Ramzan 2021 : రంజాన్ వేళ జకాత్ వల్ల ప్రయోజనం ఉంటుందా? ఇంతకీ జకాత్ అంటే ఏమిటి?

సంపాదన లేని వారికి

రంజాన్ పవిత్ర మాసం సందర్భంగా ముస్లిలందరూ ఎవరైతే ప్రాథమిక అవసరాలు తీర్చుకోలేక ఇబ్బందులు పడుతుంటారో.. ఎవరైతే పని చేయలేకపోతారో.. ఎవరికైతే సంపాదన మార్గాలు లేకుండా ఉంటాయో అలాంటి వారికి జకాత్ పేరిట సహాయం చేయవచ్చు. అది ఎంత అంటే జకాత్ ప్రకారం ప్రతి ఒక్క ముస్లిం తమ వార్షిక ఆదాయంలో రెండున్నర శాతం కచ్చితంగా ఇవ్వాలనే నిబంధన ఉందట.

కుటుంబ అవసరాల కోసం..

రంజాన్ పవిత్ర మాసంలో ఎవరైతే కష్టపడే వ్యక్తులు ఉంటారో, అయితే వారు ఎంత కష్టపడినా, వారి కుటుంబ అవసరాలను తీర్చలేకపోతారో, అలాంటి వారి కోసం అన్వేషించాలట. అలాంటి వారి పిల్లలకు ఆహారం, విద్య మరియు ఆరోగ్యం కోసం అదనంగా సహాయం చేయాలట.

జకాత్ సేకరించే వ్యక్తి..

ప్రస్తుతం అంతా కరోనా లాక్ డౌన్ కారణంగా ఎవ్వరూ ఎక్కడికి వెళ్లలేని పరిస్థితులు నెలకొన్నాయి. కనీసం ఇళ్ల నుండి బయటికి కూడా రాలేకపోతున్నారు. కాబట్టి ఇలాంటి సమయంలో జమాత్ సేకరించే వ్యక్తికి తమ వాటాను ఇవ్వాలి.

ఇతరులు కూడా..

రంజాన్ మాసంలో జకాత్ పేరిటి ఇతర మతాల వారు పేదవారికి సహాయం చేయొచ్చట. అలాగే ముస్లింలు కూడా ఇతర మతాలకు చెందిన పేదవారికి సహాయం చేయాలట.

నేరం చేయకుండా..

ఎవరైనా నేరం చేయకుండా జైలు శిక్ష వంటివి అనుభవిస్తుంటే, అలాంటి వారి కోసం జకాత్ యొక్క సొమ్ము మొత్తాన్ని నిరభ్యంతరంగా ఉపయోగించుకోవచ్చు.

అప్పులు చెల్లించలేని వారికి..

ఎవరైతే కష్టాల్లో ఉంటారో.. కరోనా లాక్ డౌన్ లేదా ఇతర కారణాల వల్ల ఎవరైతే అప్పులు చెల్లించలేని పరిస్థితిలో ఉంటారో వారికి జకాత్ చెల్లించడం ద్వారా వారి సమస్యను పరిష్కరించేందుకు ప్రయత్నించాలి.

ఫీ-సబిల్లిల్లా లేదా అల్లాహ్ యొక్క మార్గం

దీని అర్థమేమిటంటే అల్లాహ్ అనే దేవుడి కోసం డబ్బు ఖర్చు చేయడం. మీరు అల్లాహ్ మార్గంలో కూడా జకాత్ డబ్బు ఇవ్వవచ్చు.

ప్రయాణ సమయంలో...

ఎవరైనా అకస్మాత్తుగా అత్యవసర పరిస్థితుల్లో ప్రయాణించాలనుకున్నా.. వారి దగ్గర సొమ్ము లేకపోతే, అలంటి వారికి మీరు జకాత్ ఇవ్వడం ద్వారా వారికి సహాయం చేయవచ్చట.