బీట్ రూట్ తో నిత్యయవ్వనం...సౌందర్యం

Body Care

oi-Saraswathi

By Sindhu

Published: Thursday, January 26, 2012, 15:40 [IST]

సౌందర్యానికి రూట్‌ విటమిన్‌ బి దండిగా ఉండే బీట్‌ రూట్‌ చర్మం, గోళ్లు, వెంట్రుకల ఆరోగ్యానికి బాగా ఉపయోగపడుతుంది. యవ్వనంగా కనపడేందుకు బీట్‌ రూట్ రసం తాగితే రక్తపోటు తగ్గటానికి దోహదం చేస్తుంది. నాడుల ఆరోగ్యం, జ్ఞాపకశక్తి, కాలేయం పనితీరు మెరుగుపడటానికీ బీట్‌రూట్‌ తోడ్పడుతుంది. బీట్‌ రూట్‌ లో విటమిన్ ఎ, బి, సి, క్యాల్షియం, ఫాస్ఫరస్, పొటాషియం, మెగ్నీషియం, ఇనుము, బీటా కెరోటిన్, పీచు పదార్థాలతోపాటు ఫోలిక్ ఆమ్లం పుష్కలంగా ఉన్నాయి.

1. బీట్‌ రూట్ ముదురు ఎరుపు రంగును సంతరించుకునేందుకు ప్రధాన కారణం ఇందులో ఆంధో సైనడిన్లుండటమేనని పరిశోధకులు తెలిపారు.
2. ప్రతి రోజు ఉదయాన్నే పరకడుపున బీట్‌ రూట్ రసాన్ని సేవిస్తే శరీరానికి కావలసిన రక్త శాతాన్ని మరింతగా పెంచుతుంది. ఇందులోనున్న పీచుపదార్థం రక్తకణాలపైనున్న అధిక కొవ్వును తొలగించి, మలబద్దకం సమస్యను కూడా నివారిస్తుంది.
3. బీట్‌ రూట్‌ లో బిటైన్ అనే పోషకం అధికంగా ఉండటం మూలాన శరీరంలో నిల్వవున్న చెడు కొవ్వును కరిగించి వేస్తుంది. దీంతో నిత్యం యవ్వనులుగా ఉంటారు.
4. అంతేకాదు బీట్ రూట్ పెదవులు పొడారకుండానూ చూస్తుంది. వీటిల్లోని బీటేన్‌ రక్తనాళాలు పెళుసుబారకుండా కాపాడుతుంది.
5. శరీరంలోని వివిధ భాగాలలోను, ముఖంపై ముడతలు పడకుండా ఉండేందుకు కోడిగ్రుడ్డులోని తెల్లసొనలో నిమ్మరసం కలుపి ఈ మిశ్రమాన్ని కళ్ళకు తగలకుండా ముఖానికి పూయండి. అలాగే గొంతు, బాహు మూలాల వద్ద కూడా పూయండి. ఇలా పదినిమిషాలుంచిన తర్వాత చల్లటి నీటితో కడిగేయండి. తెల్లసొన చర్మంపైనున్న రంద్రాలను పటిష్టవంతం చేస్తుంది. దీంతో వదులుగా మారే చర్మం కాస్త గట్టిపడుతుంది. దీంతో ముడతలు మటుమాయమౌతాయి.