శారీరక ఆహ్లాదాన్నిచ్చే ఆరోమా వైద్యం...

ఆరోమా థెరఫీ కి ఉపయోగపడే ఆయిల్స్ వివిధ మొక్కల ఆకులు, బెరడు, పూలు, కాండం, వేర్లు ఇలా ప్రతి ఉపయోగపగపడే ప్రతి భాగం నుంచీ సారాన్ని తీసుకొని ఈ ఆయిల్స్ ను తయారు చేస్తారు. వీటినే ‘ఎస్సెన్షియల్ ఆయిల్స్’ అంటారు. అన్నింటిలోకంటే ఎక్కువ ప్రాచుర్య పొందినది లావెండర్ ఆయిల్. ఇది ఒత్తిడిని తగ్గిస్తుంది. మరి ఆరోమా థెరపీలో వివిధ రకాలైనటువంటి ఆయిల్స్ ఏవిధంగా ఉపయోగపడుతాయో చూద్దాం..

మల్లె: మల్లెపూల వాసన ఎంత ఘాటుగా, ఎంగ రొమాంటిక్ గా ఉంటుందో అందరికీ తెలిసిన విషయమే. దీని నూనెను డిప్రెషన్ ను తగ్గించేందుకు, మనస్సును ఉత్తేజితం చేసేందుకు ఉపయోగిస్తారు. ఇది మంచి యాంటి సెప్టిక్, డిస్ఇన్ఫెక్టెంట్ అని కూడా తేలింది. అయితే గర్బిణీలు దీనిని వాడకపోవడం మంచిది.

రోజ్: మహిళలకు సంబంధించిన అనేక సమస్యలను తగ్గించడంలో ఇది ప్రధాన పాత్ర పోషిస్తుంది. డిప్రెషన్, ఒత్తిడి, జీర్ణం కోశ సమస్యలు, గుండెకు, రక్త ప్రసరణకు సంబంధించిన సమస్యలు, శ్వాసకోస ఇబ్బందులు వంటి ఎన్నింటి నుంచో ఇది కాపాడుతుంది. అలాగే చర్మానికి ఎంతో మేలు చేస్తుంది. అయితే దీనిని గర్బాధరణ సమయంలో ఉపయోగించరాదు

నిమ్మ నూనె: చర్మ సమస్యల నుంచి జీర్ణ సంబంధ సమస్యల వరకూ అనేక వాటికి ఉపశమనం కలిగించగల గుణం నిమ్మ నూనెకు ఉంది. కొవ్వు తగ్గించడంలో, ఇమ్యూనిటీని పెంచడంలో ఇది సహాయపడుతుంది. తలనొప్పులు, జ్వరానికి కూడా దీన్ని ఉపయోగించవచ్చు. దీన్ని వేరే మసాజ్ నూనెలలో కలిపి వాడడం మంచిది తప్ప నేరుగా వాడకూడదు. అలాగే ఎండలోకి వెళ్లేటప్పుడు దీనిని వాడకూడదు.

యూకలిప్టస్ నూనె: శ్వాససంబందిత వ్యాధులను తగ్గించడంలో, ఏకాగ్రత పెంచడంలో వీటి సామర్ధ్యం ఎక్కువ. వీటితో పాటుగా దీనిని యాంటీసెప్టిక్ గా, నొప్పులకు, ముక్కులు బ్లాక్ అయినప్పుడు, మైగ్రేన్లు, జ్వరాలు, కండరాల నొప్పులు, ఇతర నొప్పులకు ఉపయోగించవచ్చు. అయితే పిల్లలకు పాలు ఇచ్చే స్త్రీలు దీనిని ఉపయోగించకూడదు.