‘నిద్ర’ నేర్చుకోండిలా..?

మీ నిద్ర సమస్యలను పరిష్కరించేందుకు ఓ కోచ్ సిద్ధమయ్యాడు. కోచ్ అండే గ్రౌండ్ లోకి తీసుకువెళ్లి శిక్షణనిచ్చేవాడు కాదులెండి..!!, 'జీయో స్లీప్ కోచ్' అనే పరికరంతో మీ కునుకు సమస్యలను సాల్వ్ చేసుకోవచ్చు.

'బెల్ట్' పోలికలో ఉండే ఈ పరికరాన్ని తలకు అమర్చుకుని నిద్రపోవాలి. మీరు నిద్రించే సమయంలో ఈ యంత్రం మేల్కొనే ఉంటుంది. రాత్రంతా మీ మొదడును గమనిస్తుంది. తెల్లారేసరికి మీకు నిద్ర సరిపోయిందా లేదా అన్న సంగతిని మీకు చెప్పేస్తుంది. ఆ వివరాలను మీరు జీయో వెబ్‌సైట్‌లో నమోదు చేస్తే మీ నిద్ర మ్యాప్ రెడీ అయిపోతుంది.

నిద్రపోయే ముందు మీరు ఎంత సేపు నడవాలో.. ఏంత మోతాదులో పాలు తీసుకోవాలా, ఏ ఏ పండ్లు తినాలో, ఏ విధానంలో నిద్రపోవాలో ఇలా అన్ని సూచనలు సలహాలు వెబ్ సైట్లో ప్రత్యక్షమవుతాయి.

మీరు ఎన్ని గంటలకు నిద్రపోవాలో, తిరిగి ఎన్ని గంటలకు నిద్రలేవాలో మొత్తం ఈ యంత్రమే డిసైడ్ చేసి అలారం గంట మోగిస్తుంది.