ఈ సంకేతాలుంటే మీ భాగస్వామి కంట్రోల్ లో లేనట్టే...!

ప్రాథమిక సూత్రాలు మరచిపోవడం..

సంబంధాలు అనేవి ఇద్దరు వ్యక్తుల మధ్య అవగాహనపై ఆధారపడి ఉంటాయి. ముచ్చట్లు మరియు సానుకూల ఆలోచనలపై వృద్ధి చెందుతాయి. అయితే చాలా మంది జంటలు తమ సంబంధాలలో కొన్ని ప్రాథమిక సూత్రాలను మరచిపోతారు. వారి భాగస్వాములతో వారి బంధాన్ని నియంత్రించడానికి ఇతర విషయాలపై ఆసక్తి చూపుతుంటారు.

నిత్యం ఏదైనా చెప్పడం..

అవసరమైన సమయాల్లో భాగస్వామికి ఏవైనా విషయాలను చెప్పడం మంచిదే. అయితే అస్తమానం భాగస్వామి ఏమి చేయాలో.. ఏమి చేయకూడదో.. ఎల్లప్పుడూ భాగస్వామిని అది చేయి.. ఇది చేయి అని చెప్పడం వంటిది చెడు భాగస్వామ్యానికి ఒక సంకేతం. అయితే దీనినే కొంత తెలివిగా చేస్తే మాత్రం మీ భాగస్వాములు మీ నియంత్రణలో ఉండిపోతారు.

ఉచిత సలహాలు ఇవ్వడం..

మన సమాజంలో చాలా మందికి అవసరం ఉన్నా.. లేకున్నా ఉచిత సలహాలు ఇవ్వడం అనేది ఒక చెడ్డ అలవాటు. అంతవరకూ ఆగితే పర్వాలేదు కానీ.. కొందరు

మాత్రం తాము చెప్పిన సలహాలనే పాటించాలని తెగ ఇబ్బంది పెడుతుంటారు. ఒకవేళ ఇతరుల సలహాలను తీసుకుంటే లేదంటే వాటిని పాటిస్తే మిమ్మల్ని విమర్శిస్తారు. మీరు వారి సంరక్షణలో లేనప్పటికీ, వారు కోరుకున్నది చేయమని మొండికేస్తే.. మీ భాగస్వామి మీ నియంత్రణలో లేరని చెప్పొచ్చు.

మీ నిర్ణయాలు కూడా వారే.

ఏదైనా ముఖ్యమైన విషయాల్లో.. మీరు నిర్ణయాలు తీసుకోలేక సతమతమవుతుంటే.. మీ భాగస్వామి మాత్రం మీకు చెప్పకుండా తొందరపడి నిర్ణయాలు తీసుకుంటారు. మీరు నిర్ణయం తీసుకునేందుకు కనీసం స్వేచ్ఛ కూడా ఇవ్వరు. ఒకటి మాత్రం గుర్తుంచుకోండి. మీ నిర్ణయాలు మీరే తీసుకోవాలి. అది మీ భాగస్వామి అయినా.. ఇంకా ఇతర కుటుంబసభ్యులెవరైనా వారికి మాత్రం ఎట్టి పరిస్థితుల్లో అవకాశం ఇవ్వకండి.

స్నేహితుల నియంత్రణ..

కొంతమంది భాగస్వాములు మీ స్నేహితులను నియంత్రించడానికి ప్రయత్నిస్తారు. మీ భాగస్వామి అదే పనిగా స్నేహితులను కలవకూడదని.. స్నేహితులతో మాట్లాడకూడదని కండిషన్స్ పెడుతుంటారు. ఎల్లప్పుడూ వారికి దూరంగా ఉండాలని చెబుతూ మిమ్మల్ని నియంత్రించేందుకు ప్రయత్నిస్తారు.

స్వార్థపూరితంగా ఉంటే..

జంటలలో చాలా మంది వారి అంచనాలకు అనుగుణంగా జీవించాలని వారు కోరుకుంటారు. ప్రతి ఒక్కరూ ఒక సంబంధంలో అంచనాలను కలిగి ఉంటారు. కానీ మీ భాగస్వామి మీరు దానికి అనుగుణంగా జీవించాలనుకుంటే, అది కొంత స్వార్థపూరితంగా ఉంటుంది. అది అది వారిని సంతోషపెట్టాలనుకుంటున్నారా లేదా అని నిర్ణయించుకోవడం మీ ఇష్టం.

నిబంధనలు పెట్టడం..

కొంతమంది జంటలు వారి నియమాలకు కట్టుబడి ఉండాలని కోరుకుంటారు. ఇందుకోసం సంబంధాలలో ఎలాంటి నియమాలను పాటించవు. మీ భాగస్వామి మిమ్మల్ని వారి ప్రకారం జీవించాలని నిశ్చయించుకుంటే మరియు కొన్ని స్వీయ-నిర్మిత నిబంధనలను స్పష్టంగా ఏర్పాటు చేస్తే, వారు మిమ్మల్ని కంట్రోల్ పెట్టేందుకు ప్రయత్నిస్తున్నారనేందుకు స్పష్టమైన సంకేతం. అలాంటి రూల్స్ ను రూపొందించే హక్కు ఎవ్వరికీ ఉండదు. కాబట్టి మీరు వాటిని పాటించాల్సిన అవసరం లేదు. అశాస్త్రీయ నియమాలు మరియు పరిమితులు ఎప్పటికీ మంచిది కాదు.