దాంపత్య జీవితంలో భార్యభర్తల మద్య అన్యోన్యతను దెబ్బతీసేవేవీ!

చులకనగా చూడకూడదు:

భార్యాభర్తలిద్దరూ ఒకరినొకరు చులకన చేసి మాట్లాడుకోవడం మంచిది కాదు. అది కేవలం నలుగురిలో ఉన్నప్పుడు మాత్రమే కాదు.. మీ ఇద్దరూ ఉన్నప్పుడ కూడా వర్తిస్తుంది. కొంతమంది తమ భాగస్వామి గురించి నలుగురిలో చెడుగా చెప్పడం, వాళ్ల మీద జోక్స్ వేయడం చేస్తుంటారు. మీరు అలా చెడుగా చెప్పిన వాళ్లలో ఎవరైనా మీరు మాట్లాడిన తీరును మీ భాగస్వామితో పంచుకుంటే వాళ్లు చాలా బాధపడుతారు. ఇలా చేయడం వల్ల మీ మీద ఉండే గౌరవం, ప్రేమ కూడా క్రమంగా తగ్గిపోయే అవకాశం ఉంటుంది. అందుకే ఇలాంటి అనవసరమైన పనులతో టైమ్ వేస్ట్ చేసుకోకపోవడమే మంచిది.

నిస్వార్థంగా :

స్వార్థం, అపనమ్మకం...ఈ రెండూ కూడా ఎంత అన్యోన్యమైన సంబంధాలనైనా దూరం చేసేస్తాయి. కొంత మంది తమ భాగస్వామి మనోభావాలను గురించి ఆలోచించకుండా, కేవలం తమలోని ఉంచుకొని ఆలోచించి స్వార్థంతో నిర్ణయాలు తీసుకుంటారు. తమకు ఏదైతే ప్రయోజనం కలిగేలా చేస్తుందో దాన్నే పాటిస్తారు. ఇది దీర్ఘకాలంలో మీకు ఇబ్బందులను తెచ్చిపెడుతుంది. మరికొంతమంది తమ భాగస్వామి మీద లేనిపోని అపనమ్మకం పెంచుకుంటారు. వారిని అనుమానిస్తూ ప్రతి కదిలికనూ పరిశీలిస్తుంటారు. ఇది వారికీ తెలీనంత కాలం పర్వాలేదు. అవతలివారికి తెలిస్తే వారి మనో భావాలు దెబ్బతింటాయి. ఇలాంటివాటి వల్ల ఇద్దరి మధ్యా అన్యోన్యత పూర్తిగా నశిస్తుంది.

ఒత్తిడి పెరిగితే:

పనిలో కలిగే ఒత్తిడి, ఒతర సమస్యల వల్ల సహనాన్ని కోల్పోవడం సహజం. మీ భర్త కూడా ఇలాంటి సమస్యే ఎదుర్కొంటున్నారా?అయితే ఇలాంటి సమయంలో మీ భాగస్వామినిన కాసేపు ఒంటరిగా వదిలేయడం మీకు మరియు అతనికి ఇద్దరికీ మంచిది. అలాకాకుండా కోపంతో ఉన్న వాళ్ల దగ్గర మీ పంతం నెగ్గించుకోవాలని ప్రయత్నిస్తే వాళ్ల కోపం మరింత పెరిగి, మీపై విరుచుకుపడే అవకాశం ఉంటుంది. దీంతో ఇద్దరి మద్య గొడవలు వచ్చే అవకాశాలు ఎక్కువగా ఉంటాయి. కాబట్టి ఒత్తిడితో బాధపడుతున్నవారిని అర్ధం చేసుకుని మసలుకోవడం మంచిది.

అబద్దాలు అనర్ధం:

అబద్దాలు మాట్లాడితే అతికినట్లుండాలి...అంటుంటారు పెద్దవాళ్లు. ఇక్కడ వారి ఉద్దేశం అబద్దాలాడాలని మాత్రం కాదు. ఎందుకంటే అన్యోన్యంగా ఉండే బంధాల్లో కలతలు రేపేవి అబద్దాలే. చాలామంది చిన్న చిన్న విషయాల్లో కూడా భాగస్వామికి అబద్దాలు చెబుతుంటారు. ఇలా మీరు మీ భాగస్వామికి సరదాగా ఓ చిన్న అబద్దం చెప్పారనుకోండి. అది నిజం కాదని తేలిసిన రోజున ఇద్దరి మద్య దూరం పెరిగిపోతుంది. కాబట్టి సరదాగా అయినా, సీరియస్ గా అయినా దంపతుల మధ్య అబద్దాలు ఎంత తక్కువగా ఉంటే అంత మంచిది. బంధంలో ఎంత నిజాయితీ ఉంటే ఆ సంబంధం అంత దృడంగా తయారవుతుంది. లేదంటే ఇబ్బందులు ఎదుర్కోవాల్సి వస్తుంది.

వైవాహిక జీవితంలో ప్రేమకు ముఖ్యమైన ఆధారం సెక్స్:

అది రోజు రోజుకూ పరస్పర ఆకర్షణను పెంచుతుంది. దాంపత్య బంధాన్ని దడంగా మార్చుతుంది. పని ఒత్తిడి, అలసట, ఆందోళన మొదలైన వాటి ప్రభావం వ్యక్తిగత జీవితంపై పడకుండా చూసుకోవాలి. భార్యా భర్తల మధ్య ఎంత గొడవ జరిగినా వారు రాత్రి పూట ఒకే బెడ్ పై నిద్రపోతారు. తమ సెక్స్ జీవితాన్ని ఆనందంగా ఆస్వాదిస్తారు. దాంతో వారి దాంపత్యంలో సంతోషం నిలిచి ఉంటుంది. భార్యా భర్తలు పరస్పరం తోడుగా ఉన్నామని ఆనందిస్తారు. ఈ శారీరక బంధం ఆత్మీయ సంబంధాన్ని పటిష్టం చేస్తుంది.

ఇవన్నీ దాంపత్య జీవితాన్ని నాశనం చేసే కొన్ని ప్రాధమిక విషయాలు, వీటిని కనుక గుర్తుంచుకొన్నట్లైతే మీ దాంప్యత జీవితంలో ఎలాంటి ఇబ్బందులు లేకుండా హాయిగా జీవితాన్ని కొనసాగించవచ్చు.....