అభిషేకం నిర్వహించడానికి కారణాలేంటి ?

1.కుంకుమాభిషేకం:

మొట్టమొదట కుంకుమాభిషేకం చేస్తారు. అన్ని విగ్రహాలకీ ఈ అభిషేకాన్ని చేస్తారు.

2. పసుపు అభిషేకం:

పసుపూ కుంకుమలు హిందువులకి చాలా ముఖ్యమైనవి.అందువల్ల పసుపుని నీళ్ళల్లో కలిపి విగ్రహం మీదుగా ఆ పసుపు నీళ్ళని పోస్తారు.

3.పాలాభిషేకం:

దాదాపు సకల ప్రాణికోటికీ పాలు ముఖ్య ఆహారం. ఆవు నుండి వచ్చే పాలల్లో ఆరోగ్యకరమైన చర్మానికి కావాల్సిన పదార్ధాలుండటం వల్ల మన చర్మం మెరుపుని సంతరించుకుంటుంది. గర్భ గుడిలో విగ్రహానికి కూడా మెరుపు రావాలని విగ్రహ్మ మీదుగా పాలు పోసి అభిషేకం చేస్తారు.

4.పెరుగు అబిషేకం:

పాలాభిషేకం తరువాత పెరుగు అభిషేకం చేస్తారు.పంచామృతాల్లో పెరుగుని ఉపయోగిస్తారు. ఈ అభిషేకం చెయ్యడం వల్ల సత్సంతానం కలుగుతుందని నమ్మకం.

5.తేనె అభిషేకం:

పంచామృతాల్లో పాలూ, పెరుగు తరువాత ముఖ్యమైన పదార్ధం తేనె.తేనె సేవించడం వల్ల తీయని కంఠస్వరం మీ సొంతమవుతుంది.

6.పంచదార అభిషేకం:

పంచదార లేదా చెరకు రసం పంచామృతాల్లో ఉపయోగించే మరొక ముఖ్య పదార్ధం.మీ మనసులోనుండి చెడు ఆలోచనలని తీసివేసి మంచి ఆరోగ్యాన్ని ప్రసాదిస్తుంది పంచదార.

7.లేత కొబ్బరి నీటి అభిషేకం:

లేత కొబ్బరి నీటితో అభిషేకం చెయ్యడం వల్ల జీవితంలో తృప్తి కలిగి అత్యాశ కలగదు అని ఒక నమ్మకం.

8.డ్రై ఫ్రూట్స్ మరియూ అరటి పండు అభిషేకం:

ఎండు ద్రాక్షలు, ఎండు ఖర్జూరాలు,జీడిపప్పు,ఖర్జూరాలు,అంజీరాలు తదితర డ్రై ఫ్రూట్స్ తో పాటు ముక్కలుగా కోసిన అరటిపండు కలిపి విగ్రహానికి అభిషేకం చేస్తారు.ముఖ్యం గా విగ్రహం యొక్క చేతులు, నుదురు, చాతీ, మోకాళ్ళు, కాళ్ళు, పాదాలమీద ఈ పదార్ధాలని వేసి అభిషేకం చేస్తారు.

9 నీటితో అభిషేకం:

అభిషేకం మొదట్లో మరియూ చివరనా విగ్రహం మీద నీటిని పోస్తారు.అభిషేకంలో ఉపయోగించే ఈ నీటిని దగ్గరలో ఉన్న పవిత్రమైన బావి లేదా నది నుండి పూజారి తీసుకుని వస్తారు.