వరలక్ష్మీ వ్రతం సమయంలో చదవాల్సిన శక్తివంతమైన మంత్రాలు ఇవే

శ్రావణ మాసంలో పౌర్ణమికి ముందు వచ్చే శుక్రవారం నాడు వరలక్ష్మీ వ్రతాన్ని ఆచరించడం ఆనవాయితీ. ఇవాళ(ఆగస్టు 8,2025) వరలక్ష్మీ వ్రతం జరుపుకుంటున్నారు. ఈ పవిత్రమైన రోజున, వివాహిత మహిళలు లక్ష్మీదేవిని పూజిస్తారు. వరలక్ష్మి అంటే వరాలను ప్రసాదించే లక్ష్మి అని అర్థం. ఈ వ్రతం ఆచరించడం వల్ల అష్టలక్ష్ములను పూజించిన ఫలితం లభిస్తుందని నమ్ముతారు. అష్టలక్ష్ములు అనగా ధనం, ధాన్యం, ధైర్యం, విజయం, ఆరోగ్యం, సంతానం, సౌభాగ్యం, జ్ఞానం వంటి ఎనిమిది రకాల సంపదలను ప్రసాదించే దేవతలు. మహిళలు తమ కుటుంబ శ్రేయస్సు, భర్తకు దీర్ఘాయువు, సుఖ సంతోషాల కోసం ఈ వ్రతాన్ని అత్యంత భక్తి శ్రద్ధలతో నిర్వహిస్తారు.

పూజకు శుభ ముహూర్తాలు

సింహ లగ్న పూజ ముహూర్తం: ఉదయం 6:42 AM నుండి 8:47 AM వరకు

వృశ్చిక లగ్న పూజ ముహూర్తం : మధ్యాహ్నం 1:00 PM నుండి 3:13 PM వరకు

కుంభ లగ్న పూజ ముహూర్తం : సాయంత్రం 7:11 PM నుండి 8:50 PM వరకు

వృషభ లగ్న పూజ ముహూర్తం: ఆగస్టు 9న తెల్లవారుజామున 12:14 AM నుండి 2:15 AM వరకు

పూజ సమయంలో పఠించాల్సిన శక్తివంతమైన మంత్రాలు

అష్టలక్ష్మీ మంత్రం
ఓంశ్రీంహ్రీంక్లీంఐంఐశ్వర్యలక్ష్మీనమః..ఈ మంత్రం లక్ష్మీదేవి ఎనిమిది రూపాలను ప్రార్థిస్తుంది. దీనిని జపించడం వల్ల జీవితంలో వివిధ రకాలైన సంపదలు, విజయం, ఆనందం కలుగుతాయి.

శ్రీ మహాలక్ష్మి మంత్రం
"ఓం శ్రీం హ్రీం క్లీం మహాలక్ష్మీ నమ"..ఇది అత్యంత శక్తివంతమైన బీజ మంత్రం, ఇది సంపద, శ్రేయస్సు, ఆధ్యాత్మిక వృద్ధి కోసం లక్ష్మీ దేవిని ప్రార్థిస్తుంది.

లక్ష్మీ గాయత్రీ మంత్రం
ఓంశ్రీంమహాలక్ష్మీవిష్ణుప్రియాయైనమః..ఈ మంత్రం దైవికమైన లక్ష్మీ శక్తిని మేల్కొల్పి, జీవితంలో అదృష్టం, అనుగ్రహాన్ని పొందేందుకు సహాయపడుతుంది. ఇది అత్యంత శక్తివంతమైన మంత్రాలలో ఒకటి.

మహాలక్ష్మీ మంత్రం
ఓంశ్రీంహ్రీంశ్రీంకమలేకమలాలయేప్రసీదప్రసీదశ్రీంహ్రీంశ్రీంఓంమహాలక్ష్మీయైనమః..ఇది లక్ష్మీదేవిని ఆరాధించే అత్యంత సాధారణ మరియు శక్తివంతమైన మంత్రం. సకల సంపదలు, సౌభాగ్యాలు,అదృష్టం కోసం దీనిని జపించవచ్చు.

సర్వైశ్వర్య లక్ష్మీ మంత్రం
ఓంఐంహ్రీంశ్రీంమహాలక్ష్మియేనమః..ఈ మంత్రం జీవితంలో సంపూర్ణ శ్రేయస్సు, అన్ని కోరికల నెరవేర్పు కోసం పఠిస్తారు. ఇది సర్వ ఐశ్వర్యాలను ప్రసాదిస్తుంది.

కనకధారా స్తోత్రం నుండి ప్రేరణ పొందిన మంత్రం

ఓంఅంగ్హ్రీంక్లీంశోభనంసతథానంమేదేహిలక్ష్మీ..ఆది శంకరాచార్యులచే రచించబడిన కనకధారా స్తోత్రం నుండి ఈ మంత్రం వచ్చింది. దీనిని పఠించడం వల్ల జీవితంలో అపరిమితమైన సంపద, శ్రేయస్సు లభిస్తాయి.

ధనలక్ష్మీ మంత్రం
ఓంహ్రీంశ్రీంలక్ష్మీప్యోనమః..అష్టలక్ష్మిలలో ఒకరైన ధనలక్ష్మికి అంకితం చేయబడిన ఈ మంత్రం భౌతిక సంపద, ఆర్థిక అభివృద్ధిని పెంచుతుంది.

లక్ష్మీ కుబేర మంత్రం
ఓంశ్రీంహ్రీంక్లీంశ్రీసిద్ధలక్ష్మీకుబేరాయనమః..ఈ మంత్రం లక్ష్మీదేవి, కుబేర భగవానుడి ఆశీస్సులను ఒకేసారి పొందేందుకు సహాయపడుతుంది. దీనిని జపించడం వల్ల సంపద, శ్రేయస్సు వృద్ధి చెందుతాయి.

శుభ మంత్రం
ఓంశ్రీంహ్రీంశ్రేయైనమః..శుభ లాభాల కోసం జపించే ఈ మంత్రం వ్యాపారంలో విజయం, అదృష్టాన్ని తెస్తుంది.