మీపై చంద్రుడు, శని గ్రహాల ప్రభావం పడకూడదంటే... ఈ పరిహారాలు పాటించండి...

చంద్రుడు ఆ స్థానంలో ఉంటే..

జ్యోతిష్యశాస్త్రం ప్రకారం ఎవరి జాతకంలో అయినా చంద్రుడు, శని గ్రహాలు తొలి స్థానంలో ఉంటే వారు ఉద్యోగం కలిగి ఉండొచ్చు. అంతేకాదు వీరికి అత్యాశ కూడా ఎక్కువగా ఉంటుంది. అదేవిధంగా వీరికి సోమరితనం కూడా ఎక్కువగా ఉంటుంది.

జాగ్రత్తగా నిర్ణయం..

అందుకే ఇలాంటి జాతకం ఉన్న వారిని నమ్మాలంటే చాలా జాగ్రత్తగా ఆలోచించి నిర్ణయం తీసుకోవాలి. ఇలా కాకుండా వ్యక్తి జాతకంలో చంద్రుడు, శని నాలుగో స్థానంలో ఉన్నట్లయితే అలాంటి వ్యక్తులు జల సంబంధిత పనులు చేస్తున్నారని అర్థం. అది వారి సొంత వ్యాపారం కావచ్చు. ప్రభుత్వం లేదా ప్రైవేటు పరమైన ఉద్యోగమైనా చేయవచ్చు.

శత్రువులపై గెలుపుకు..

జ్యోతిష్యశాస్త్రం ప్రకారం, వ్యక్తుల జాతకంలో చంద్రుడు, శని ఏడో స్థానంలో ఉంటే.. అలాంటి వారు పాలిటిక్స్ కు దగ్గరగా, మంత్రులకు సన్నిహితంగా ఉంటారు. అయితే ఇలాంటి జాతకాలు ఉన్న అమ్మాయిల విషయంలో చాలా జాగ్రత్తగా ఉండాలి. లేకపోతే మీరు చాలా బాధపడాల్సి వస్తుంది. ఇంకోవైపు వ్యక్తి జాతకంలో చంద్రుడు పదో స్థానంలో ఉంటే అలాంటి వ్యక్తులు శత్రువులపై విజయం సాధిస్తారు. మరో విశేషమేమిటంటే.. వీరు మహారాజు లాంటి ఆనందాన్ని సాధించడానికి బలమైన అవకాశం ఉంటుంది.

చెడు ప్రభావం పడకూడదంటే..

మీ జాతకంలో శని గ్రహం, చంద్రుని యొక్క చెడు ప్రభావం పడకుండా ఉండాలంటే.. మీరు చంద్రుడికి సంబంధించిన వస్తువులను దానం చేయాలి. ముఖ్యంగా తెల్లని రంగులో ఉండే వస్తువులను దానం చేసేందుకు ప్రయత్నించాలి.

ఆంజనేయుడి ఆరాధన..

మీ జాతకంలో చంద్రుడు, శని గ్రహ ప్రభావం పడకుండా ఉండాలంటే.. మీరు క్రమం తప్పకుండా ఆంజనేయ స్వామిని ఆరాధించాలి. ప్రతిరోజూ హనుమాన్ చాలీసా పఠించాలి. అలాగే ప్రతి మంగళవారం, శనివారం సింధూరం, సంపెంగ నూనె వంటివి సమర్పించడం మరచిపోవద్దు. దీని వల్ల మీకు చాలా ప్రయోజనాలు కలుగుతాయి.