కపుల్స్ మధ్య ఈ లక్షణాలుంటే.. కలిసి బతకడం కష్టమే...!

నీరసంగా ఉంటూ..

మనలో చాలా మంది జంటలు మంచి ఆహారం తీసుకుంటూ ఉంటారు. అయితే ఎంత తిన్నా కూడా వారు చాలా నీరసంగా కనిపిస్తూ ఉంటారు. అసలెప్పుడూ ఓపిక లేనట్టు ఫీలవుతారు. ఈ నేపథ్యంలో వారి హెల్త్ కూడా పాడవుతుంది. దీంతో వారి ఫేసు, బాడీ పీక్కుపోయినట్టు కనిపిస్తుంది. దీని కారణమేంటంటే.. వారు తీసుకునే ఆహారం సరిగ్గా బాడీకి సెట్ కావడం లేదనే. అంతేకాదు వారికి మనసులో ఏదో విషయం గురించి చింత ఉంటుందని అర్థం. అందుకే ఎంత తిన్నా నీరసంగా ఉంటారు. ఇలా జరగకుండా ఉండాలంటే సమస్య ఎక్కడుందో తెలుసుకుని దాని పరిష్కారం కోసం ప్రయత్నించాలి.

భయంగా ఉండటం..

కొందరు పెళ్లికి ముందు పులి లాగా బతుకుతారు. కానీ పెళ్లి తర్వాత ఏం జరుగుతుందో తెలియదు కానీ.. చాలా మంది పిల్లిగా మారిపోతారు. బయటకు గంభీరంగా కనిపించినప్పటికీ.. పడకగదిలో అది కూడా భాగస్వామిని చూస్తే భయపడిపోతారు. అయితే ఇతరులతో ఎక్కువ కోపంగా ఉంారు. దీంతో వారు తీసుకునే డెసిషన్స్ కూడా కోపంలోనే తీసేసుకుంటారు. వాటి నుండి ప్రతికూల ఫలితాలు వచ్చే అవకాశం ఎక్కువగా ఉంటుంది. అయితే ఇలా భయపడుతూ భాగస్వామితో కలిసి బతకడం కష్టమే. ఎప్పుడైతే భయాన్ని పక్కనబెడతారో.. అప్పుడే మీరు ఫ్రీగా కాపురం, కార్యం రెండూ సాఫీగా చేస్తారు.

గొప్పలు చెప్పుకోవడం..

మీ వైవాహిక జీవితంలో కలహాలు రావడానికి మరో ప్రధాన కారణం. భాగస్వాముల్లో ఇద్దరిలో ఎవరో ఒకరు తమ గురించి తాము గొప్పలు చెప్పుకోవడం. అది కూడా నలుగురిలో తన భాగస్వామిని తక్కువగా తామే ఎక్కువ అన్నట్టు మాట్లాడుతుంటారు. ప్రతి చిన్న విషయానికి తమ సపోర్టు అవసరమని.. తమ అవసరం లేనిదే ఏది సాధ్యం కాదని చెబుతుంటారు. భాగస్వామి మాటలకు ఏ మాత్రం విలువ ఇవ్వరు. దీంతో వారి నిర్లక్ష్యాన్ని, తక్కువ చేసి మాట్లాడటం చూసి వారు నిరుత్సాహానికి గురవుతారు. ఇలాంటి సమయంలో మీరు కూడా ధైర్యంగా నోరు విప్పి మాట్లాడాలి. మీ మాటలు వ్యంగ్యంగా ఉండాలి. ముఖ్యంగా పరోక్షంగా వారికి చురకలు తగిలేలా ఉండాలి.

ఆధిపత్యం చెలాయిస్తూ..

మరికొందరు జంటలు తమ భాగస్వామిపై ఆధిపత్యం చెలాయించేందుకు ప్రయత్నం చేస్తారు. అది పెళ్లయిన తొలిరోజు నుండే అంతా తాను చెప్పిన నడవాలని ఆర్డర్లు వేస్తుంటారు. భాగస్వామికి అస్సలు స్వేచ్ఛ ఇవ్వరు. ప్రతిదీ తమ కనుసన్నల్లోనే జరగాలని ఆశిస్తారు. ఇలాంటి వ్యక్తుల నుండి దూరంగా ఉండటమే మంచిది. లేదా ఇలాంటి వ్యక్తులను మీ ప్రయత్నాలతో మార్చుకునేందుకైనా ప్రయత్నించాలి.

రొమాన్స్ ట్రై చేయండి..

మీ భాగస్వామితో రొమాన్స్ ప్రత్యేకంగా ఏ పని చేయాల్సిన అవసరం లేదు. మీరు ఉదయాన్నే నిద్ర లేచిన తర్వాత వ్యాయామం చేసే సమయంలోనో లేక బయటకు వెళ్లి వాకింగ్ చేసే సమయంలోనో మీ భాగస్వామితో సరదాగా మాట్లాడండి. లేదా వారికి నచ్చిన టిఫిన్ మీరే స్వయంగా చేయండి. వారు తినే సమయంలో మీ ఒళ్లో కూర్చొని తినమని చెప్పండి.

శ్రద్ధ చూపండి..

ఆలుమగలిద్దరూ ఆనందంగా ఉండాలంటే కేరింగ్ అనేది చాలా కీలకం. ఎప్పుడైతే ఇది తగ్గుతుందో అప్పుడే కలహాలు, కోపాలు పెరుగుతాయి. కాబట్టి మీరు మీ భాగస్వామి పట్ల సరైన శ్రద్ధ తీసుకోవడం వల్ల వారికి కూడా మీ గురించి అర్థం చేసుకుంటారు. ఇలా మీరిద్దరూ ఒకరికొకరు కేర్ తీసుకుంటే కావాల్సినంత సంతోషం మీ సొంతమవుతుంది.

వర్షంలో ఓ కిస్..

ప్రస్తుతం మన తెలుగు రాష్ట్రాల్లో వర్షం బాగా కురుస్తోంది కాబట్టి.. ఇలాంటి సమయంలో మీరు బయట తడిచి వస్తే.. వెంటనే మీ భాగస్వామిని కౌగిలించుకుని ఓ కిస్ చేయండి. చిటపట చినుకుల మధ్య మీ ఇద్దరి మధ్య రొమాన్స్ అద్భుతంగా ఉంటుంది.

నిద్రపోయేటప్పుడు..

ఇక చివరగా మీరు రోజు రాత్రి నిద్రపోయే సమయంలో భార్యభర్తలిద్దరూ కలిసి గడిపేందుకు, ఆ కార్యంలో పాల్గొనడానికి ముందు వారిపై మీకున్న ప్రేమను మాటల్లో చూపెట్టండి. ఇలా చేస్తే వారు మీరు కోరుకున్నదంతా ఇచ్చేస్తారు.