కృష్ణుడికి ఆ పేరు రావటానికి వెనక ఉన్న అసలు రహస్యం ఏంటి?

కృష్ణుడికి నామకరణం పండగ

మనలో చాలా మందికి మన తల్లిదండ్రులో లేక ఇంటిలో ఉన్న ఎవరైనా పెద్దవారో పేర్లు పెడతారు , కానీ కృష్ణుడి విషయంలో అలా కాదు.తన తల్లిదండ్రులు తనకి పేరు పెట్టలేదు.

కంసుని క్రూరత్వం

కృష్ణుడి మామాయ్య అయిన కంసుడు, ఒక ఆకాశవాణి తన చెల్లికి పుట్టే ఎనిమిదవ సంతానం తనకు చావు తీసుకువస్తుంది అని చెప్పడం వలన కృష్ణుడికి జన్మనిచ్చిన తల్లిదండ్రులను చెరసాలలో బంధించాడని మనందరికి తెలిసినదే.

వసుదేవుడు మథుర నుంచి కృష్ణుడ్ని తప్పించుట

కనుక,పుట్టిన వెంటనే, కృష్ణుడి తండ్రి వసుదేవుడు తనని గోకులానికి తీసుకెళ్ళిపోయాడు.అక్కడ ఆ గ్రామ పెద్దైన నందుడు ,తన భార్య అయిన యశోదకి పుట్టిన బిడ్డతో మార్చబడ్డాడు.

గోకులానికి ఆచార్య గర్గుని పర్యటన

కొన్ని రోజుల తర్వాత మహా తపస్వి అయిన గర్గుల వారు మథురకి వెళ్తుంటే మధ్యలో గోకులానికి నందుడు ఆహ్వానించాడు. నందుడి బలవంతం మీద గర్గుడు గోకులంలో ఉండటానికి అంగీకరించి, తన ప్రవచనాలతో మరియు బోధనలతో గ్రామస్తులకి జ్ఞానాన్ని పంచారు.

గోకులంలో దురాగతం

దురదృష్టవశాత్తూ, గోకులంలో పుట్టిన అందరి పిల్లలను కంసుడి ఆదేశం మేరకు అతని సైనికులు చంపేస్తున్నారు. అందువలన నందుడు తన బిడ్డ మరియు మేనల్లుడు గురించి ఆచార్యులకి చెప్పలేదు.ఎక్కడ ఆ రహస్యం బయట పడుతుందేమో అన్ని భయంతో ఆ కుటుంబం గ్రామంలో ఏ స్థానిక పండితుడి దగ్గరకి కూడా వెళ్ళలేకపోయింది.

గర్గ సంహిత

ఆచర్యులు ఉన్న రోజుల్లో, నందుడు మరియు యశోద తమ బిడ్డ మరియు మేనల్లుడికి పేరు పెట్టమని ఆచార్యుని కోరారు.కానీ మహర్షి, తను యాదవుల ఆస్థాన గురువు కావడంతో, రాజు గారి అనుమతి లేకుండా ఏ పని చేయలేనని తన నిస్సహాయతని తెలిపారు.

కృష్ణ లీల

కానీ, ఆయనికి కృష్ణుని జన్మ యొక్క రహస్యం తెలుసు కాబట్టి( విష్ణు మూర్తి అవతారం),నందుడిని తన పిల్లల్ని చాటుగా గొడ్ల చావిడికి తెమ్మన్నాడు.

ఆచర్య గర్గుడు కృష్ణ మరియు బలరామ అని పేర్లు పెట్టారు

నందుడి మేనల్లుడ్ని చూసి, ఈ రోహిణి యొక్క కుమారుడు , తన ధర్మ తత్వం చేత తన చుట్టుపక్కల ఉన్నవాళ్ళకి ఆనందాన్ని తెస్తాడని చెప్తారు.కనుక తన చివరి పేరు రామ అవ్వాలని మరియు తన అధిక బలం వలన తనని బల అని కూడా పిలవబడతాడని చెప్తారు.తను మనుషుల్ని కలిపి ఉంచుతాడు కాబట్టి అతనికి ఇంకో పేరు సంకర్షనుడు.

కృష్ణ, విష్ణువు అవతారం

తరువాత, నందుడి కొడుకుని తన చేతుల్లోకి తీసుకోని, తన జన్మ రహస్యాన్ని బయట పెట్టకుండా ఇలా చెప్తాడు"ఇతను ప్రతీ యుగంలో ఒక్కో అవతారం ఎత్తాడు.పూర్వపు కాలంలో తెలుపు,ఎరుపు మరియు పసుపు తదితర వర్ణాల అవతారాలు ఎత్తాడు.ఈ కాలంలో నల్లటి వర్ణం తీసుకున్నారు. అందువలన ఇతను కృష్ణుడిగా పేరు పొందుతాడు”.అలా, మన అందరికి ఇష్ట దేవుడైన కృష్ణుడికి ఆ పేరు వచ్చింది.(ఆధారితం: విష్ణు పురాణం)