వేసవి విడిది... ప్రయాణాలు... కురులసంరక్షణ...!

Hair Care

oi-Saraswathi

By Sindhu

Published: Monday, May 21, 2012, 18:09 [IST]

వేసవి సెలవులు...పిల్లలు.. పెద్దలు అందరూ ఎంజాయ్ చేసే సమయం.. ట్రిప్పులు..టూర్లు..పెళ్ళిళ్లు, ఫంక్షన్లు.. అబ్బో ఎన్నోఎన్నెన్నో.... వీటిన్నింటి ప్రభావం శరీరంలో మార్పులు చేర్పులు సహజం. ముఖ్యంగా వేసవిలో ఎక్కువగా ప్రయాణాలు ఉంటాయి. దూరప్రయాణాలు చేసినప్పుడు కాలుష్యం, నీటి ప్రభావం శిరోజాల మీద పడి సమస్యలు తప్పవు. అలాంటప్పుడు ఇంటికి చేరాక కొన్ని జాగ్రత్తలు పాటిస్తే అందమైన కేశ సంపద మీ సొంతమవుతుంది.

1. ఎండ... గాలిలో ఎక్కువ సమయం ఉండటం వల్ల తల పొడిబారిపోతుంది. అందుకే తలకు సహజ నూనెలతో మర్ధన చేయాలి. నాలుగు గంటలపాటు విశ్రాంతి తీసుకొని తలస్నానం చేయాలి. దాంతో మాడుకు తేమ అందుతుంది. కండిషనర్ తో కూడా పని ఉండదు. ఆపై నూనెతో మర్దన చేయడం వల్ల పట్టుకుచ్చులా జాలువారే శిరోజాలు సొంతమవుతాయి.
2. కండిషనర్ వాడకం వల్ల కురులకు కొత్త కళ వస్తుంది. అయితే దీన్ని రాసుకొనేటప్పుడు జాగ్రత్తగా ఉండాలి. మాడుకు కాకుండా..శిరోజాలకు మాత్రమే రాసుకోవాలి. ఐదారు నిమిషాల తర్వాత నీళ్ళ తలమీద జాలువారుగా పోస్తే ఫలితముంటుంది. లేదంటే తల్లో కండిషనర్ మిగిలిపోయి, చుండ్రు సమస్య బాధించే ఆస్కారం అధికం. పంపుకింద తలను ఉంచి నీటి ధారతో శుభ్రపరుచుకుంటే ఇంకా మంచిది.
3. ఎంత హడావుడి ఉన్నా డ్రయ్యర్ వాడటం, ఎండలో నిల్చోవడం వంటివి శిరోజాలకు మరింత హాని చేస్తాయి. మెత్తని నూలు వస్త్రంతో తుడిస్తే తల త్వరగా ఆరిపోతుంది. కురులు చిక్కులు పడవు.
4. వేసవి విడిది పూర్తయి ఇల్లు చేరాక చివర్లు కత్తిరించాలి. చిట్లిపోయిన జుట్టును తీసేయాలి. అలానే స్విమ్మింగ్ కు వెళ్లేటప్పుడు తల తడవకుండా టోపీ ధరించాలి. లేదంటే శిరోజాలకు హాని జరుగుతుంది. నీటి కాలుష్యం కారగణంగా జుట్టు రాలడం, తెగిపోవడం వంటి సమస్యలు ఎదురవుతాయి.
5. చుండు శాతం ఎంత ఉందో నిపుణుల ఆద్వర్యంలో పీరక్ష చేయించుకొని అవసరం మేరకు తగిన చికిత్స తీసుకోవడం లేదా సౌందర్యోత్పత్తులను సిఫారసు చేయించుకోవాలి. అలానే సమస్యను బట్టి స్పా చికిత్సలకు ప్రాధాన్యమివ్వవచ్చు. వీటివల్ల కురులకు కోల్పోయిన కళ తిరిగి వస్తుంది. ఒత్తిడి దూరమై. ఒత్తిడి దూరమై... తల్లో రక్తప్రసరణ సక్రమంగా ఉంటుంది.
6. వీటన్నింటితో పాటు ఆహారం మీద కూడా దృష్టి పెట్టాలి. ఫ్యాటీ ఆమ్లాలు, విటమిన్ ‘బి’ లభించే ఆహారానికి ప్రాధాన్యమివ్వాలి. ముదురు ఆకుపచ్చ రంగులో లభించే కాయగూరలు, బీన్స్, నట్స్, గుడ్డు, తృణధాన్యాలు, క్యారెట్లు, ఎక్కువగా తీసుకోవడం మంచిది.