Viral: చనిపోయిన భార్యను మళ్లీ పుట్టించాడు.. అదెలాగో తెలిస్తే షాకవుతారు...!

ఆ కుటుంబంలో విషాదం..

కర్నాటక రాష్ట్రంలోని కొప్పల్ జిల్లాకు చెందిన శ్రీనివాస్ గుప్త భార్య మాధవి 2017 సంవత్సరంలో తిరుపతికి వెళ్తున్న సమయంలో కోలార్ వద్ద జరిగిన రోడ్డు ప్రమాదంలో చనిపోయింది. తన భార్య విషయాన్ని తట్టుకోలేకపోయాడు ఆ భర్త. అప్పటికే వారు కొత్త ఇంట్లోకి ప్రవేశించాల్సి ఉంది.

భార్య బతికుంటే..

ఇలా దిగులుగా ఉన్న సమయంలో ఆయనకు ఒక అదిరిపోయే ఐడియా వచ్చింది. అంతే ఒకవేళ ఈ సమయంలో ఆమె బతికుంటే ఎలా ఉండేదో అని ఊహించుకున్నాడు. అంతే అచ్చం అలాంటి మైనపు విగ్రహాన్ని ప్రతిష్టించాలని అనుకున్నాడు.

సంప్రదాయం ఉట్టిపడేలా..

తన భార్య ముఖంలో చిరునవ్వు, సంప్రదాయం ఉట్టిపడేలా పట్టుచీర, బంగారు ఆభరణాలతో, కేశాలంకరణతో తన భార్య స్వరూపాన్ని మైనపు విగ్రహం ద్వారా తయారు చేయించుకుని, ఇంట్లో ప్రతిష్టించాడు. ఆ విగ్రహం వద్ద ఆయన కుటుంబసభ్యులు ఫొటోలు దిగి మురిసిపోయారు.

ఆశ్చర్యపోయిన బంధువులు..

ఆమె మైనపు విగ్రహాన్ని చూసిన వారందరూ నోరెళ్లబెడుతున్నారు. ఆ విగ్రహాన్ని చూస్తే.. ఆమె బతికే ఉందా? అన్న అనుమానం కలుగుతుంది. ఈ సంఘటనను ఎవరో సోషల్ మీడియాలో పోస్ట్ చేయడంతో.. అది కాస్త వైరల్ అయిపోయింది.

నెటిజన్ల కామెంట్లు..

దీన్ని చూసిన నెటిజన్లు తమదైన శైలిలో కామెంట్లు చేస్తున్నారు. షాజహాన్ తన భార్య ముంతాజ్ కోసం తాజ్ మహాల్ ను నిర్మిస్తే.. ప్రస్తుత శ్రీనివాస్ గుప్త తన భార్య మైనపు విగ్రహాన్ని చేయించి, షాజహాన్ కన్నా తన ప్రేమే గొప్పదని నిరూపించారన్నారు. నిజమైన ప్రేమంటే ఇదే అని అభినందిస్తున్నారు.