ఈ పదాలు వాడినా.. ఈ పనులు చేసినా లక్ష్మీదేవి మీ ఇంటి నుండి వెళ్లిపోతుందట..

అదృష్టం..

పురాణాల్లో యోగ వశిష్టుని మాటలను బట్టి అదృష్టం (లక్కీ) అనే మాట మీ ఇంట్లో మూడుసార్లకు మించి వినబడితే లక్ష్మీదేవి వెళ్లిపోతుంది. ఎందుకంటే ఏ ఇంట్లో కష్టపడి పని చేయకుండా అదృష్టంపైనే ఆధారపడి ఉంటారో.. అదృష్టాన్నే నమ్ముకుని ఏ పని చేయకుండా సోమరితనం పెంచుకుని ఉండే వారి ఇంట్లో లక్ష్మీదేవి ఒక్క క్షణం కూడా ఉండదట. వెంటనే మీ ఇంటి నుండి వెళ్లిపోతుందట. అందుకే మీరు ఎప్పుడు అదృష్టంపైనే ఆధారపడకండి. ఎవరినీ ఉద్దేశించి ఈ పదాన్ని వాడకండి.

దురదృష్టం..

యోగ వశిష్టుడు మాటల ప్రకారం అదృష్టంతో పాటు దురదృష్టం (అన్ లక్కీ) అనే పదాన్ని కూడా మూడుసార్లకు మించి మీ ఇళ్లలో వాడితే లక్ష్మీదేవి వెళ్లిపోతుందట. ఎందుకంటే ఎవరైనా ఏదైనా తప్పు చేసినప్పుడు లేదా పొరపాటు చేసినప్పుడు వారు దాన్ని ఒప్పుకోకుండా మా టైమ్ బాగాలేదు. లేదా దురదృష్టం (అన్ లక్కీ) వల్లే ఇలా జరిగింది అని అంటుంటారు. ఈ ‘దురదృష్టం‘ పదాన్ని మూడుసార్లకు మించి వాడినా కూడా లక్ష్మీదేవి వెంటనే మీ ఇంటి నుండి వెళ్లిపోతుందట. కాబట్టి ఈ పదాన్ని వాడటం కూడా మానుకోండి.

పాలు ఒలికితే..

మన ఇళ్లలో ఉండే పాలు పొరపాటున ఒలికినా కూడా లక్ష్మీదేవి మీ ఇంటి నుండి వెళ్లిపోతుందట. కలలో కూడా పాలు ఒలికిపోయినట్లు కనిపిస్తే లక్ష్మీదేవి వెళ్లిపోయిన మీకు కష్టాలు వస్తున్నాయడానికి సంకేతం. అలాగే ఆవు పాలు అయినా, గేదే పాలు అయినా లేదా ప్యాకెట్ పాలు అయినా కొంతమంది నిర్లక్ష్యంగా ఉంటారు. ప్రతిరోజూ పాలు ఒలికిపోతుంటే వారికి కష్టాలు మొదలైనట్టే. ఇవి దరిద్రానికి సంకేతం. అలాగే ఎవరి ఇంట్లో పాలు పుష్కలంగా, జాగ్రత్తగా ఉంటే వారి ఇంట్లో ధనం పుష్కలంగా ఉంటుంది.

పాలు నేలను తాకరాదు..

చాలా మంది ఇళ్లలో పాలు ఒలికిపోయినపుడు దానిపైన మ్యాట్ వేసి లేదా ఏదైన బట్టను దాని మీద వేసి కాలితో తుడిచేస్తారు. అలాగే దానిపైనే నడుస్తూ ఉంటారు. ఇలా చేయడం వల్ల మీకు దరిద్రం పడుతుందట. కాబట్టి ఒకవేళ ఇలా పాలు ఒలికిపోతే దానిపైనే కొన్ని నీళ్లు చల్లి దానిపైన ఒక బట్టతో తుడవాలి. తర్వాత మరికొన్ని నీళ్లు చల్లి శుభ్రం చేయాలి. పూర్వం మన పెద్దవారు ఇలాగే చేసేవారట. ఎందుకంటే పాలు కింద నేలను ఎట్టి పరిస్థితుల్లో తాకకూడదు.

