నాజూగ్గా కనబడాలంటే గ్రీన్ టీ తప్పనిసరి....!

Body Care

oi-Saraswathi

By Sindhu

Published: Monday, April 2, 2012, 13:48 [IST]

సాధారణంగా ఉదయం నిద్రలేవగానే కొంత మందికి ‘టీ’తోనే దినచర్య ప్రారంభం అవుతుంది. అన్ని పానీయాల్లోకంటే అత్యంత ప్రజాదరణ పొందినది టీ. అలసిపోయినప్పుడు టీ తాగితే రిఫ్రెష్ అవుతారు. నిరాశా నిస్పృహలకు లోనైనప్పుడు మనకు ఆలంబనగా నిలిచి మానసికోల్లాసానికి మార్గంగా మారుతుంది టీ. అలాంటి ఈ టీస్థానంలో గ్రీన్‌ టీ వచ్చింది. మామూలు టీకన్నా గ్రీన్ టీ తాగితే శరీరానికి చాలా మంచిది. గ్రీన్‌ టీ తాగడం వల్ల ఎక్కువకాలం ఆరోగ్యంగా జీవించడానికి కీలకపాత్ర పోషిస్తుంది. సుదీర్ఘకాలం పాటు చెప్పుకోదగినంతగా ఆరోగ్య లాభాలు చేకూర్చిపెడుతుంది. గ్రీన్‌ టీలో ఖనిజాలు, విటమిన్లు, యాంటీ ఆక్సిడెంట్లు పుష్కలంగా ఉన్నాయి.

1. శరీరంపై ముడతలు, మచ్చలు, బొల్లి వంటి చర్మరోగాలను పోగొట్టి ముఖవర్ఛస్సును అద్భుతంగా పెంచుతుంది గ్రీన్ టీజ
2. ప్రతి రోజూ గ్రీన్ టీ సేవించడం వల్ల గ్రీన్‌ టీలో ఉన్న ఆల్కలైన్‌ నైజం వల్ల కొలెస్టరాల్‌ స్థాయి తగ్గేట్లు చేస్తుంది.
3. కేలరీలను త్వరగా తగ్గిస్తుంది. గ్రీన్‌టీ తాగుతూ వ్యాయామం చేయడం వల్ల అతి త్వరలో చక్కటి శరీరాకృతి మీ సొంతం అవ్ఞతుంది. బరువ్ఞ కూడా త్వరగా తగ్గించుకోవచ్చు.
పలురకాల కేన్సర్ల బారి నుంచి రక్షించి శరీరంలో యాంటీ ఆక్సిడెంట్ల స్థాయిలను గణనీయంగా పెంచుతుంది.
5. డైటింగ్‌ చేసేరైతే తప్పకుండా గ్రీన్‌ టీ తాగవలసిందే. ఎందుకంటే డైటింగ్‌ చేసే వారికి కెఫీన్‌ తో పాటు గ్రీన్‌ టీ అనుకున్న దానికంటే ఎక్కువ ఫలితాలు లభిస్తాయి.
6. అవగాహన, జ్ఞాపకశక్తులను గ్రీన్‌ టీ పెంపొందిస్తుంది. జీర్ణక్రియను వృద్ధి చేస్తుంది. గర్భిణులకు కూడా సురక్షితమైనది. హృద్రోగాలను నివారిస్తుంది. మీరు ఆరోగ్యంగా, నాజూకుగా ఉండాలంటే వెంటనే గ్రీన్‌టీ తాగవలసిందే మరి.
7 చక్కెర లేకుండా గ్రీన్‌ టీ తాగినట్లయితే రక్తంలో గ్లూకోజ్‌ స్థాయి తగ్గడానికి వీలు కలుగుతుంది. ఇది మధుమేహానికి మంచి మందు.
8. గ్రీన్‌టీ ఉన్న బ్యాక్టీరియాను ధ్వంసం చేసే గుణాల వల్ల పళ్లపై గారపట్టడం, పుచ్చిపోవడం అనేవి జరగవు.
9. తల తిరుగుడు వంటి సమస్యలకు విరుగుడుగా గ్రీన్‌ టీ చాలా చక్కగా ఉపయోగపడుతుంది.
10. ఇన్ని సుగుణాలున్న గ్రీన్ టీ వల్ల ఒక నష్టం కూడా ఉంది. గ్రీన్ టీ తాగడం వల్ల వచ్చే ఒకే ఒక నష్టం ఏమిటంటే నిద్రపట్టదు. ఈ టీలో ఉండే కెఫీన్‌ అనే పదార్థం, నిద్రను దూరం చేస్తుంది.