Guru Nanak Jayanti 2021 : సిక్కులు ఈ పండుగను ఎలా జరుపుకుంటారో తెలుసా..

గురునానక్ జయంతి..

పది మంది సిక్కు గురువులలో మొదటి వ్యక్తి అయిన గొప్ప గురువు గురునానక్. ఈయన పుట్టినరోజునే గురునానక్ జయంతిని జరుపుకుంటారు. ఈయన క్రీ.శ.1469లో క్షత్రియ కుటుంబంలో జన్మించారు. గురునానక్ జన్మస్థలం, రాయ్ భోయ్ తల్వాండి, పాకిస్థాన్ లోని లాహోర్ లో ఉంది.

బాల్యంలోనే ఆధ్యాత్మకత..

గురునానక్ బాల్యం నుండే ఆధ్యాత్మిక విషయాలపై, మంచితనం మరియు భక్తి వైపు మొగ్గు చూపాడు. తను వివాహం చేసుకుని, ఇద్దరు పిల్లల సంతానం కలిగి ఉన్నప్పటికీ, సత్యం యొక్క పిలుపును గ్రహించి, తన సమయాన్ని అంతా సర్వశక్తిమంతుడికి కేటాయించడానికి తను కుటుంబ జీవితాన్ని విడిచిపెట్టాడు.

ఎంతోమందికి స్ఫూర్తి..

గురునానక్ జయంతి యొక్క ప్రాముఖ్యత ఏంటంటే.. గురుదేవ్ యొక్క జీవితం ప్రజలకు ఎంతగానో స్ఫూర్తిస్తుంది. ఎందుకంటే అతను అనుసరించిన మార్గం చాలా ఆదర్శవంతమైన మార్గం. ఈ జయంతి రోజున ప్రపంచంలోని ప్రతి ఒక్క సిక్కు ఈ పండుగను అంకితభావంతో జరుపుకుంటారు. ఈ సమయంలో చాలా మంది గురుద్వారాలకు హాజరవుతారు. అయితే దీనికి హాజరు కాలేనివారు మాత్రం ఇంట్లోనే వేడుకలు నిర్వహిస్తారు.

ఐక్యతా భావం..

గురునానక్ పుట్టినరోజు సందర్భంగా సమాజం ప్రత్యేక లంగర్ (భోజనం)ను ఉచితంగా ఏర్పాటు చేస్తారు. వర్గవిభజనల భావం లేకుండా ప్రజలు దీనిలో చేరతారు. అందుకే ఈ పండుగ వైవిధ్యంలో ఐక్యతా భావం కనిపిస్తుంది.

గురునానక్ జయంతి రోజున..

గురునానక్ జయంతి రోజున సిక్కులందరూ పూజలు చేస్తారు. కరా ప్రసాద్ (తీపి వంటకాలను) తయారు చేసి అందరికీ ఉచితంగా పంచుతారు. అలాగే కొత్త బట్టలు ధరించి ఆనందిస్తారు. హిందువుల దీపావళి రోజున టపాసులు ఎలా కాలుస్తారో.. సిక్కులు కూడా గురునానక్ జయంతి రోజున కాకర్లను కాల్చి ఈ పండుగను జరుపుకుంటారు. ఈ జయంతి యొక్క అంతర్లీన సందేశం అతని మార్గాన్ని అనుసరించడం మరియు ప్రపంచమంతా ప్రేమను వ్యాప్తి చేయడం.