జాగింగ్ తో బరువు తగ్గి...శరీరం ఫిట్ గా.. హెల్తీగా.....!

Body Care

oi-Saraswathi

By Sindhu

Published: Wednesday, June 13, 2012, 13:25 [IST]

జాగింగ్ అనేది యువత అలవాటే కాకుండా వారి జీవితంలో అత్యవసరంగా మారిపోయింది. ఎందుకంటే మారిన ఆహారపు అలవాట్లు, జీవన విధానం మనుషులైన స్థూలకాయం వైపు తోసేస్తున్నాయి. చాలా చిన్న వయస్సు నుంచే ఊబకాయం వణికిస్తోంది. దీని నుంచి తప్పించుకోవాలంటే ఆహార నియంత్రణతో పాటు వాకింగ్, జాగింగ్ లాంటి వ్యాయామాలు తప్పనిసరి. వాకింగ్ కైనా జాగింగ్ కైనా ఉదయం అనువుగా ఉంటుంది. ఎక్కువగా జనసంచారం వుండని ఈ సమయంలో జాగింగ్ నిరాటంకంగా సాగిపోతుంది. జాగింగ్ ఉదయం నిద్ర లేవగానే పరగడుపున చేయాలి. వాకింగ్ కి ఎలాంటి డ్రస్ కోడ్ లేకపోయినా జాగింగ్ కు మాత్రం డ్రస్ కోడ్, దానికి అనువైన బూట్లు వుండాలి. పొడుగు ప్యాంటు, షార్ట్స్ ఎదైనా జాగింగ్ కు అనువైనవే. అయితే మీకు ఏది సౌకర్యంగా ఉంటుందో అది ధరించవచ్చు.

జాగింగ్ చేసేటప్పుడు శరీరంలోని అన్ని అవయవాలకంటే కాళ్ల మీదే ఎక్కువ భారం పడుతుంది. ఒత్తిడి కూడా ఎక్కువే. అందు వలన తేలికగా వుండే షూస్ ధరించడం ముఖ్యం. కాలి వేళ్లల్లో ఎముకల మధ్య కండరాల కదలిక అధికంగా వుంటుంది. దీని వలన రక్తప్రసరణ వేగం ఎక్కువ అవుతుంది.

జాగింగ్ సమయంలో కాలి వేళ్లు ముడుచుకోవడానికి వ్యాపించడానికి తగిన ఖాళీ వుండేలా చూసుకోవాలి. శరీరం నుంచి వేడి బయటకు పోయేలా చూసుకోవాలి. ఈ జాగ్రత్తలతో పాటు షూస్ కొనేటప్పడు అప్రమత్తంగా ఉండాలి. జాగింగ్ షూస్ కొనే ముందు బాగా తెలిసి ఉన్న షాపులోనే కొనుగోలు చేయాలి. బ్రాండెడ్ కంపెనీ షూస్ ని మాత్రమే ఎంపిక చేసుకోవాలి. కొత్త వాటి జోలికి వెళ్ళి ప్రయోగాలు చేయకూడదు.

షూస్ మీ పాదం సైజు కన్నా కొద్దిగా పెద్దగా ఉన్నవే ఎంచుకోవాలి. ముఖ్యంగా కాలి వేళ్ల మధ్య వెడల్పు ఎక్కువగా వుండాలి. పాదాలు కదిలినా రక్తప్రసారంలో అంతరాయం కలగదు. షూ లేసులు కట్టుకొని పరిగెత్తడం మొదలు పెట్టిన తర్వాత ఎట్టిపరిస్థితుల్లోనూ షూ వదులు కాకుండా చూసుకోవాలి.

షూస్ ఎప్పుడూ బరువుగా ఉండకూడదు. తేలికపాటి బరువుతో వుండే షూసే మంచివి. సాధారణంగా జాగింగ్ ఉదయం సమయంలోనే చేస్తారు కాబట్టి లేతరంగులే అనువుగా వుంటాయి. కాటన్ షూస్ మాత్రమే ఉపయోగించాలి. లెదర్ తో చేసినవి అంత అనువుగా వుండవు. రక్త ప్రసరణ సక్రమంగా జరగకపోతే కీళ్ల నొప్పులు వచ్చే ప్రమాదం వుంది. జాగింగ్ చేసేటప్పుడు ఏమాత్రం అసౌకర్యంగా కనిపించినా వెంటనే ఆపివేయాలి.

రోజూ క్రమక్రమంగా జాగింగ్ చేసే సమయాన్ని పెంచుకుంటూ పోవాలి తప్ప ఒకేసారి గంటల కొద్దీ చేయడం మంచిదికాదు. నెమ్మదిగా మీ శరీరాన్ని జాగింగ్ కి అలవాటు చేయాలి. జాగింగ్ కొత్తగా మొదలు పెట్టదలచు కొంటే మొదటి నండినే ఎక్కవు డిస్టెన్స్ ఎంచుకోకూడదు. మొదట కొద్ది దూరంతో ప్రారంబించి తర్వాత ఒక్కోవారానికి కొంత కొంత దూరం పెంచుకొంటూ పోవాలి. రోజుకి కనీసం అరగంట నుంచి గంటన్నర పాటు జాగింగ్ చేస్తే మంచిది. జాగింగ్ చేసే ముందు వైద్యుడిని సంప్రదించడం శ్రేయస్కరం.