అసలే చలికాలం.. సాయంకాలం వేళ చల్లని గాలిలో అందమైన అమ్మాయి కళ్లు ఆర్పకుండా తననే చూస్తుంటే..

మరుసటి రోజు ఉదయాన్నే..

ఆ తర్వాత రోజు ఉదయాన్నే ఆ ఎదురింటి వైపు చూస్తూ అటూ ఇటూ తిరిగాడు. ఆ సాయంత్రం వారి ఇంటి తలుపు దగ్గర నుండి చూసిన అందమైన అమ్మాయి బయటికి వచ్చింది. తనని చూస్తే బాగా మేకప్ వేసుకుని ఎక్కడికో వెళ్లడానికి సిద్ధం అయినట్టు గ్రహించాడు.

తన గదికి తాళం..

ఇక ఆరోజు కూడా తన కాలేజీకి బంక్ కొట్టి తన గదికి హడావుడిగా తాళం వేసి ఆ అమ్మాయిని ఫాలో అయ్యాడు. ఆమెకు తెలియకుండా అక్కడే వెనుకవైపు ఉన్న రోడ్డు నుండి వెళ్లి ఆమెకు ఎదురుగా వెళ్లాడు. ఇద్దరు దగ్గరపడ్డారు.

చిరునవ్వుతో ప్రయత్నించగా..

అంతలోనే ఆమెను చూస్తు చిన్న చిరునవ్వు నవ్వి పరిచయం చేసుకుందామనే ప్రయత్నం చేశాడు. అయితే ఆ అందమైన అమ్మాయి మాత్రం చిరాకుగా తన ఫేసును తిప్పుకుంటూ.. తనని తిట్టుకుంటూ వెళ్లిపోయింది.

ఆ రోజు సాయంత్రం..

అదే రోజు సాయంత్రం నేను మళ్లీ డాబా మీదకు వెళ్లాను. తన ఇంటి వైపే చూస్తున్నాను. నిన్న నన్ను అదే పనిగా చూసిన ఆ అమ్మాయి ఉదయం మాత్రం ఎందుకు అలా ఫేసు తిప్పుకోపోయిందా అని ఆలోచిస్తూ అక్కడే కూర్చున్నాడు.

కాసేపటికే మళ్లీ..

అయితే ఆరోజు సాయంత్రం కూడా తను తలుపు దగ్గరికి వచ్చింది. మళ్లీ తన వైపే చూస్తోంది. తనకు మళ్లీ అనుమానం వచ్చింది. నన్నేనా చూస్తోంది లేక ఇంకా ఎవరినైనా చూస్తుందా అని అటు ఇటు చూశాడు. అయితే ఆ చుట్టు పక్కల ఎవ్వరు లేరని నిర్ధారించుకున్నాడు.తననే చూస్తుందని డిసైడ్ అయ్యాడు. మళ్లీ తను కూడా ఆ అమ్మాయి వైపు అలాగే చూస్తూ ఉండిపోయాడు.

మరుసటి రోజు..

ఆ తర్వాత రోజు కూడా ఆమెను ఫాలో అయ్యాడు. ఆ రోజు మాత్రం మరింత చొరవ తీసుకుని ఆమెను పలకరించబోయాడు. కానీ ఆరోజు కూడా తన వైపు కోపంగా చూసి ఆమె తిట్టుకుంటూ వెళ్లిపోయింది. దీంతో అతనికి ఎక్కడ లేని భయం వేసింది. పైగా ఆ అమ్మాయి ప్రవర్తన ఏ మాత్రం అర్థం కావటం లేదని మదనపడిపోయాడు.

మళ్లీ సేమ్ సీన్ రిపీటయ్యేసరికి..

ఆరోజు సాయంత్రం కూడా సేమ్ సీన్ రిపీట్ అయ్యేసరికి ఆ అమ్మాయి బయటికి వచ్చింది. మళ్లీ తనను అలాగే చూస్తు నిల్చుంది. అయితే అతనికి ఒక అనుమానం వచ్చింది. ఈ అమ్మాయి తనను ఆట పట్టించడానికి ఇలా ప్రవర్తిస్తుంది అనుకున్నాడు.

మరుసటి రోజు నిలదీత..

తర్వాత రోజు తను కాలేజీ నుండి వచ్చే దారిలో ఆ అమ్మాయిని అడ్డుకున్నాడు. ఆ అమ్మాయికి కోపం వచ్చింది. ‘‘ఏంటి మిస్టర్ రెండురోజుల నుండి చూస్తున్నాను. ఏమనుకుంటున్నావు నా గురించి.. ఎలా కనిపిస్తున్నాను నేను... ఏంటి పిచ్చి పిచ్చి వేషాలేస్తున్నావు‘‘ అని కోపంగా అడిగింది.

దిమ్మ తిరిగిపోయింది..

అంతే ఆ కుర్రాడికి ఒక్కసారిగా దిమ్మ తిరిగిపోయింది. అంతే వెంటనే ఒక్కసారిగా తేరుకొని ‘‘నేను కూడా అదే అడుగుతున్నాను. సాయంత్రం చీకటి పడితే చాలు అదే పనిగా నన్ను కన్ను ఆర్పకుండా చూస్తున్నారు. అది మీరే కదా‘‘ అని అడుగుతాడు.

అది నేనే..

అందుకు ఆ అమ్మాయి ఇలా సమాధానమిస్తుంది. ‘‘అది నేనే. మా ఇంటి తలుపు దగ్గర నిలబడి చూస్తున్న మాట వాస్తవమే. కానీ నేను నిన్ను చూడలేదు. నిన్నే కాదు నేను కాస్త చీకటి పడితే చాలు దేన్నీ చూడలేను. నాకు రేచీకటి. చీకటి వేళ నాకు ఏది కనిపించదు‘‘ అని చెప్పి నా వెంట ఇంకెప్పుడూ పడకండి అని కోపంగా వెళ్లిపోతుంది.

ఆవాక్కైన కుర్రాడు..

ఆ మాటలు విన్న ఆ కుర్రాడు అంతే షాక్ తిన్న కాకిలా అక్కడే ఉండిపోయాడు. అనవసరంగా అపార్థం చేసుకున్నాను అని తనను తాను తిట్టుకుంటూ.. తర్వాతి రోజు నుండి తను యధావిధిగా కాలేజీకి వెళ్లి.. పార్ట్ టైమ్ జాబులో కంటిన్యూ అయిపోయాడు.

గమనిక : ఇది కేవలం కల్పిత కథ మాత్రమే. ఈ స్టోరీ మీకు నచ్చితే మీ స్నేహితులకు, కుటుంబసభ్యులకు, బంధువులకు, శ్రేయోభిలాషులతో పంచుకోండి. మీ విలువైన అభిప్రాయాలను కామెంట్స్ విభాగంలో తెలియజేయండి.