నిద్రను మిస్ అవుతే.. మీ అందం హుష్ పటాక్..!!

Body Care

oi-Sivanjaneyulu

By Sivanjaneyulu Bommu

Published: Monday, September 19, 2011, 13:50 [IST]

ప్రతి ఒక్కరూ అందంగా ఉండాలని తాపత్రయపడతారు కాని కొందరు మాత్రమే అలా ఉండగలుగుతారు.., కారణం అందం, ఆరోగ్యం విషయంలో వారు తీసుకునే జాగ్రత్తలు. అందంగా ఉండాలన్న కోరిక ఉంటే సరిపోదు. అలా తయారు కావటానికి కావాల్సిన జాగ్రత్తలను పూచా తప్పకుండా పాటించాలి కాదు కాదు ఆచరించాలి.

నైట్ మిటింగ్‌లు, సెకండ్ షోలంటూ కుర్రకారు రాత్రి నిద్రకు డుమ్మాకొట్టి, పగటి పూట నిద్రపోతారు. నిద్ర విషయంలో అత్యంత జాగ్రత్తా వ్యవహరించాలి. రాత్రి నిద్రను ఏ మాత్రం ఆశ్రద్ధ చేయకూడదు. వీలైనంత వరకు రాత్రి 10 గంటలలోపే నిద్రలోకి జారుకోవడం మంచిది. పగటి పూట నిద్ర మీ అందంతో పాటు ఆరోగ్యానికి హాని తలపెడుతుంది.

పగలంతా వివిధ కార్యకలపాల్లో నిమగ్నమై ఉన్న మీ శరీరం రాత్రి నిద్రలో పూర్తి స్థాయి విశ్రాంతిని తీసుకుంటుంది. ఈ క్రమంలోనే రక్త ప్రసరణ అన్ని ప్రాంతాలలో సమృద్థిగా జరిగి మీ అందంతో ఆరోగ్యం రెట్టింపవుతుంది.

యువత ఆరాధించే సినితారల సౌందర్య చిట్కాలను ఒక సారి పరిశీలిస్తే నిద్ర ప్రాముఖ్యత ఎంతో మీకే తెలుస్తోంది. యువ సామ్రాట్ నాగార్జునతో పాటు అనుష్కలు తమ సౌందర్య రహస్యాల గురించి ప్రస్తావిస్తూ సంతృప్తికరమైన నిద్ర మెరుగైన అందానికి దోహదపడుతుందని ఈ తారలు తమ సౌందర్య రహస్యలను గుట్టు రట్టు చేశారు.

ఇంటి పనిలో తలమునకలయ్యే గృహిణిలు మధ్యాహ్నం వేళ అరగంట సేపు నిద్రస్తే నూతన ఉత్తేజాన్ని పొందుతారు. నిద్రకు దూరమవటం వల్ల ముఖం పీక్కుపోవటంతో నిఘారింపును కోల్పోతుంది. తరచూ ఇలా రాత్రి నిద్రకు దూరంగా ఉంటే ముఖం పూర్తి స్థాయిలో నిఘారింపును కోల్పొవటంతో పాటు పలు ఆరోగ్య సమస్యలు తలెత్తుతాయి.