జాక్ పాట్ కొట్టబోతున్న ఆ కవల జంటలు... ఒకేసారి డబుల్ ధమాకా...

ఒకేసారి గర్భం..

ఒకే రూపంతో ఉండే ట్విన్ సిస్టర్లు ఒకే రూపం ఉండే ట్విన్ బ్రదర్లను 2018 సంవత్సరంలో పెళ్లి చేసుకున్నారు. దీంతో వారు ఒక్కసారిగా సెలబ్రెటీలుగా మారిపోయారు. అయితే విశేషమేమిటంటే వారిద్దరూ ఒకేసారి గర్భం దాల్చారంట. ఈ విషయాన్ని స్వయంగా వారు ఇన్ స్టాగ్రామ్ ద్వారా వెల్లడించారు. అంతేకాదు ఆ బాపుబొమ్మలిద్దరూ ఒకేసారి పిల్లల్ని కనాలని అనుకుంటున్నారట.

దేశమంతా గాలించి..

అమెరికా దేశానికి చెందిన బ్రిటనీ, బ్రయనా డీన్ కవలలు. ఈ అక్కాచెల్లెల్లిద్దరూ దేశమంతా అన్వేషించి జోష్, జెరెమీ సాలియర్స్ అనే ట్విన్ బ్రదర్లను పెళ్లి చేసుకున్నారు. వీరికి 2018లో వివాహం జరిగింది. అప్పటి నుండి వారు తమ ప్రాంతంతో పాటు ఇంటర్నెట్ లో సెలబ్రెటీలుగా మారారు.

మళ్లీ వైరల్..

అయితే ఈ జంట ఇటీవల సోషల్ మీడియాలో షేర్ చేసిన ఫొటోలను చూసి నెటిజన్లు ఔరా అంటున్నారు. ఎందుకంటే వారిద్దరూ ఒకేసారి గర్భం దాల్చిన విషయం నెట్ లో చక్కర్లు కొట్టడంతో అది కాస్త క్షణాల్లోనే వైరల్ అయిపోయింది. అంతేకాదు తాము ఒకేరోజు ఒకే సమయంలో పిల్లలను కనాలని, తమ వారసత్వాన్ని ఘనంగా జరుపుకోవాలనుకుంటున్నామని కోరుకుంటున్నట్లు పోస్ట్ చేశారు. ఇది చూసిన నెటిజన్లు మీ కోరిక తప్పకుండా నెరవేరుతుందని.. బెస్ట్ ఆఫ్ లక్ చెబుతున్నారు.