దుర్గా పూజ 2019 : తొమ్మిది రకాల దుర్గమ్మ విగ్రహాల గురించి తెలుసుకుందామా..

1) షోలార్ సాజ్ దుర్గమాత..

షోలార్ సాజ్ దుర్గమాత విగ్రహాన్ని సాంప్రదాయ బద్ధంగా ‘షోలార్ సాజ్‘లో అలంకరిస్తారు. ఈ దేవత విగ్రహానికి తెల్లని థర్మోకోల్ దుస్తులలో మరియు అసురుడికి సంబంధించిన ఆకుపచ్చ రూపంతో భక్తులను ఇట్టే ఆకర్షిస్తుంది.

2) పాట్ ఎర్ ఠాకూర్..

పాట్ ఎర్ ఠాకూర్ అనే దుర్గమ్మ విగ్రహం కుండల రూపంలో తయారు చేయబడి ఉంటుంది. ఈ విగ్రహాన్ని కుండల మాదిరిగా రూపొందిస్తారు. బెంగాలీలో అమ్మవారికి సంబంధించిన ఈ రూపాన్ని ‘పాట్ ఎర్ ఠాకూర్‘ అని పిలుస్తారు. ఈ దేవత ప్రతిమను బంకమట్టితో తయారు చేస్తారు.

3) వెదురు దేవత..

వెదురు దేవత అంటే ఇక్కడ దుర్గామాతను వెదురు కర్రలు మరియు ఎండుగడ్డితో అందంగా అలంకరిస్తారు. ఈ దేవతకు ఈ రకమైన గ్రామీణ శైలి అలంకరణ చాలా తక్కువ ఖర్చుతో మరియు కళాత్మకంగా రూపొందిస్తారు.

4) గిరిజన దేవత..

గిరిజన దేవత రూపంలో ఉన్న దుర్గాదేవి ఇక్కడ గిరిజన శైలిలో అలంకరించబడి ఉంటుంది. ఆమె విగ్రహానికి ఉండే చీరను ఒక ‘సంతాల్‘ మహిళకు కట్టినట్టుగా ఉంటుంది. ఈమె తలకు కూడా బెంగాల్ గిరిజన ప్రాంతాల నుంచి వచ్చిన వారికి లాగానే అలంకరిస్తారు.

5) వారియర్ దేవత..

వారియర్ దేవత అని పిలువబడే ఈ దుర్గమాత ప్రతిమను యుద్ధం కోసం సిద్ధంగా ఉన్న ఒక యోధురాలిగా రూపొందిస్తారు. ఒక్క దుర్గామత విగ్రహాన్నే కాకుండా ఆమె పిల్లలు, లక్ష్మీ, సరస్వతీ, గణేష్, కార్తీక్ విగ్రహాలను కూడా యుద్ధం కోసం సిద్ధంగా ఉన్నట్లు అలంకరిస్తారు.

6) దాకేర్ సాజ్..

దాకేర్ సాజ్ అనే ఒకే సాంప్రదాయ దాకేర్ సాజ్ అలంకరణను బల్లపరుపుగా ఉన్న వెండి షిల్లింగులతో అలంకరిస్తారు. ఈ అలంకరణ రూపంలో ఉన్న దుర్గాదేవత ముగ్ధమనోహరంగా కనిపిస్తుంది.

7) మానవత్వం కోసం..

మానవత్వం చూపే కరుణామూర్తిగా ఇక్కడ దుర్గామాతను మానవ రూపంలో అలంకరిస్తారు. ఒక మైదానంలో సుప్రసిద్ధ సామాజిక కార్యకర్త అయిన మదర్ థెరిసా శిల్పం కూడా ఉంటుంది.

8) కులో మరియు కోరి దేవత

కులో మరియు కోరి దుర్గాదేవతను ఒక ‘కులో‘ లేదా ఒడ్ల నుండి బియ్యం వేరు చేయడానికి ఉపయోగించే ఒక గడ్డి ట్రే లోపల లేదా ఒక ‘కోరి‘ లేదా (నాణెం)లో పొందుపరుస్తుంటారు. ఈ రకమైన అలంకరణలో బెంగాల్ గ్రామీణ జీవితంలోని ప్రత్యేకమైన అంశాలు ప్రతిబింబిస్తాయి.

9) కోనో ఏక్ గన్యెర్ బోధు..

నవరాత్రుల్లో చివరి రూపం కోనో ఏక్ గన్యెర్ బోధు రూపం. ఈ రూపంలో దుర్గా దేవిని బెంగాల్ లోని గ్రామీణ వివాహిత మహిళలాగా అలంకరిస్తారు. ఆ దేవతకు బెంగాలీ శైలిలో ఎర్ర అంచుతో ఉన్న రెడ్ అండ్ వైట్ కలర్స్ తో ఉన్న చీరను కడతారు. అలాగే ఆమె 10 చేతులకు ఎరుపు మరియు తెలుపు ఉన్న నత్తగుల్ల షెల్ గాజులను వేస్తారు.