అతను 30 ఏళ్లుగా వధువు దుస్తుల్లోనే... కారణం తెలిస్తే షాకవుతారు...!

30 ఏళ్లుగా..

ఉత్తరప్రదేశ్ లోని హౌజ్ ఖాస్ లోని జలాల్ పూర్ గ్రామంలో నివాసముంటున్న చింతహరణ్ చౌహాన్ కు ఆరు పదుల వయసు దాటింది. ఈయన ఒకటి కాదు.. రెండు కాదు. ముచ్చటగా 30 సంవత్సరాల నుండి కొత్త పెళ్లికూతరిలా మేకప్ చేసుకుంటున్నాడు.

కొన్ని విచిత్ర సంఘటనలు..

అయితే అతను అందమైన అమ్మాయిగా మారి, చీర కట్టుకుని.. మేకప్ వేసుకుని తిరిగేందుకు బలమైన కారణం ఉందట. తను అలా తయారయ్యేందుకు కొన్ని భయంకరమైన ఘటనలు చోటు చేసుకున్నాయట.

తొలి భార్య చనిపోయాక..

తనకు 21 ఏళ్ల వయసు ఉన్నప్పుడు తొలి భార్య చనిపోయిందట. ఆ తర్వాత అతను పశ్చిమబెంగాల్ లోని దినాజ్పూర్ లో ఇటుకలో బట్టీలో పని చేసేందుకు వెళ్లాడు. ఈ సందర్భంగా అక్కడ ఓ షాపు ఓనర్ తో పరిచయం అవ్వగా.. అతను తన కుమార్తెను అతనికిచ్చి పెళ్లి చేశాడు.

కుటుంబసభ్యులు ఒప్పుకోకపోవడంతో..

అయితే ఈ పెళ్లికి చౌహాన్ కుటుంబ సభ్యులు ససేమిరా అన్నారు. దీంతో అతను ఉత్తరప్రదేశ్ ను వదిలిపెట్టి సొంత ఇంటికి వెళ్లిపోయాడు. అయితే ఈ మోసాన్ని తట్టుకోలేక తను ఆత్మహత్యకు పాల్పడింది. ఈ విషయం సరిగ్గా సంవత్సరం తర్వాత చౌహాన్ కు తెలిసింది.

ముచ్చటగా మూడో పెళ్లి..

అయితే కుటుంబ సభ్యుల ఒత్తిడితో చౌహాన్ ముచ్చటగా మూడో పెళ్లి చేసుకున్నాడు. అయితే అప్పటి నుండే అతనికి భయంకరమైన పరిస్థితులు ఎదురయ్యాయట. తను తీవ్ర అనారోగ్యానికి గురయ్యాడంట. ఆ తర్వాత కుటుంబ సభ్యులు ఒకరి తర్వాత ఒకరు చనిపోతున్నారు.

ఓ రోజు కలలో..

అయితే ఓ రోజూ తన రెండో భార్య(బెంగాలీ) కలలోకి వచ్చి వారి మరణానికి కారణం తనేనని, నన్ను మోసం చేయడం వల్లే తాను చనిపోయాయనని చెప్పి ఏడ్చిందట. దీంతో ఆమెను క్షమించాలని వేడుకొనగా.. ఆమె పెళ్లి కూతురు దుస్తులు వేసుకుని నాతో ఉండాలని కోరిందని చెప్పాడు.

అప్పటి నుండి..

అలా అప్పటి నుండి నేను వధువు దుస్తులు వేసుకుని ఉంటున్నా. ఆరోజు నుండి తన ఆరోగ్యం బాగుపడిందట. అంతేకాదు కుటుంబంలో మరణాలు కూడా ఆగిపోయాయంట. మిగిలిన కుటుంబ సభ్యులు కూడా అనారోగ్యం నుండి బయటపడ్డారట.

అంతా నవ్వుకుంటారు..

‘నన్ను ఇలా పెళ్లి కూతురి దుస్తుల్లో చూసి అందరూ నవ్వుకుంటారు. కానీ, కుటుంబం కోసమే నేను ఇలా చేశాను. వారిని కాపాడటం కోసమే నేను ఈ దుస్తులను వేసుకుంటున్నాను' అని వివరించాడు.