రాహూ కాలం అంటే ఏమిటి? ఈ కాలంలోనూ కొన్ని పనులు చేయొచ్చని తెలుసా...

రాహూ కాలం అంటే..

శాస్త్రాల ప్రకారం, శుభ ముహుర్తంలోనే శుభకార్యాలు చేయాలని పండితులు చెబుతారు. ఒక ప్రాంతంలో సూర్యోదయం నుండి సూర్యస్తయం వరకు ఉండే సమయాన్ని ఎనిమిది భాగాలుగా చేస్తే ఒక విభాగం. ఇందులోని ఒక భాగాన్ని రాహూకాలంగా పరిగణిస్తారు. ఈ రాహూ కాలం ప్రాంతాన్ని బట్టి మారుతూ ఉంటుంది. ప్రతిరోజూ సుమారు 90 నిమిషాల పాటు అంటే గంటన్నర సమయం రాహు కాలం ఉంటుంది. ప్రతిరోజూ ఒకేలా కూడా ఉండదు. అది సమయాన్ని బట్టి.. ప్రాంతాన్ని బట్టి మారుతూ ఉంటుంది.

ప్రతి సోమవారం రెండో భాగంలో.. శనివారం రోజున మూడో భాగంలో.. శుక్రవారం రోజున నాలుగో భాగంలో.. బుధవారం ఐదో భాగం.. గురువారం ఆరో భాగం.. మంగళవారం ఏడో భాగం.. ఆదివారం రోజున ఎనిమిదో భాగంలో వస్తుందని పండితులు చెబుతున్నారు.

రాహూ కాలం ఎప్పుడొస్తుంది..

ఉదాహణకు ఒక ప్రాంతంలో సూర్యోదయం ఉదయం 6 గంటలకు.. సూర్యస్తమయం 6 గంటలకు అవుతుందనుకుంటే.. ఉదయం 6 నుండి 7:30 గంటల వరకు అంటే.. మొదటి గంటన్నర సమయాన్ని వదిలేయాలి. తర్వాత సోమవారం రోజున 7:30 నుండి 9 గంటల వరకు, శనివారం రోజున ఉదయం 9 నుండి 10:30 గంటల వరకు, శుక్రవారం ఉదయం 10:30 నుండి 12 గంటల వరకు, బుధవారం మధ్యాహ్నం 12 నుండి మధ్యాహ్నం 1:30 గంటల వరకు, గురువారం మధ్యాహ్నం 1:30 నుండి 3 గంటల వరకు, మంగళవారం రోజున 3 నుండి సాయంత్రం 4:30 గంటల వరకు, ఆదివారం రోజున సాయంత్రం 4:30 గంటల నుండి సాయంత్రం 6 గంటల వరకు రాహు కాలం ఉంటుంది.

ఈ రాహూ కాలాన్ని ఎందుకని అశుభంగా భావిస్తారు..

అపవిత్ర కాలంగా..

భారతీయ శాస్త్రాల ప్రకారం, సూర్యుడు, చంద్రుడు, బుధుడు, గురుడు, శుక్రుడు, అంగారకుడు, శని, రాహూ, కేతువులు నవ గ్రహాలు. వీటిలో రాహు, కేతువులకు భౌతిక శరీరాలు లేకపోయినప్పటికీ..వీటికి సూర్యుడిని అస్పష్టం చేసే శక్తి ఉందని భావించారు. దీంతోనే సూర్యగ్రహణం ఏర్పడుతుందని భావించారు. హిందూ పురాణాల ప్రకారం రాహువు సూర్యుడిని మింగే పాము. ఇది చెడు సంకేతానికి ప్రతీకగా భావిస్తారు. అందుకే ఈ రాహూ కాలాన్ని అపవిత్రంగా భావిస్తారు. ఈ సమయంలో ఎలాంటి శుభకార్యాలను చేయరు.

ప్రతికూల శక్తి..

రాహు కాలంలో రాహూవు ప్రభావం చాలా ఎక్కువగా ఉంటుందని పండితులు చెబుతున్నారు. ఈ కాలంలో ఈ గ్రహం ప్రతికూల శక్తితో ఎక్కువ ప్రభావితమవుతుందని భావిస్తారు. అందుకే ఈ కాలంలో ఎలాంటి శుభకార్యాలను చేయరు. ఎంత ముఖ్యమైన పని ఉన్నా వాయిదా వేసుకుంటారు.

ఇవి చేయకండి..

* రాహూ కాలంలో విలువైన వస్తువులను కొనకూడదు.

* ఈ కాలంలో ప్రయాణాలు అస్సలు చేయకూడదు.

* రాహూ కాలంలో ఇంటి కొనడం.. అమ్మడం.. ఇల్లు ఓపెనింగ్, జ్యువెలరీ కొనడం వంటివి చేయకూడదు.

* రాహూ కాలంలో కొత్త పనులు ప్రారంభించకూడదు.

* రాహూ కాలంలో ఎంగేజ్ మెంట్, మ్యారేజ్, ఇతర ముఖ్యమైన పనులేవీ చేయకూడదు.

ఏమి చేయాలంటే..

సాధారణంగా రాహు కాలంలో ఏ పనులు చేయకూడదని, అది అశుభమని అందరికీ తెలిసిందే. అయితే ఈ కాలంలో కూడా కొన్ని పనులు చేయొచ్చు. వీటి గురించి చాలా మందికి తెలియదు. ఎవరి జాతకంలో అయితే కాల సర్ప దోషం ఉంటుందో.. దాని నివారణకు రాహు కాలమే సానుకూలమని పండితులు చెబుతారు. ఇలా చేయడం వల్ల మీ కోరికలన్నీ నెరవేరుతాయట. రాహు గ్రహం యొక్క శాంతి కోసం పశువులకు ఆహారం తినిపించాలి.