టెన్షన్ పడ్డారో., జుత్తు గోవిందా?

అధిక ఒత్తిడి, జీవన శైలిలో మార్పు కారణంగానే జుట్టు ఊడటం సమస్య ఉధృతమవుతుందని అమెరికా వైద్య నిపుణులు హెచ్చరిస్తున్నారు. ఉద్యోగినిగా, ఇల్లాలిగా ఎన్నో బాధ్యతలను నిర్వర్తిస్తున్న నేటి మహిళ పలు విధాలు ఒత్తిళ్లకు లోనుకావల్సి వస్తుందని ఈ బృందం తేల్చింది. మహిళలు తీవ్ర కుంగుబాటుకు లోనైనా జుట్టును కోల్పొతారట. ఈ సమస్యను ఆదిలోనే గుర్తించి ఆరోగ్యకరమైన జీవనశైలిని అలవర్చుకోవాలని బృంద సభ్యులు సూచిస్తున్నారు.

ఒత్తిడికి లోనుకాకుండా ఉండటం, కురుల సంరక్షణకు ప్రత్యేక శ్రద్ధ తీసుకోవడం, పోషకాహారం మీద దృష్టి పెట్టడం వంటి అలవాట్లను నేటి మహిళలు దినచర్యలో భాగం చేసుకోవాలని నిపుణులు చెబుతున్నారు. సమస్యను ముందుగానే గుర్తించి సంబంధిత వైద్య నిపుణులను సంప్రదించటం ఉత్తమమైన పనిగా నిపుణులు అభివర్ణిస్తున్నారు.