్ లో తొలి రోజును స్లాప్ డే జరుపుకుంటారు. అయితే ఈ సందర్భంగా మీరిద్దరూ ఘర్షణ పడాలని అర్థం కాదండోయ్.. ఈ కాలంలో మీ సంబంధంలో వచ్చే చిన్న చిన్న సమస్యలకు దీన్ని సంకేతంగా భావిస్తారట.

కిక్ డే(Kick Day)

యాంటీ వాలెంటైన్ వీక్ లో భాగంగా రెండో రోజు కిక్ డే జరుపుకుంటారు. దీనికి ఓ స్పెషాలిటీ ఉంది. ఈ సమయంలో ఇద్దరు ప్రేమ పావురాల మధ్య మాటల తీవ్రత పెరిగే అవకాశం ఉంది. ఈ సమయంలో గొడవ పడేందుకు దారి తీస్తుంది. దీనికి సంకేతంగా భావించి కిక్ డే ను జరుపుకుంటారట.

పర్ఫ్యూమ్ (Perfume Day)

యాంటీ వాలెంటైన్ వీక్ లో భాగంగా మూడో రోజు పర్ఫ్యూమ్ డేను జరుపుకుంటారు. తమ రిలేషన్ షిప్ వచ్చిన కలహాలు, అంతవరకు మానసికంగా ఇబ్బంది పడిన వారికి కొంచెం ఉపశమనం కలిగించేదే పర్ఫ్యూమ్ డే. ఈ కాలంలో మీ లైఫ్ లో జరిగిన గొడవలన్నీ మరచిపోయి.. సాఫీగా ముందుకు సాగిపోవాలనే సందేశాన్నిచ్చేదే పర్ఫ్యూమ్ డే.

ఫ్లర్ట్ డే..

యాంటీ వాలెంటైన్ వీక్ లో భాగంగా నాలుగో రోజున ఫ్లర్ట్ డేగా జరుపుకుంటారు. తమ ప్రియుడు లేదా ప్రియురాలితో విడిపోయిన తర్వాత కొత్త లైఫ్ కి వెల్ కమ్ చెబుతూ ఈ ఫ్లర్ట్ డేని జరుపుకుంటారు.

కన్ఫెషన్ డే..

యాంటీ వాలెంటైన్ వీక్ లో భాగంగా ఐదో రోజున కన్ఫెషన్ డేను జరుపుకుంటారు. రిలేషన్ షిప్ లో ఇప్పటిదాకా మీరు పడిన కష్టాలు, గత రిలేషన్లో ఏర్పడిన గాయాలు, ఇబ్బందులన్నీ పూర్తిగా మరచిపోయి.. సంతోషంగా కొత్త జీవితాన్ని ప్రారంభించుకునేందుకు ఈ కన్ఫెషన్ డేగా జరుపుకుంటారట.

మిస్సింగ్ డే..

యాంటీ వాలెంటైన్ వీక్ లో భాగంగా ఆరో రోజున మిస్సింగ్ డేగా జరుపుకుంటారు. కొన్ని సందర్భాల్లో మనం ఎంత బ్యాలెన్స్ గా ఉందామని అనుకున్నా.. రిలేషన్ షిప్ లో వచ్చిన ఇబ్బందులు మనల్ని ప్రశాంతంగా నిద్రపోనివ్వవు. అంతేకాదు.. పార్ట్నర్ తో గడిపిన అద్భుతమైన సమయాన్ని మిస్సవుతుంటాం. అందుకే సంకేతంగా ఈ మిస్సింగ్ డే జరుపుకుంటారు.

బ్రేకప్ డే..

యాంటీ వాలెంటైన్ వీక్ లో భాగంగా చివరి రోజైన ఏడో రోజున బ్రేకప్ డే జరుపుకుంటారు. మిస్సింగ్ డే తర్వాత తమ సంబంధం విషయంలో చాలా ముఖ్యమైన నిర్ణయం తీసుకునే సమయం ఇది. ఇప్పటిదాకా ఎవరైతే టాక్సిక్ రిలేషన్లో ఉన్నారో.. వారంతా ఆ రిలేషన్ నుండి బయటకు వచ్చే రోజునే బ్రేకప్ డేగా జరుపుకుంటారు.

హ్యాపీగా గడిపేందుకు..

చూశారు కదా.. యాంటీ వాలెంటైన్ వీక్ విశేషాలను. అయితే వాలెంటైన్ వీక్ అయినా.. యాంటీ వాలెంటైన్ వీక్ అయినా.. ఏదైనా మనం హ్యాపీగా ఉండేందుకే జరుపుకుంటామనే విషయాన్ని గుర్తుంచుకోవాలి. అందుకే మీరు ఎవరితో అయితే హ్యాపీగా ఉంటారో.. ఎవరైతే మిమ్మల్ని హ్యాపీగా మారుస్తారో అలాంటి వారితో ఎక్కువ సమయం గడపండి.