పాలు లక్ష్మీదేవికి సంకేతం..

పురాణాల ప్రకారం పాలను ఎవరైతే పవిత్రంగా భావిస్తారో.. పాలను ఎవరైతే ఆరాధిస్తారో వారి ఇంట్లో లక్ష్మీదేవి స్థిరంగా ఉంటుంది. అలాగే పాలకు లక్ష్మీదేవికి, చంద్రుడికి లక్ష్మీదేవికి సంకేతం. చంద్రుడు మనస్కారకుడు కాబట్టి ఐశ్వర్యాలను ఇస్తాడు. అందుకే ఎవరికైతే పాలలో చంద్రుడు కనిపిస్తాడో లేదా పాలలో ఎవరికైతే లక్ష్మీదేవి కనిపిస్తుందో వారికి అష్టఐశ్వర్యాలు లభిస్తాయి. అందుకే గృహ ప్రవేశం చేసినప్పుడు పాలను పొంగిస్తారు.

ఈ మూడు రోజుల్లో ఉప్పును కొంటే..

మన ఇళ్లలో ఉప్పు లేకుండా వంట పూర్తి కాదు. ఉప్పు లేకుండా ఏ పని కూడా జరగదు. అందుకే ఈ ఉప్పును ఎప్పుడు పడితే కొనకూడదు. అది కూడా శనివారం,సోమవారం, అమావాస్య రోజున ఉప్పును అస్సలు కొనకూడదు. అలా కొంటే మీకు దరిద్రం పడుతుందట. అలాగే ఉప్పును కింద పడకుండా జాగ్రత్తగా ఉంచుకోవాలి. ఎవరైతే లక్ష్మీదేవి నిత్యం ఇంట్లో ఉండాలని కోరుకుంటారో అలాంటి వారు ఆ మూడు రోజుల్లో ఉప్పు(సాల్ట్)ను కొనకండి. ఆ మూడు రోజుల్లో ఉప్పును కొనకుండా ఉంటే మీ ఇంటికి మీరు లక్ష్మీదేవిని సాదరంగా ఆహ్వానించినట్లే.

ఎవరైతే మాట మీద నిలబడతారో..

ఎవరైతే ఇచ్చిన మాటను నిలబెట్టుకుంటారో.. ధర్మానికి కట్టుబడి ఉంటారో.. సత్యం ఎక్కువ మాట్లాడుతుంటారో.. నీతి, నిజాయితీగా ఎవరైతే బతుకుతుంటారో అలాంటి వారిని విడిచి లక్ష్మీదేవి ఎక్కడికి వెళ్లదట. అలాగే పక్షపాతం లేని చోట కూడా ధనలక్ష్మీ స్థిరంగా ఉంటుంది. అలాంటి వారికి లక్ష్మీదేవి కరుణా, కటాక్షలు లభిస్తాయట. కానీ ఇవేవీ పాటించకుండా నిత్యం ఇంట్లో, దేవాలయాల్లో లక్ష్మీదేవి కోసం ఎన్ని పూజలు చేసినా ఫలితం శూన్యమేనట.

ఈ ఆర్టికల్ మీకు నచ్చినట్లయితే బంధు మిత్రులకు, మీ ప్రియమైన వారికి షేర్ చేయండి. ఇలాంటి అనేక ఆరోగ్య, సౌందర్య, జీవనశైలి, ఆహార, లైంగిక, వ్యాయామ, ఆద్యాత్మిక, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ ఆర్టికల్ పై మీ అభిప్రాయాలను కామెంట్స్ విభాగంలో తెలియజేయండి.