బ్రేక‌ప్ త‌ర్వాత మాజీ ప్రియుడ్ని క‌లిసే అవ‌కాశం వ‌స్తే ఏం చేస్తారు?

నేను ఒక అబ్బాయితో 4 నెల‌ల పాటు డేటింగ్ చేశాను.

నేను ఒక అబ్బాయితో 4 నెల‌ల పాటు డేటింగ్ చేశాను. ఆ స‌మ‌యాన్ని నా జీవితంలో మ‌ర్చిపోలేను. అత‌డికి యూర‌ప్‌లో త‌న క‌ల‌ల ఉద్యోగం వ‌చ్చింది. దూర‌పు సంబంధాల‌పైన అత‌డికి న‌మ్మ‌కం లేదు. అందుకే మేమిద్ద‌రం విడిపోవాల్సి వ‌చ్చింది. అత‌డి కెరీర్ ప‌ట్ల నాకు సంతోషంగా ఉన్నా మ‌ళ్లీ చాన్స్ వ‌స్తే మ‌న దేశానికి వ‌చ్చి నన్ను పెళ్లి చేసుకోమ‌ని బ్ర‌తిమిలాడాల‌నిపిస్తుంది.

మా ఇధ్ద‌రి బ్రేక‌ప్ అయి సంవ‌త్స‌రం గ‌డుస్తున్నా ఇప్ప‌టికీ నేను కోలుకోలేక‌పోతున్నాను.

మా ఇధ్ద‌రి బ్రేక‌ప్ అయి సంవ‌త్స‌రం గ‌డుస్తున్నా ఇప్ప‌టికీ నేను కోలుకోలేక‌పోతున్నాను. నా మాజీ భాగ‌స్వామికి గ‌తేడాది వివాహమైంది. కానీ ఏదో జీవితం అలా గ‌డిచిపోతుంది. ఒక్కోసారి అనిపిస్తుంటుంది. త‌న ద‌గ్గ‌ర‌కు వెళ్లి త‌న‌ను ఇప్ప‌టికీ ప్రేమిస్తున్నాను అని చెబుదామ‌నుకుంటాను. అయితే అలా చేయ‌డం మా ఇద్ద‌రికీ మంచిది కాదు అని తెలుసు. కొన్ని విష‌యాలు అలా వ‌దిలేయ‌డ‌మే మంచిది.

సంబంధంలో 6 ఏళ్ల పాటు కొన‌సాగిన‌ప్పుడు

సంబంధంలో 6 ఏళ్ల పాటు కొన‌సాగిన‌ప్పుడు ఇక మా ఇద్ద‌రికీ ప‌డ‌ద‌ని చివ‌రికి బ్రేక‌ప్ చెప్పుకున్నాం. ఇప్పుడు ఒక నెల అవుతోంది .. ప్ర‌తి రోజు త‌న‌ను మిస్ అవుతున్నాను. ఇప్ప‌టికీ ఎవ‌రితోనైనా డేటింగ్‌కు వెళ్లినా, స్నేహితుల‌తో బ‌య‌ట‌కు వెళ్లినా ఏం చేసినా త‌ను ప‌క్క‌న ఉంటే బాగుంటుంద‌నే ఫీలింగ్ క‌లుగుతుంటుంది. క‌నీసం ఒక్క రోజు త‌న‌తో గ‌డిపే చాన్స్ మ‌ళ్లీ రావాల‌ని కోరుకుంటున్నాను.

ప్రేమ గుడ్డివారిని చేస్తుంది.

నేనొక ఒక అబ్బాయితో డేటింగ్ చేశాను. అత‌డు చాలా స్వార్థ‌ప‌రుడు. న‌న్ను అవ‌స‌రానికి బాగా వాడుకున్నాడు. అయినా అత‌డి పైన ప్రేమ చావ‌లేదు. చివ‌రికి నా ఆత్మ గౌర‌వాన్ని కాపాడుకునేందుకు అత‌డికి బ్రేక‌ప్ చెప్పాను. ఒక వేళ అత‌డ్ని క‌లిసే అవ‌కాశం వ‌స్తే నా జీవితంలో చేసిన అత్యంత పెద్ద పొర‌పాటు అత‌డితో డేట్ చేయ‌డ‌మే అని చెప్పాల‌నిపిస్తుంది.

మా ఇద్ద‌రి అభిరుచులు వేరుగా ఉండేవి

సంబంధంలో ఉండ‌టం వ‌ల్ల భాగస్వామి నుంచి ఏం కావాల‌న్న‌దాని గురించి స్ప‌ష్ట‌త వ‌చ్చింది. నేను డేటింగ్ చేసిన అబ్బాయి చాలా మంచివాడు. అయితే మా ఇద్ద‌రి అభిరుచులు వేరుగా ఉండేవి. మా ఇద్ద‌రి భావ‌న‌లు ఎప్పుడూ వేరుగా ఉండేవి. జీవితం ప‌ట్ల మా ఇద్ద‌రి అభిప్రాయాలు చాలా భిన్నంగా ఉండేవి. అందుకే అత‌డి నుంచి విడిపోవ‌డ‌మే మంచిద‌ని పించింది.

అత‌డ్ని జీవితంలో క‌లిసుండ‌క‌పోతే బాగుండేది

నా మాజీ ప్రియుడు నాతో ఉన్న‌ప్పుడు ర‌క‌ర‌కాల వాగ్దానాలు చేసేవాడు. నేను విడిచి ఉండ‌ను, నువ్వే నా నిజ‌మైన ప్రేమ‌వి, మ‌నం ఒక రోజు పెళ్లి చేసుకుందాం. ఇలా ర‌క‌ర‌కాల మాట‌ల‌తో న‌న్ను వ‌శ‌ప‌ర్చుకునేవాడు. కొన్నేళ్ల త‌ర్వాత న‌న్ను అంత‌గా ప‌ట్టించుకోవ‌డం మానేశాడు. మేమిద్ద‌రం బ్రేక‌ప్ చెప్పుకున్నాం. ఇదే స‌రైన నిర్ణ‌యం అనిపించింది. త‌ప్పుడు వాగ్దానాలు చేసినందుకు అత‌డిపై కోపంగా ఉండేది. అయితే ఇప్ప‌టికీ అత‌డ్ని మిస్ అవుతున్నాను. ఒక్కోసారి అనిపిస్తుంటుంది.. అత‌డ్ని జీవితంలో క‌లిసుండ‌క‌పోతే బాగుండేద‌ని!