మీరు ఆమెకు కేవలం ఫ్రెండ్ మాత్రమే అని తెలిపే సంకేతాలు..!!

షాపింగ్ పార్ట్ నర్

ప్రతి సారి షాపింగ్ కి వెళ్లినప్పుడంతా మిమ్మల్ని తీసుకెళ్తుంది. అయితే ఆమెకు మీ మీద చాలా ఇస్టం ఉందని తెలుసు. కానీ.. ప్రేమికుడిగా భావిస్తోందా లేదా అని తెలియాలంటే ఒకటే మార్గం. బయట తిరగడం కంటే.. కేఫ్ లో ఎక్కువ సమయం మీతో గడపడానికి ఇష్టపడుతోందంటే.. తను మిమ్మల్ని కేవలం ఫ్రెండ్ గా భావిస్తోందని అర్థం.

బెస్ట్ ఫ్రెండ్ అని పిలవడం

తన బెస్ట్ ఫ్రెండ్ అని చెప్పడానికి ఆమె ఏమాత్రం సంకోచించడం లేదంటే.. మీరు ఖచ్చితంగా ఆమెకు కేవలం ఫ్రెండ్ అని అర్థం. బెస్ట్ ఫ్రెండ్ అనింది కదా అని సంతోషించకండి. ప్రేమ అనకుండా స్నేహం అంటోంది అంటే.. మీరు ఫ్రెండ్ మాత్రమే అని గమనించండి.

మ్యాచ్ మేకర్

అమ్మాయిల్లో ఎలాంటి లక్షణాలు మీకు ఇష్టమని అడగటం, సడెన్ గా.. తన ఫ్రెండ్స్ అందరికీ పరిచయం చేయడం వంటి సంకేతాలకు వెంటనే అలర్ట్ అవ్వండి. ఎందుకంటే.. తన స్నేహితుల్లో ఎవరో ఒకరిని మీకు మ్యాచ్ చేయాలని భావిస్తోందని గుర్తించండి.

అన్నింటినీ షేర్ చేసుకోవడం

ఆమె మీతో అన్ని విషయాలు షేర్ చేసుకుంటోందని మిమ్మల్ని మీరు స్పెషల్ అనుకోకండి. తన విషయాలన్నీ చెబుతోందంటే.. ఒకవేళ తన ఫ్రెండ్స్ లిస్ట్ లో మీరే ఫస్ట్ పర్సన్ అయి ఉండవచ్చని గమనించండి.

తనకు గైడ్ మీరే

ఏ చిన్న సమస్య వచ్చినా, ఏ విషయంలో నిర్ణయం తీసుకోవాలన్నా.. మిమ్మల్నే సంప్రదిస్తోంది అంటే.. ఆమె మిమ్మల్ని నమ్ముతోందని అర్థం. అలాగే.. తనకు సరైన సలహా ఇస్తారని భావిస్తోందన్నమాట.

బాధకలిగినప్పుడు

ఏదైనా సమస్యలు వచ్చినప్పుడు, కష్టాల్లో ఉన్నప్పుడు మిమ్మల్ని వెతుక్కుంటూ వచ్చి.. మీ ఓదార్పును కోరుకుంటుంది. ఒకవేళ మీరు ఇలాంటి పరిస్థితిని ఫేస్ చేసి ఉంటే.. మీరు ఖచ్చితంగా.. ఫ్రెండ్ జోన్ లోకే వస్తారు.

ఎవరినైనా ఇష్టపడిన విషయం

తాజాగా ఎవరినైనా చూసి ఇష్టపడినప్పుడు ఆ విషయం మీతో చెబుతోందంటే.. మీకు చాలా బాధగా ఉంటుంది. కానీ.. మిమ్మల్ని ఆమె కేవలం ఫ్రెండ్ గా భావిస్తున్నప్పుడే.. ఇలాంటివి షేర్ చేసుకుంటారు.