ఎంత వయస్సు పైబడ్డా మీరే నిత్య యవ్వనులు......!

Published: Saturday, May 5, 2012, 12:25 [IST]

How to Look Younger and Feel Better forever

ప్రతి మనిషి ఆరోగ్యంతో పాటు అందంగా ఉండాలని తాపత్రయపడుతుంటారు. ఎంత వయస్సు పైబడినవారైనా సరే, స్త్రీ అయినా, పురుషుడైనా సరే వయస్సును దాచుకోవడానికి ఎన్నెన్నో ప్రయత్నాలు చేస్తుంటారు. ముఖంలో ముడతలు కనబడకుండా, తలలో తెల్ల వెంట్రుకలు కనబడకుండా, రకరకాల ప్రయత్నాలు, ఎక్సర్ సైజ్ లు, డైట్, ఫేషియల్స్, డ్రస్పింగ్ స్టైల్ ఇలా అన్ని రకాలుగాను మార్చుకుంటూ నిత్య యవ్వనులా కనబడటానికి ప్రయత్నిస్తుంటారు. వృద్ధాప్యంలో పడ్డాక కూడా 'మీకు ఇంత వయసున్నట్టు కనబడరు అనే మెచ్చుకోలు పొందామంటే అది మన ఆరోగ్యాన్నీ, ఆహారపు అలవాట్లను మార్చుకోవాలి. ఇంకా అనవసరపు ఆందోళనలకు లోనుకాకుండా, పొల్యూషన్‌ బారినపడకుండా ఉంటే కాలాన్ని పది- పదిహేనేళ్లు వెనక్కు తిప్పుకోవచ్చు. అదెలాగో చూద్దాం...

చిన్నప్పటి నుంచే ఆహారపు అలవాట్లు ఒక క్రమపద్ధతిలో ఉంటే అది మన శరీర సౌందర్యానికి చక్కని పునాదిగా ఉపయోగపడుతుంది. శరీరానికి అందాల్సిన పోషకాలు, విటమిన్లు సమపాళ్లలో అందించాలి. ఆహారంలో నూనెలు, కొవ్వులు, కోలాలు, కాఫీలు లేకుండా చూసుకోవాలి. ఆరోగ్యంగా ఉన్నవారి శరీరతత్వం సౌందర్యాన్నే సూచిస్తుంది. మీరు తినే ఆహారంలో తప్పని సరిగా కొన్ని పాటించినట్లైతే నిత్యయవ్వనులు అనిపించుకోవడం ఖాయం. ఇవన్నీ రోగ నిరోధక శక్తిని పెంచేవే కాక జీర్ణక్రియ చక్కగా పనిచేయడానికి ఉపయోగపడతాయి. మీ ఆహారంలో అవి ఎంత శాతం ఉంటున్నాయో ఒకసారి చెక్‌ చూసుకోండి..

పకృతి అంధించిన వరాలు పళ్లు, కూరగాయలు. క్యాబేజీ, బ్రొకొలీ, ముల్లంగి, ఉసిరి, క్యారెట్‌ ఇవన్నీ విటమిన్లు సమృద్ధిగా గల కూరగాయలు. విటమిన్‌ ఎ, సిలు కంటి చూపుకు, కంటికి సంబంధించిన జబ్బులనుంచి రక్షణనిస్తాయి. పాలకూర లేదా ఇతర ఆకుకూరలన్నీ శరీరానికి కావలసిన ఐరన్‌ను అందించి అనీమియా బారిన పడకుండా చేస్తాయి. సమృద్ధిగా పోషకాలను అందించే కళ్లకింపైన రంగులున్న కూరగాయలు గుండె జబ్బులను, మానసిక వత్తిడి, డిజార్డర్స్‌ వంటి జబ్బుల నుండి రక్షణనిస్తాయి.

ఇక పళ్ల విషయానికొస్తే బొప్పాయి, అరటిపండు, సపోటాల్లో ఐరన్‌, పొటాషియం, విటమిన్‌ 'ఇ ఎక్కువగా ఉంటాయి. ఇవి చర్మానికి నిగారింపునిచ్చి యవ్వనంగా కనిపించేలా చేస్తాయి.కూరగాయలు ఎక్కువగా ఉడికిస్తే అందులో ఉన్న పోషకాలు, ఖనిజాలు నష్టపోతాం. టమాటా: అధిక రోగనిరోధకశక్తి గల కూరగాయ టమాటా. ఇది గుండె సంబంధిత వ్యాధులను, ఉదర, నోటి, పేగు క్యాన్సర్లను అరికడుతుంది. ఇందులో 'ఎ, 'ఇ విటమిన్లు ఎక్కువగా ఉండడం వల్ల కళ్లకు, చర్మానికి చాలా మంచిది. టమాటాను బ్యూటీపార్లర్‌లో ఫేస్‌ మాస్కుల్లో కూడా ఉపయోగిస్తారు.

డ్రై ఫ్రూట్స్: బాదం, పిస్తా, జీడిపప్పుల్లో విటమిన్‌ ఇ, ఐరన్‌, పొటాషియం, జింక్‌, ఒమెగా-3 ఫాటీ ఆసిడ్స్‌ ఉంటాయి. ఇవన్నీ శరీర సౌందర్యాన్ని పెంచేవి. ఇందులో ఉండే నూనెలో ముఖం కాంతివంతంగా కనిపించడానికి ఉపకరిస్తాయి. పెరుగు-తేనె: పెరుగులో చలువ చేసే గుణం ఉంటుంది. ఇది అరుగుదలను మెరుగుపరిచే ఆహారం. తేనె శక్తినిచ్చే ఔషధం. తేనె వత్తిడిని తగ్గించడమే గాక మతిమరుపును కూడా అరికడుతుంది.

సోయాబీన్స్‌: ఇవి హార్మోన్‌ ఇంబాలెన్స్‌ను అరికడుతుంది. వయసు పైబడనీయకుండా ఇందులో ఉన్న సైటిక్‌ యాసిడ్స్‌ ఉపయోగపడతాయి. హార్ట్‌, అల్జీమర్‌ జబ్బులను, ఈస్ట్రోజన్‌ను అరికడుతుంది. మెనోపాజ్‌ దశను దరిచేరకుండా నిరోధిస్తుంది. నీళ్లు-పళ్లరసాలు: శరీరం మెరుస్తూ ఉండాలంటే రోజూ ఎంత ఎక్కువ నీరు తాగితే అంత మంచిది. ఒకటి, రెండు కూరగాయల, లేదా పళ్లరసాలు తీసుకోవడం చాలా మంచిది. సొరకాయ, దోసకాయ, ఆరెంజ్‌, బత్తాయి, నిమ్మరసం చాలా మంచిది. కొబ్బరి నీళ్లలో కూడా అందాన్ని పెంచే గుణాలు అధికం.