పోషకాహారంతో జుట్టు రాలడాన్ని అరకట్టుట...!

Hair Care

oi-Saraswathi

By Sindhu

Published: Thursday, April 26, 2012, 17:55 [IST]

వేసవిలో మనం ఆరోగ్యాన్ని ఏమాత్రం నిర్లక్ష్యం చేసినా, ఆ ప్రభావం ముందుగా చర్మం మీదే పడుతుంది. వాతావరణంలో మార్పులు శిరోజాల ఆరోగ్యాన్ని ప్రభావితం చేస్తాయి. ఫలితంగా జుట్టు కుదుళ్లు బలహీనమవుతాయి. రాలిపోతాయి. ఆహారంలో కొన్ని పోషకాల లేమి కూడా శిరోజాల ఆరోగ్యాన్నీ దెబ్బతీస్తుంది. అందుకే కొన్ని పోషకాలు లోపించకుండా చూసుకోవాలి. ముఖంపై వచ్చే మొటిమలు, హెయిర్ ఫాల్ ఆందోళనకు గురి చేస్తుంటాయి. అయితే చర్మం నిగారింపు సంతరించుకోవాలన్నా, శిరోజాలకు షైనింగ్ రావాలన్నా చక్కటి ఆహారం తీసుకోవడం ఒక్కటే మార్గం. ఈ శిరోజాలు రాలడంతో పాటు తల పొడిబారటం వంటి లక్షణాలున్నట్లయితే బయోటిన్, జింక్, ఐరన్, ఒమెగా 3 ఫ్యాటీయాసిడ్స్ లోపం ఉన్నట్లుగా భావించాలి. అందుకు ముఖ్యంగా మాంసకత్తులు, ఇనుము, జింక్ బయోటిన్, ఒమెగా త్రీ ఫ్యాటీ ఆమ్లాలు ఉన్న ఆహారాన్ని ఎక్కువగా తీసుకుంటు తగినన్ని జాగ్రత్తలు తీసుకుంటే జుట్టు ఆరోగ్యంగా ఉంటాయి.

1. ఒత్తిడి, ప్రెగ్నెసీ, చర్మవ్యాధులు, మందులు, జన్యుపరమైన కారణాలతోపాటు వయస్సు కూడా కారణం కావచ్చు. శిరోజాలకు వాడే రంగులు కూడా హెయిర్ ఫాల్‌కు కారణం కావచ్చు.
2. హెయిర్ ఫాలింగ్ ఎక్కువగా ఉందంటే తీసుకునే ఆహారంలో ప్రొటీన్, ఫ్యాట్ శాతంపై దృష్టిపెట్టాలి. ముఖ్యంగా ఒమెగా 3 ఫ్యాటీ యాసిడ్స్ ఉండేలా చూసుకోవాలి.
3. రోజు వారి మెనూలో విటమిన్-ఎ, సి, బి-కాంప్లెక్స్, ఐరన్, ఫోలిక్‌యాసిడ్ తగినంత లభించేలా చూసుకోవాలి. శిరోజాలు ఆరోగ్యంగా ఉండటానికి ఇవి ఉపకరిస్తాయి.
4. చేపలు, కోడిగుడ్లు, పండ్లు ఎక్కువగా తీసుకోవాలి. షుగర్ ఎక్కువగా ఉండే పదార్థాలను తక్కువగా తీసుకోవాలి. కాఫీ, ఆల్కహాల్, నికోటిన్, కూల్‌డ్రింక్స్‌కు దూరంగా ఉండాలి. ఈ సలాడ్‌తో పాటు వాల్‌నట్స్ తీసుకోవచ్చు. ఇందులో ఒమెగా 3 ఫ్యాటీ యాసిడ్స్ ఎక్కువగా ఉంటాయి. వెజిటబుల్ జ్యూస్, కొబ్బరి నీరు ఎక్కువగా తీసుకుంటే శిరోజాలు ధృడంగా ఉంటాయి.
5. చేపలు, అవొకడో వంటి ఫ్రూట్స్ తీసుకోవాలి. ఆకుకూరలు ఎక్కువగా తినాలి. ఒమెగా 3, జింక్ మొటిమలను అరికడతాయి. ఈ జంక్ ఫుడ్‌కు దూరంగా ఉండాలి. కాఫీ, ఆల్కహాల్, రెడీ మీట్, వేయించిన పదార్థాలను తీసుకోకూడదు.
6. రోజూ ఒక గ్లాసు క్యారట్ జ్యూస్ తీసుకుంటే విటమిన్-ఎ తగినంత అందుతుంది. బ్రొక్కోలి, క్యాలీఫ్లవర్, పాలకూర రోజూ మెనూలో ఉండేలా చూసుకోవాలి.