ఆ నగరంలో అందరూ అందమైన కన్యలే... కానీ కళ్యాణం కావట్లేదట... ఎందుకో తెలుసా...

పెళ్లికాకపోవడమే ప్రత్యేకత..

మన భారతదేశంలో పెళ్లికాని ప్రసాదులు పెరిగిపోతున్నారు. కారణం అమ్మాయిల కన్నా అబ్బాయిల సంఖ్య ఎక్కువగా ఉండటం. కానీ ఒక దేశంలో అందమైన అమ్మాయిలు విపరీతంగా పెరిగిపోయారంట. అయితే వారెవ్వరూ వివాహం చేసుకోవడం లేదంట. ఆ నగరం యొక్క ప్రత్యేకత కూడా అదేనట.

ప్రతి ఏడాది..

మన దేశంలో అమ్మాయిల సంఖ్య తక్కువగా ఉంటే.. బ్రెజిల్ దేశంలోని ఓ నగరంలో మాత్రం సీన్ మొత్తం రివర్స్ గా ఉందట. అక్కడంతా అమ్మాయిల సంఖ్య పెరిగి.. అబ్బాయిలు తక్కువైపోయారంట. ప్రతి ఏడాది మహిళల సంఖ్య విపరీతంగా పెరుగుతున్నా.. మగవారి సంఖ్య మాత్రం ఏ మాత్రం పెరగడం లేదంట.

సింగిల్ కే ప్రాధాన్యత..

వివాహ వయసుకొచ్చిన ప్రతి అమ్మాయికి తగ్గట్టు.. అబ్బాయిల సంఖ్య ఆ స్థాయిలో రావడం లేదు. ఒక అమ్మాయి.. ఒక అబ్బాయిని పెళ్లి చేసుకున్నా కూడా.. ఇంకా ఎంతో మంది అమ్మాయిలు మిగిలిపోతున్నారట. దీంతో మాకు ఈ జన్మలో పెళ్లి రాత రాయలేదేమో అనుకుంటూ చాలా మంది సింగిల్ గానే ఉండటానికి ప్రాధాన్యత ఇస్తున్నారట.

పెళ్లి చేసుకుంటే..

ఈ నగరానికి ఇంకో ప్రత్యేకత ఉంది. ఎందుకంటే ఇక్కడ వివాహం చేసుకున్న మహిళలంతా ఎక్కడికి వెళ్లరంట. అదే నగరంలో ఉండిపోవడం అక్కడి సంప్రదాయమట. దీంతో చాలా మంది లోకల్ కింగ్ లనే పెళ్లి చేసుకుంటారట. లోకల్ అబ్బాయిలు లేకపోతే మాత్రం.. పెళ్లి చేసుకోకుండా అలాగే ఉండిపోతారంట.

అందమైన యువతులే..

ఈ నగరంలో సుమారు 600 మంది అందమైన అమ్మాయిల వయసు 18 నుండి 30 సంవత్సరాల మధ్యే ఉంటుందట. వీరిలో పెళ్లి చేసుకోవడానికి కేవలం 300 మంది మహిళలు మాత్రమే ఆసక్తి చూపుతున్నారట. అయినా వీరిని వివాహం చేసుకోవడానికి ఎవ్వరూ ముందుకు రావడం లేదట.

ఒంటరిగానే జీవనం..

ఎందుకంటే వారిని పెళ్లి చేసుకుంటే.. అదే ఊళ్లోనే ఉండిపోవాలి. అలా అక్కడే ఉండటం ఇష్టం లేని అబ్బాయిలు ఆ నగరంలోని అమ్మాయిలను మనువాడేందుకు ముందుకు రావడం లేదంట. దీంతో చాలా మంది మహిళలు ఒంటరిగానే జీవిస్తున్నారట.

హ్యాపీ లైఫ్..

అయితే ఇక్కడ నివసించే మహిళల్లో చాలా మంది చదువుకున్నవారే. బాగా చదువుకుని జాబ్ చేస్తున్న వారు కూడా ఉన్నారు. వీటి కారణంగా.. వివాహం కాకపోయినా.. వీరు ఏ మాత్రం బాధపడకుండా హ్యాపీ లైఫ్ లీడ్ చేస్తున్నారు. మరి వీరి వివాహ సమస్యకు పరిష్కారం ఎప్పుడు లభిస్తుందో చెప్పడం కొంచెం కష్టమే.